شاطي نصف القمر ( الهافمون ) احد صاد فيها من قبل ؟

[حداق الخبر]

السلام عليكم ورحمة الله وبركاته


تحيه طيبه يالغالين


حبيت انشدكم يالغالين احد من قبل سبق وصاد في الهافمون ؟


هاليومين ؟

او حدق فيها ؟

[مهجول بحري]

انا صدت العام الماضي في نفس هالوقت
صدنا ظلعات احجام جامبو
وصدت سبيطية تقريبا اربعة كيلو
وتجي سحبات اليمة بس ما يحصل نصيب
طبعا للمعلومية افضل الصيد وضع الطعم على حد العميق وحاول تزفر
وسلامتك

[DIVER5_55]

أنا صدت هامورررررررر

[خذاني الشوق]

يوجد صيد في اماكن لكن سبحان الله اوقات لايوجد صيد ابد

[بوناجم]

انا ودي اصيد بهافمون..بس وين الاماكن المناسبة للصيد في الهافمون؟؟
وايش الطعم القوي او المناسب للصيد؟؟

[(هزاع)]

مالي خبره بالبحر

[ذوالجناح7]

أخوي إذا تبي تصيد في هااااف مون عندك نقطتين


1- اما تروح وسط الأسبوع علشان ما يكون في حركة للطرادات والجت سكي

2- أو تشوف لك مكان بعيد عن الناس وصااااد ولافيه أحد يسبح هدووووء



وبعدهااااا راقب عصاتك زين وفالك السبيطي إن شاء الله

[بوناجم]

انا اليوم بروح..عزمت عليها وما فيها رجعة
بس وش الطعم المناسب؟؟
عموما بروح بالليل الين طلوع الشمس احس انه ممتاز هالوقت للسبيطي لان ما فيه ضجة مع انه ويكند بس الله يعين

[معاذ الخنيني]

هاف مون ...... هاف مون
ياجماعه قولوا
شاطئ نصف القمر
الله يوفقكم وجميع المسلمين

[بوناجم]

يا اخي معاذ ...الاسم على حسب عرف الشعب ""هافمون""
الناس ما تقول بنروح ""شاطئ نصف القمر""
بأعتقادي بسبب قصر كلمة هافمون وطول كلمة"" شاطئ نصف القمر""

[حداق الخبر]

:D


حياكممممم الله جممميع


ويعطيكم الف عاافيه
واشكركم جمممممميع


انا ناوي اروح يم الطعس او مدخل 10 للغزير

ويكون الفجر تقريباً بحيث مايكون به ازعاج

ان الله اراد
اخوي

DIVER5_55

شلون يالغالي تفاصيل صيد الهامور ؟

عصا او مــــــد ؟

اخوي
مهجول بحري

قصدك ترمي السناره على حاافة الغبه ؟


خلونا نفيد بعضنا بعض يالغالين

دون العنا للبحوور اللي ب آخر الدنيا

انا حاس ان فيه رزق وفيه خير في بحور الخبر والدمام


وبالتوفيق للجميع


:)

[بوناجم]

والله يا اخوي حداق الخبر..انا نفس المعاناة
كل ما ضرب في مخي الصيد طلعت راس تنورة او الجبيل..اقسم بالله مكان حلو ترتاح فيه نفسيا وما عمري رحت ما هزت علي العصا
نبغى محل في الدمام او الخبر يستاهل تروح له ما فيه تقريبا كل الاماكن اندثرت وكلها صغير ما عدا المواسم الصح تلقى فيها رزقك
ما نقول الا الله كريم

[بوناجم]

انا طالع بكره هافمون بأذن الله على الفجر... اما الان الواضح بروح اشوف رزقي في جزيرة المرجان زمان ما جربت يمكن يطلع معانا شي ونجي نخبركم

[مهوس صيد]

الهافمون من احب الاماكن عندي صيدها مو بطال زي ماقلك اخوي ذو الجناح عند الطعس المنطقه حلوهه اجلس قبله او بعده او روح عند خفر السواحل وتقريبا جميع الشواطئ فيها خير الطعوم خذ الي يريحك السبيطي موجود وان شاء الله فالك السبيطي

[accentkool]

الهاف مون ما اشوف احد يصيد فيها فاشلة في الحداق
جربت كذا مرة ماتوفقت بشي

[حداق الخبر]

انا ماراح اقول شي


بس حمسني هالمقطع

http://www.youtube.com/watch?v=nQ0tKg84zXw

المعذره ترا فيه موسيقى

[safii]

هافمون
من اروع الاماكن للصيد لكن بشرط
يكون مافي طردات
انا اغوص فيه دايم واشوف سبيطيات
وقبل سنه كنت مواظب عليه صيد بالسناره
وكان الصيد سبيطيات xxl دائما
هذا تقارير للصيدي هناك :)
http://www.mekshat.com/vb/showthread.php?t=356150

التقارير الثاني

http://www.mekshat.com/vb/showthread.php?t=356409

[حداق الأسياف]

السلام عليكم ورحمة الله تعالى وبركاته احسن مكان شفته اللي بعد وانت متجه للعزيزيه خل جامعة سمو الأمير على يسارك وبيجيك منتجع على اليسار بعده في مخطط مهمل ادخل معه فيه فرضه حلوه بس انا متعجب من اللي قال صادهامور ابي اعرف عام كم شكله على وقت الشركه القديمه والله يوفق الجميع

[حداق الخبر]

السلام عليكم ورحمة الله تعالى وبركاته احسن مكان شفته اللي بعد وانت متجه للعزيزيه خل جامعة سمو الأمير على يسارك وبيجيك منتجع على اليسار بعده في مخطط مهمل ادخل معه فيه فرضه حلوه بس انا متعجب من اللي قال صادهامور ابي اعرف عام كم شكله على وقت الشركه القديمه والله يوفق الجميع


حياك الله يالغالي


حاولت اركز في التوصيف بس للأسف مادليييت


الحين ونت جاي من وين .؟ العزيزيه للهافمون ؟

او من الهافمون للعزيزيه ؟

[حداق الخبر]

هافمون

من اروع الاماكن للصيد لكن بشرط
يكون مافي طردات
انا اغوص فيه دايم واشوف سبيطيات
وقبل سنه كنت مواظب عليه صيد بالسناره
وكان الصيد سبيطيات xxl دائما
هذا تقارير للصيدي هناك :)
http://www.mekshat.com/vb/showthread.php?t=356150


التقارير الثاني


http://www.mekshat.com/vb/showthread.php?t=356409






اهلين صديقي صااافي


كيف صحتك ؟

صحيح يالغالي الهافمون فيها خير بس اتذكر وقت صيدك ف الشتاء


بس قلي يالغالي // غصت فيها هاليومين وشفت شي ؟
:D

[محب الخبر]

اول مدخل على يدك اليسار وانت رايح شاطئ نصف القمر رق وبعد المغرب وهذي الايام قمرة شقاقي ميده اصبع أومنجوسة وخيط ستين ميتين متر وفوق ونزل مشي حتى توصل الغزير بعدين فل الخيط للسيف وحط اكثر من خيط .
وادعو الله ان يرزقك السبيطي الطيب ولا تنسى الإكثار من الاستغفار والنتسبيح

[عابر المحيطات]

الخبر الهافمون الدمام العزيزيه
كلهههههههها دفن
وكلههههههها شبوك يعني اغلبها ممنوع
اذا مافي دفن في شبك واذا مافي شبك في شيليه خاص
واذا مافي شيليه خاص مافي بحر انسى بحر
ابعد من الشواطئ ذي وريح بالك
شرق
العقير الزبنه ام المرخ رس بو قميص ام حويض

شمال
الجبيل راس بو علي الجعيمه راس تنوره منيفه السفانيه الخفجي الكويت بس اهم شي ابعد عن الكلام والقرقره والممنووووووووع وريح بالك

[أفراح]

سبحان الله لا أحب البحر ..

[حداق الخبر]

الخبر الهافمون الدمام العزيزيه
كلهههههههها دفن
وكلههههههها شبوك يعني اغلبها ممنوع
اذا مافي دفن في شبك واذا مافي شبك في شيليه خاص
واذا مافي شيليه خاص مافي بحر انسى بحر
ابعد من الشواطئ ذي وريح بالك
شرق
العقير الزبنه ام المرخ رس بو قميص ام حويض

شمال
الجبيل راس بو علي الجعيمه راس تنوره منيفه السفانيه الخفجي الكويت بس اهم شي ابعد عن الكلام والقرقره والممنووووووووع وريح بالك




كلامك سلييم وعلى عيني وراسي


لكن انت شايف حال الصيد عند الاعضاء ماشاء الله عليهم مبدعين

لكن يتعنون لأبعد الامكان ويجلسون فيها فتراه طويله ومايرجعون الا بالشيئ البسييييط جداً

2 مثل من شايف اجوائنا الباريسيه المتقلبه ماتسمح بقضاء وقت ممتع وفتره طويله

3 ارتباطات العمل يا سيدي هي اللي منعتنا فقلنا نتسلى في الاماكن اللي حوالينا


والله كريييم :)