ولا ادري وين وداها ................................. حله ( تميمي ) .. الحل ( الفطره )

[راعي العجراء]

السلام عليكم ورحمة الله وبركاته



اليكم هذا اللغز الجديد



ولا ترحون بعيد تراه حلتت عصى



الا ياويش من بنت مع المخلوق لها مبدى=قديمه واسمها معروف مع الضيفان مبداها

سميتها تجي بالعام لها حساب ولها عدا = اشوف الرجل شايلها ولا ادري وين وداها

[أبوعبدالرحمن99]

صح لسانك يا راع العجرا
تسجيل حضور و إشادة و سلام و تحية ود للجميع

[راعي العجراء]

صح لسانك يا راع العجرا
تسجيل حضور و إشادة و سلام و تحية ود للجميع

هلابك يا اسير النور عسى ايامك هناء وسرور
صح بدنك يالغالي
واشكرك على حضورك
وانتظر الرمعه

[الأديب]

وعليكم السلام ورحمة الله وبركاته
صح لسانك
عسى الله يجيب المرماع الطيب

[الخامسي1]

على خط القصيم امشي واشوف السير قد هدى
................. وانا اللي معرقله ياكيف بيوتك وا تقداها
ولقيت (( الشرهه)) اللي تنصرف في العام وتشدى
............. وشرهة ظيف اصدرها بعد يمناه نداها×



موقف علشان اسلم واقدم إعجاب وتقدير وعطلة السير لعيونك ياابوعجراء
والرمعه شرهة الضيف وشرهة العادة السنويه او المسماة المناخ !!!
والله اعلم تقبل تحياتي ومروري وهو من دواعي سروري

[راعي العجراء]

وعليكم السلام ورحمة الله وبركاته

صح لسانك

عسى الله يجيب المرماع الطيب


هلابك يالاديب
وصح بدنك
والرمعه ماصابت
دمت غالي ياغالي

[صقر السديرات]

صح لسانك
مرور لقولة السلام عليكم ورحمة الله وبركاته
جميل كعادتك
متالق دائما
واصل تحليقك في العلياء
دمت مبدعا

[راعي العجراء]

على خط القصيم امشي واشوف السير قد هدى


................. وانا اللي معرقله ياكيف بيوتك وا تقداها
ولقيت (( الشرهه)) اللي تنصرف في العام وتشدى
............. وشرهة ظيف اصدرها بعد يمناه نداها×



موقف علشان اسلم واقدم إعجاب وتقدير وعطلة السير لعيونك ياابوعجراء
والرمعه شرهة الضيف وشرهة العادة السنويه او المسماة المناخ !!!

والله اعلم تقبل تحياتي ومروري وهو من دواعي سروري


ياهلا وسهلا يابو نايف
حضورك سرني كثيرا
بس ترفق وانا اخوك وانتبه للدرب والالغاز ممدي عليها
تروح وترجع بالسلامه
ابياتك طيبه كالعادهمايجي منك الا الزين
والرمعه مالك لوا
بس اعجبني تفكيرك وهذا دليل فهمك للغز
دمت بخير

[راعي العجراء]

صح لسانك

مرور لقولة السلام عليكم ورحمة الله وبركاته
جميل كعادتك
متالق دائما
واصل تحليقك في العلياء

دمت مبدعا


هلا وغلا ياصقر السديرات
والجميل حضورك الطيب
عزيز وغالي يابو صقر
انتظر رمعتك

[ناصر العلي]

وعليكم والسلام ورحمة الله وبركاته
سلمت يالغالي
وصح لسانك
رمعة طرت
ويش قولك بـ
التميمة
واللي يعلق على صدره تميمة

[راعي العجراء]

وعليكم والسلام ورحمة الله وبركاته

سلمت يالغالي
وصح لسانك
رمعة طرت
ويش قولك بـ
التميمة

واللي يعلق على صدره تميمة


ياهلا وغلا بعميدنا وغالينا
ناصر العلي
وصح بدنك
والتميمه مالك لوا
دمت غالي ياغالي

[الأديب]

اخوي راعي العجراء
شرايك بكلمة
(هلا )للضيف
وسميتها يمكن مهرجان هلا فبراير بالكويت
دمت برعاية الله

[ابو اسامه 2]

وعليكم السلام ورحمة الله وبركاته


صح لسانك يا الغالي


وبيض الله وجهك


رمعه


وش رايك في


التزكية و الزكاة


تحياتي لك

[احمدالدمام]

لي طلب ان امكن من اخوي راعي العجراء
مايتهييا تغير الصوره
واسمحلي ان كنت تدخلت بمالا يعنين
اما الرمعه

ابرمع رمعة يمكن يمين ويمكن يســـــــــــرى
ولادري ويش حل اللغز ولاكن يمكن الفاها
وش تقول بفصول العام او نجوم السماء الزرقى
وسبحان الذي صور جميع الخلق واحياها

[يوسف الخليفة1]

وعليكم السلام ورحمة الله وبركاته

حياك الله أخي العزيز راعي العجراء

ما تقول في الكرامة والكرمة في الزواج قديما والإكرامية أو التكريم

[ال-رايق]

السلام عليكم ورحمة الله وبركاته

اليكم هذا اللغز الجديد

ولا ترحون بعيد تراه حلتت عصى

الا ياويش من بنت مع المخلوق لها مبدى=قديمه واسمها معروف مع الضيفان مبداها

سميتها تجي بالعام لها حساب ولها عدا = اشوف الرجل شايلها ولا ادري وين وداها



أظن اللي وصفته كان اجيب العلم ومقدّا*ذبيحة..ضيفه الرجّال مع ضيوفه تغدّاها
وصح لسانك وسلم بنانك.

[راعي العجراء]

السلام عليكم ورحمة الله وبركاته
اشكر جميع من شارك بالردود والرمعات وصح ابدانكم
والرمعات لم تصيب الهدف
والمعذره على هذا الرد الجماعي لضيق الوقت
دمتم بخير

[هيل]

السلام عليكم ورحمة الله وبركاته
تسلم ياراعي العجراء صح السانك على الغز يالغالي مرور اعجاب وسلام
تحياتي

[ال-رايق]

عساني فيك ماقصّر..ياراع العجـــرا واتردّى=واقول الساعة البركة,,وأهلا تسمع اصداها
ما حب البذخ لكنّي ما حب الموس اذا اصدى=ضيوف الله نقريها...وباغلى شي نفداهـــا

=========================
وتسلم ومن يقرأأأأأأأأأأأأأأأأأأأ

[راعي العجراء]

السلام عليكم ورحمة الله وبركاته

تسلم ياراعي العجراء صح السانك على الغز يالغالي مرور اعجاب وسلام
تحياتي


هلابك يالهال
والله يسعد اوقاتك
اعجابك يالهال تاج على صدري ووسام على راسي
دمت غالي ياغالي

[راعي العجراء]

عساني فيك ماقصّر..ياراع العجـــرا واتردّى=واقول الساعة البركة,,وأهلا تسمع اصداها




ما حب البذخ لكنّي ما حب الموس اذا اصدى=ضيوف الله نقريها...وباغلى شي نفداهـــا

=========================
وتسلم ومن يقرأأأأأأأأأأأأأأأأأأأ

هلا باللي يواسيني ببياته الى اشدى = هلا باللي يطربني ببياته وانا اقراها
نفيض الحرف يالرايق على الاغصان بد يندى= تخيل ساعة المشراق وقال لساعه واخطاها

[badr2003]

صح لسان ياراعي العجراء
رمعه خنفشارية
بنت المطر

[أنفاس رجل]

جمرة

لا تقول مالك لووى اكسر جهازي

ههههههههههههههههه

[راعي العجراء]

صح لسان ياراعي العجراء

رمعه خنفشارية

بنت المطر


هلابك يالغالي بدر
والخنفشاريه مالك لوا
كذلك بنت المطر
دمت بخير

[راعي العجراء]

جمرة



لا تقول مالك لووى اكسر جهازي



ههههههههههههههههه


الا صح السانك مليون وكفو وبيض الله وجهك
بس لاتكسر جهازك
والرمعه
لم تصيب الهدف
وما قلت لك ماااااااااالك لوااااااااا

[ذيب الفقارة]

هلا أخوي راعي العجراء

ويش رايك :

شهادة ميلا د الطفل

[راعي العجراء]

هلا أخوي راعي العجراء



ويش رايك :



شهادة ميلا د الطفل


هلابك يالذيب
والرمعه شهادة الميلاد
مالك لوا
تحيتي واحترامي

[ابوماريا]

صح لسانك ياراعي العجراء وسلم بنانك
مبدع دائما
مرور اعجاب وتقدير ولي عودة

[ابوماريا]

العقيقة

ااااااااااااااااااااااااااااااااا

[راعي العجراء]

صح لسانك ياراعي العجراء وسلم بنانك

مبدع دائما

مرور اعجاب وتقدير ولي عودة





العقيقة



ااااااااااااااااااااااااااااااااا

صح بدنك يابو ماريا
واشكرك على هذا المرور الطيب الذي زادني ابتهاج
والعقيقه مالك لوا
دمت بخير

[ذيب الفقارة]

الابتسامة أو الفرحة

التي تبدو على وجه الرجل عند قدوم الضيف أو عند العيدين

ثم تختفي عند رحيل الضيف

[راعي العجراء]

الابتسامة أو الفرحة



التي تبدو على وجه الرجل عند قدوم الضيف أو عند العيدين



ثم تختفي عند رحيل الضيف


هلابك ياذيب الفقاره
وياهلا وغلا
اشكرك على محاولاتك الجاده في التعرف على هويه اللغز
وطموحك الكبير بالتوصل الى حله
ليس بهذا اللغز فقط انما لجميع الالغاز المطروحه من قبل الاعضاء
والرمعه لم تصيب الهدف
تحياتي لك

[المزيدي4]

السلام عليكم
صح بدنك يا راعي العجراء
وعندي رمعة
ممكن تكون
الميزانية

[راعي العجراء]

السلام عليكم

صح بدنك يا راعي العجراء
وعندي رمعة
ممكن تكون
الميزانية


هلابك يالمزيدي
وصح بدنك
والميزانيه مالك لوا
دمت بخير

[تميمي.1]

صح لسانك ياراعي العجراء ،
وش رايك في :
الفطره

[ابوماريا]

صح لسانك ياراعي العجراء ،
وش رايك في :
الفطره

ياسلام ياتميمي
رمعة رائعة من رائع
والرأي الأخير لراعي العجراء

[راعي العجراء]

السلام عليكم ورحمة الله وبركاته





اليكم هذا اللغز الجديد




ولا ترحون بعيد تراه حلتت عصى







الا ياويش من بنت مع المخلوق لها مبدى=قديمه واسمها معروف مع الضيفان مبداها


سميتها تجي بالعام لها حساب ولها عدا = اشوف الرجل شايلها ولا ادري وين وداها



صح لسانك ياراعي العجراء ،
وش رايك في :
الفطره

هلابك يالتميمي
والله يعطيك العافيه على الرمعه القاتله
وماقول الاصح السانك مليون ولايكفون
نعم الفطره
الايويش من بنت مع المخلوق لها مبدى .... بدايتها مع المولود
قديمه واسمها معروف مع الضيفان مبداها .... الضيفان المواليد الجدد ضيفان على هالدنيا ويرحلون
سميتها تجي بالعام لها حساب ولها عدا .... الفطره صاع وتعادل ثلاثه كيلو ودايئم تحسبها
بالعدد كم في البيت من شخص
اشوف الرجل شايلها ولادري وين وداها ..... طبعا اخذها واعطاها ناس مستحقين بالسر
دون المجاهره
صح السانك وبيض الله وجهك
دمت بخير

[راعي العجراء]

ياسلام ياتميمي



رمعة رائعة من رائع


والرأي الأخير لراعي العجراء


هلابك يابو ماريا
وصح السانك على التاكيد
وهذا دليل ورود اللغز حينما ياتي التاكيد من شخص لايعرف الحل
شاكر تفضلك ودمت بخير

[تميمي.1]

صح بدنك ياراعي العجراء
وعز الله انه مليان ،
لاتحرمنا من جديدك
تحياتي

[تميمي.1]

ياسلام ياتميمي
رمعة رائعة من رائع
والرأي الأخير لراعي العجراء

تسلم يابو ماريا ،
والرووعه منبعها شرواك
تحياتي

[ابوماريا]

ماشاء الله تبارك الله
سلمت ياراعي العجراء على اللغز الرائع والممتع

وكفوووووو ياتميمي على الحل ثم كفووووو

وبيض الله وجيهكم جميع

[المزيدي4]

لغز من الطراز الفاخر
سلمت يا راعي العجراء متمكن ماشاء الله
وكفو يالتميمي ماشاء الله تبارك الله
وصحت ألسنتكم جميعا