الطاره والسويتش مقفلين !!!

[قانص مقناص55]

السلام عليكم ورحمه الله وبركاته
إخواني أنا عندي كابرس 2004 طفيت السياره بالليل ويوم جيت إشغلها الصبح ادخل المفتاح مايتحرك أبد والطاره مقفله جربت حركه الطاره يمين يسار ماظبط فصلت البطارية ورجعت شغلتها ماظبط ياليت إلي عنده حل أوقد صارت له يقول لي ..

[ابوبشاير]

اخوي قد صار معة كذا وراح للشايقي راعي المفاتيح وقاله جب السيارة على السطحة وكنت انا معه وبعد الكشف قال فيه سنه من السويتش مكسورة داخل سنه صغيرة والمفتاح كان يدخل بسلاسة ويطلع كان كل شي طبيعي المهم راح وفك السويتش ونطفة وورانا كسره صغيرة قال هذا هو الخربان والله ماادري كيف صلحة وطلب منا 180 وشغنا السيارة وكل شي تمام ..... لاتروح لاي مصلح للمفاتيح لاتروح الا اللي تحت كبري الخرج اذا انت بالرياض هم اللي عندهم الخبرة لذلك واذا احتجت شي انا على الخاص ومستعد افزع معك

[قانص مقناص55]

يعطيك العافيه ماقصرت والله السياره واقفه للحين لاكن بجرب إلي قلته لأن في ناس قالو لي نفسك
مشكور

[قانص مقناص55]

السلام عليكم
يعطيك العافيه ابو بشاير سويت إلي قلته طلع السويتش فيه قطعه مكسوره جبت كهربائي وفكه لي ووديته محل المفاتيح كلفني 150 ريال للمعلوميه