مشكلة في مكيف الباترول

[comابوسليمانwww]

السلام عليكم ورحمة الله وبركاته ..
عندي مكيف الباترول مايطلع هوا ولا ادري وش السبب علما ان المكيف الخلفي شغال مشا الله وجربت الثلاجة شغالله وتبريده ممتاز ..... ياليت الي له خبرة بهذا الموضوع او مرت عليه زي هالحالة يفيدنا جزاكم الله خير

[طلال2009]

عندك كتاوت المفتاح حق المكيف وقيمتة بالوكالة 160

[ابو خالد 1992]

كانه من الموديلات الجديدة نظف فلتر المكيف

[قمرنا]

شيك على المروحه الداخليه للمكيف
داخل الكبوت عند الماكينه خلف الطبلون
فكها ونظفها وشيك على الاسلاك والفيوز

ورد لنا وش صار معك للفائده

موفق إن شاء الله

[أحمد محمد1429]

شيك على فيوز المروحه الداخليه اللي تحت الدرج وإذا كان الفيوز سليم فكها وشيك على فحماتها

[abo naser 1]

السلام عليكم

كان عندي نفس المشكلة اذا كان الموديل القديم بس ربع نظفت الثلاجة الي تحت الطبلون ورجع طبيعي وممتاز يزود التبريد وقوة الدفع مع الوقت تتسدد

[sgl2002]

اذا الموتر من الجدد

او شي شيك على كتاوت المكيف شفه في الوسط زي حق الطرمبة
فك حق الطرمبه واشبكه بداله وشف بتشتغل المروحه او لا

اذا نفس الشي فمعناه المروحه اللي قدام ماسكه

[ابوسند9]

اخوي ابو سليمان
اولا شيك على المروحه من اسفل الدرج الكبير لايكون ماسكه بلاستيك او مناديل
ثانيا فك الدرج الكبير وفكه سهل واضرب المروحه بمفك والمكيف شغال ممكن تكون ماسكه
ثالثا شيك على على الفيوزات الصغيره وتلقى مكتوب على الغطاء FAN وهو فيوز المروحه
رابعا اذا فكيت الدرج راح تحصل عدد 2 كتاوت جرب خلي يدك على احداهم وشغال المكيف الامامي اذا حسيت بطقه بيدك فمعناه الكتاوت سيلم وكذالك لاخر واذا كان مايطق بيدك ففكه واطرقه بمفك طرقه بسيط وركبه وجرب يعني اللي ما تحس بطقه معناه عطلان طبعا بعد فحص وهو الكهرباء
او انك تفك فيش الثلاجه بشرط يكون معك فاحص كهرباء وسعره ب 10 ريال وتشوف الكهرباء واصل للثلاجه
اذا كان غير ذالك فا المشكله من فحمات المروحه اللى نتكلم عنها ولا انصحك بتركيب فحمات لانه ما راح تزبط معك وشف لك مروحه من التشليح افضل

[أبوعجه]

مدام انك فتحت الموضوع يا أبوسليمان
اسمحلي اقط شوي
انا المكيف شغال بس ما اقدر اغير توجيه
يعني بحط على الرجلين بس ما اقدر
الحين محطوط على الوجه والرجلين
رحت لم واحد حق مكيفات مهوب مضمون مرره
قالي ان القسام حق الثلاجه مايتحرك من الوصخ
وش الحل
وش الورشه الممتازه في الشغل
علما بان موتري 97

[ابوسند9]

اخوي ابو عجه
جرب فك ديكور المكيف اللي هو الديكور بتاع المسجل والمكيف وشيك على الواير الموزع للمكيف ممكن منفصل من الداخل وفكه سهل جدا

[أبوعجه]

هلا ابوسند
انا مو واير
اكتروني
انا كنت احسبه واير مثلك وفكيته ولقيته اكتروني
وهذا اللي قهرني

[ابوسند9]

اخوي ابو عجة
طيب جرب انفخ الازرار الاكترونيه بهواء بنشر قوي وجرب لانه غالبا يكون السبب غبار وجرب تضغط الازرار بستمرار
اذا ما نفع اعتقد فيه جهازين صغار بحجم بكت الدخان داخل الديكور وعلى يسار دعسة البنزين عاده يكون منها المشكله وهو جهاز فيه فيش كهرباء واحد للهوايه الخارجيه وواحد لتوزيع الهواء وفيها واير او سيم

[ابوسند9]

وعلى يمين دعسة البنزين (تصحيح)

[شرق المغيب]

مادامه يبرد المركزي ودفعه تمام معناته المروحة الي تحت درج الراكب فكها ونضفها يمكن ماسه شي وشيك على فيوزها

مشكلتك سهله وشف ابواب الهوا الي تفتح مع شبكة الفريون وتقفل يمكن مدقره

[comابوسليمانwww]

عتذر اخواني عن التأخر في الرد ...
المشكلة عندي صارت من المروحة الي تحت الدرج خربانه رحت للوكاله ابغيره قالي سعره ب960 ريال المهم حصلت واحد يماني قالي انا اصلح لك المروحة القديمه واعطيك عليه ضمان وتوكلت على الله
وصلحته عسى الله يتمم على خير ..

# لكن اخواني الي يواجه مثل هذي المشكلة نصيحة لايقع بالخطأ الي وقعتبه وسبب لي مشاكل وهو اني عندما طفا المكيف الامامي انا كنت شاك ان البلا من المروحة لانه كانت تطلع صوت من فترة لكني قلت لعل السالفه اقل من كذا ولما شيكت على الفيوز لقيت فيز المكيف منقطم قلت بسيطه وركبت من القراده فيز تجاري وفعلا اشتغل المكيف اقل من نص ساعه ثمن طفى وشميت بوقته ريحت التماس كهرب ا ثري حست الدنيا صار الفيز التجاري مافيه امان زي مافي الاصلي ..والتمس عندي مكثف الهوا قيمته 460ر يال والحمد لله انه عدت على كذا ..

[فهد25]

أخوي انا عندي نفس مشكلتك وانا الآن بصدد الاصلاح واتوقع انها المروحة لكن سعرها غالي ؟؟؟
وين هاليماني اللي صلح لك الثلاجة وفقك الله ؟
علما أنني بجدة