الفزعة في الاكسبلور

[محمد.]

صوت يظهر لي مثل الاحتكاك في الهوبات الخلفية عندما امشي وهي ماتظهر دايم احيان واحيان بس صراحة ازعاج وقت ظهورها وهي مثل انك لازلت باقي ماسك البريك وتمشي مايظهر لك صوت هي مثل الصوت هذا ولمن رحت للوكالة اول مرة قالوا لي عادي تراه في جميع الاكسبلورات ورجعت لهم مرة ثانية وحاولوا فكوا الهوبات الخلفية والفحمات وشيكوا عليها وقالوا خلاص مابه شي وبعدها جلست فتره ورجع الصوت وسالت واحد معاه مثل موتري وقال نعم موجودة بس الاغلب يقولون لها حل بس كلن يدل على طريقة ولاودي اسوي شي الا بعد مشورتكم ياربعي ياغالين وش ضنكم الحل بالصوت هذا واللي قد سمع عنه شي او يعرف حل لها المشكلة الله لايحرمة الاجر يدلني لاني والله تغلبت من اللفلفة ورا هالورش اللي كلن يكذب عليك من جهه وسلامتكم

[محمد.]

سلامات يالربع 59 مشاهد ولارد حتى لو مااعرف ؟

[ابوماجد-1]

والله ياغالي اغلب الاصوات والتي تخرج من الهوبات الخلفيه

يكون من تواجد الرمال بالهوم ويصدر هالاصوات

طبعاً اذا ماكان في عطل ....!!

تأكد من خروج الصوت بعد خروجك للبر ام في داخل البلد

ولاتستعجل بيجونك باقي الاخوان الفنيين واهل الخبره يفيدونك اكثر

[بريق الحسام]

طبيعي في الاكسبلوررات في الصيانة القادمة قل الشركة عليه ويحلونه لك وقد يرجع فلا تحمل هم منه تحياتي

[ابو شادن 07]

ماشاء الله تبارك الله مدحك وتعليقك للمستكشف


الامر بسيط ان شاء الله وفي جميع الاكسبلور


وبأذن الله ما منه اي ضرر

وعن نفسي لا القي له بال

بالنسبه للحل لاعلم لأكن فيه طريقه انك تمر اي بنشر وتاخذ لي الهواء وتنظف الهوب والاقمشه من فتره لفتره لازالت العوالق المتجمعه

بالتوفيق

[هآوي الصيد]

اوما القماشات تبي تغيير ..

او أتربه فيها ، .. لكن رح لأي ورشه يفكها لك ويشوف ان كان صداء او اتربه يسوي صنفره ويرجعها وان كانت تبي تغيير تغيرها ..

[فتى الوادي]

عندي أكسبولر 2009 ونفس المشكلة ... واعتقد الهوبات او الفحمات ... او هما معا