ابحث عن إصلاح لمكيف السيارة

[mjd]

الاخوة أعضاء وزوار مكشات حول مكيف السيارة من نوع لاند كروزر 2002 يوجد به ضعف شديد في التبريد والدفع من يدلني على ورشة على ممتازة ومجربة لتصليح المكيف. مشكورين

[mjd]

البلد الرياض مشكورين

[ajaa2009]

اول شي نظف فلتر الهواءالداخلي

[ابوسند9]

شيك على الفلتر اول اتوقع انه متسخ
وبعدين انتبه من بعض الورش لان بعظهم على راح يقول الكمبرسر ضعيف ويبغى توظيب او تبديل وووالخ من الكلام

[أبوعابر]

ابد غير فلتر المكيف ويرجع طبيعي لأن الفلتر إذا توسخ يقفل الهواء زي مكيف البيت يحتاج تنظيف بين فتره وأخرى

[شايب السبيت]

حط رقم جوالك وبرسل لك رقم فني تكييف في الصناعية القديمة
خبير في التكييف وفاهم الشغله ...... والاهم امين في شغله

[Raselny]

اي والله تكفون دلونا على احد فاهم بالرياض ، الصيف الماضي مغير كمبرسر جديد اصلي+ رديتر مكيف اصلي + تنظيف كامل المواسير واشتغل زي العسل
والحين المكيف ما يطلع الا برودة خفيفة مرررة واحيانا حااار

اخوي شايب السبيت
هذا رقمي بعد اذن صاحب الموضوع وادارة المنتدى

0554233543
انتظر رسالتك بفارغ الصبر

[Raselny]

الله لا يهينك يا اخوي شايب السبيت على اتصالك وسرعة تجاوبك الله يجزاك خير وجعلها في موازين حسناتك.

[كاشت وحداني]

اذا الهواء بارد لكن ليس هناك قوة دفع غير الفلتر

[المميـز]

:

ينقل للقسم المناسب

وان شاء الله تلقى الجواب الشافي لمشكلتك

:

[mjd]

اول شي نظف فلتر الهواءالداخلي

الاند 2002 بدون فلتر هواء ومشكور

[mjd]

شيك على الفلتر اول اتوقع انه متسخ
وبعدين انتبه من بعض الورش لان بعظهم على راح يقول الكمبرسر ضعيف ويبغى توظيب او تبديل وووالخ من الكلام

كلامك صحيح 100% المشكلة الاند 20 مشكور02 بدون فلتر

[mjd]

ابد غير فلتر المكيف ويرجع طبيعي لأن الفلتر إذا توسخ يقفل الهواء زي مكيف البيت يحتاج تنظيف بين فتره وأخرى

مشكور اخوى السيارة بدون فلتر

[mjd]

حط رقم جوالك وبرسل لك رقم فني تكييف في الصناعية القديمة
خبير في التكييف وفاهم الشغله ...... والاهم امين في شغله
مشكور أخوي ارسلتلك الرقم على الخاص

[mjd]

اذا الهواء بارد لكن ليس هناك قوة دفع غير الفلتر
مشكور ..... الهواء بارد والدفع ضعيف جدا ...... السيارة لابوجد بها فلتر هواء

[شايب السبيت]

اعتقد ان مشكلتك في لوحة سرعات الهواء 1234
او في الدينمو حق مراوح الدفع

[mjd]

اعتقد ان مشكلتك في لوحة سرعات الهواء 1234
او في الدينمو حق مراوح الدفع

مشكور والله يجزاك كل خير على الرقم والنصائح الذهبية

[abo naser 1]

السلام عليكم

هل نظفت الثلاجة الي تحت الطبلون

واذا تبي أفضل الموجود وفريونه أصلي في الصناعية القديمة مخرج 16 باتجاه الغرب الين تجيك أول اشارة اطلع يسار وسيدة من فوق الكبري الحديد الي تحته سكة القطار بعدها تجيك اشارة تعدها وادخل الخدمة الين يجيك شارع سيدين اعتقد شارع العويضة بزاويته مسجد العويضة ادخل يمين يصير المسجد على يسراك باتجاة الغرب الي يجيك حرف T دوير وارجع بأتجاة الشرق رابع ورشة تكييف على اليمين فتحتين لوحتها زرقاء اسمه الفوائد شغله ممتاز وفريونه أصلي كل الي في الصناعية يعبون تجاري حتي لو مكتوب عليه امريكي كذب هو صيني ومكتوب امريكي غير ان تبريده ردي يسبب ضعف للكمبرسر الين يخرب ويفجر اليات اتمنى اني أفدتك..

[mjd]

السلام عليكم



هل نظفت الثلاجة الي تحت الطبلون



واذا تبي أفضل الموجود وفريونه أصلي في الصناعية القديمة مخرج 16 باتجاه الغرب الين تجيك أول اشارة اطلع يسار وسيدة من فوق الكبري الحديد الي تحته سكة القطار بعدها تجيك اشارة تعدها وادخل الخدمة الين يجيك شارع سيدين اعتقد شارع العويضة بزاويته مسجد العويضة ادخل يمين يصير المسجد على يسراك باتجاة الغرب الي يجيك حرف T دوير وارجع بأتجاة الشرق رابع ورشة تكييف على اليمين فتحتين لوحتها زرقاء اسمه الفوائد شغله ممتاز وفريونه أصلي كل الي في الصناعية يعبون تجاري حتي لو مكتوب عليه امريكي كذب هو صيني ومكتوب امريكي غير ان تبريده ردي يسبب ضعف للكمبرسر الين يخرب ويفجر اليات اتمنى اني أفدتك..

مشكور على النصائح ..... كيف يتم تنظيف الثلاجة ... تحتاج فني للتنظيف

[frnas2010]

شف يالغالي خذ سكروب وفك المروحة حقت الدفع اللي تحت الطبلون اللي راكبه في الثلاجه وفكها سهل جداً
بعدين بتشوف فتحه جب لك كشاف قوي وشف الشبك حق الثلاجه بيبين معك إذا هو مسكر ولا لا كانه مسكر
جب لك فرشه مثل فرشات الاسنان او اكبر شوي وحاول انك تنضفها بس شوي شوي لان الشبك خفيف طريقة التنظيف انك تجيب رشاش مويه والفرشه وترش شوي وتمسح بالفرشه وشيك الين تنظف ( طبعاً المكان ضيق بس تحمل.
ورد لي,

[العاااازف]

ارسلت لك رقم فني بالخاص
الله يوفقك ويعيينك

[mjd]

شف يالغالي خذ سكروب وفك المروحة حقت الدفع اللي تحت الطبلون اللي راكبه في الثلاجه وفكها سهل جداً
بعدين بتشوف فتحه جب لك كشاف قوي وشف الشبك حق الثلاجه بيبين معك إذا هو مسكر ولا لا كانه مسكر
جب لك فرشه مثل فرشات الاسنان او اكبر شوي وحاول انك تنضفها بس شوي شوي لان الشبك خفيف طريقة التنظيف انك تجيب رشاش مويه والفرشه وترش شوي وتمسح بالفرشه وشيك الين تنظف ( طبعاً المكان ضيق بس تحمل.
ورد لي,
مشكور على النصيحة والله يعطيك الف عافية كلامك صحيح وتم تنظيف الثلاجة

[mjd]

ارسلت لك رقم فني بالخاص


الله يوفقك ويعيينك

مشكور على الرقم والله يعطيك الف عافية

[frnas2010]

مشكور على النصيحة والله يعطيك الف عافية كلامك صحيح وتم تنظيف الثلاجة

الله يعافيك وش سويت فكيت الثلاجه ولا سويت اللي قلت لك

[الدوادمي506]

نظم الفلتر اللي تحت الدرج وتاكد ان الفريون امريكي

[أحمد محمد1429]

قد يكون من المروحه الداخليه

[mjd]

الله يعافيك وش سويت فكيت الثلاجه ولا سويت اللي قلت لك
الله يعطيك الف عافية تم تنظيف الثلاجة وتحسن المكيف

[mjd]

قد يكون من المروحه الداخليه
مشكور المشكلة من الوساخ على الثلاجة

[تركي الهجهوج]

أنا استغرب من الأخوة الذين يقولون بنرسل لك رقم الفني على الخاص!
ياليت يكتب الرقم على العام حتى يستفيد الجميع وتعم الفائدة وهو من باب التعاون على البر والتقوى
وفق الله الجميع..