مساعدة في لومينا اس اس 2008 العزم تعبان مرره

[hussien18]

السلام عليكم ،، ياشباب انا سبق وحطيت موضوع عشان العزم

والله طفشت من الموتر ،، العزم تعبان تعبان جدا ،، تخيلوا طفيت التراكشن وشغلت الوضعية الرياضية Sport shift من كثر مو العزم تعبان السيارة عطيتها بنزين للاخر ولا حفرت الكفرات ولا شي ،، تسارع بطيء جدا

والله خايف يركب معي احد ويشوف هالتسارع،،

والله ياشباب كان عزم المووووتر قبل 2000 كيلومتر مو كذا ،، كنت اوصل ضغط المكينة الى 2000 دورة بالدقيقه السيارة تطير والي راكب معاك يلزق بالسيت ،،

تكفووون قولوا لي ويش اسوي ؟؟؟

ورحت بشتري بواجي ،،
الجميح يبيعهم بـ 200 ريال
التوكيلات العالمية بـ250 ريال
محلات قطع الغيار بين 110 الى 130 ريال
كلهم نوعيه ايسي ديلكو ،، وكلهم نفس الغلاف مافي فرق
وين اشتري؟؟

نبي حل ياشباب؟؟

[- النشمي -]

سو تصفيه كامله

1- تغيير البواجي واسلاك البواجي

2- تنظيف البخاخات

3- تغيير فلتر البنزين ( الصفايه )

4- تغيير فلتر الهوا مع تنظيف الثروتل

اعمل هالاشياء ويتطلع اللومي طياره هذا اذا المحرك مافيه راس

[المميـز]

:

ينقل للقسم المناسب

وان شاء الله تلقى الجواب الشافي لمشكلتك

:

[hussien18]

طيب سالت عن اللويمنا يقولوا مافيها فلتر للبنزين؟
مستغرب منهم كيف مافيها فلتر وين تروح الاوصاخ

وان شاء الله اليوم بنظف الثروثل وببدل البواجي والاسلاك وتنظيف ثروثل ضروري اسوي فك ولا وهو مكانه انظفه؟؟

[ولدحمد]

أخوي ماهو تقليل من شأن المنتدىوالاشخاص الي فيه ، ولكن رح لمنتدى (تطعيس) بحكم ان سيارتك sport وصدقني بتلاقي اجابات وافيه جدا جدا او ادخل على الاقسام المتخصصه بالاعطال هناك وبتلاقي حل لمشكلتك باذن الله ..

[hussien18]

شكر لك اخوي ولدحمد .. انا سجلت بالمنتدى تطعيس قبل كم يوم ،، لكن عضويتي بانتظار موافقة الادارة،، -_- اذا تقدر ترسلي عضويتك على الخاص استخدمها اكوون شاكر لك،،

طيب ياشباب سؤؤال
انا عندي هذا البخاخ
http://www.acdelco.com/i/pi_vehcare_adh_x66a.jpg

هل ينفع هالبخاخ لتنظيف الثروثل؟

[يزيد 999]

سو تصفيه كامله



1- تغيير البواجي واسلاك البواجي


2- تنظيف البخاخات


3- تغيير فلتر البنزين ( الصفايه )


4- تغيير فلتر الهوا مع تنظيف الثروتل


اعمل هالاشياء ويتطلع اللومي طياره هذا اذا المحرك مافيه راس


كلام أخوي عين العقل لازم تغير الاشياء الاستهلاكية وإن شاء الله تظبط:good2:
واللومينا يوجد بها فلتر بنزين بالعامي الصافية وقبل أسبوعين مغير ب اس اس 2005 السيارة كانت تجيب المية ب6ثواني بعد تغيير الصفاية واللي اتضح انه من خروج السيارة من الوكالة لم تغير صارت تجيبه بأربع ثواني وبالنسبه للثروتل خل السيارة باردة ثم افصل اصبع البطارية السالب وبخ على مدخل الثروتل بخ واجد وجب فرشات أسنان وابدأ فرك افتح القطعه الدائريه اللي بمدخل الثروتل وبخ وبالفرشاة افرك بعدين قضينا الشغل ممكن بعد التنظيف تختلف البرمجة وهذا شي طبيعي طبعا ابذكر طريقه البرمجة بالنسبه للجموس مادري تظبط على موترك او لا اللي هي بعد ماتخلص اشبك اصبع البطاريه وحط السياره على on بدون ماتشغل لمدة 5 دقائق بعدين على off وخله خمس دقائق بعدين شغل السيارة وامش مدة عشر دقائق بدون تشغيل المكيف بعد 10 دقائق خلاص شغل المكيف وسو اللي تبي:D

[ابو فهد...]

الكابرس واللومينا من ٢٠٠٧ وفوق فيه صفاي بنزين بس مكانه بالتانكي ولا ينباع الا مع الطرمبة