حرارة الباثفــــندر ؟ مساعدة

[محمد الرميثي]

السلام عليكم ورحمة الله وبركاتة


يا اخوان عندي باثفندر 2005 ترتفع الحرارة اذا مسكت خطوط طويله مثل خط الرياض القصيم
يعني اطلع من الرياض الى القصيم طبيعي الى اذا وصلت للقصيم الاقي الحرارة مرتفعه على النص تقريبا والماء يفور من عند القربه
شريت رديتر رصتين صيني وغيرت الغطاء ونفس المشكله مع السفر اذا تعديت 250 كيلوا تبدا بالارتفاع
والغريب ان الحرارة ما هي ثابته داخل الديرة على الربع او على الثلث يعني ترتفع وتنزل ليل نهار
ومع السفر على الثلث واذا وصلت للمشوار اللي انا ابيه بعد مسافه فوق 200 كيلوا تبدا بالارتفاع وانا شاك بالبلف اتوقع انه ما يفتح بسرعه
مع العلم اني فحصته ويقولون سليم


والحرارة متعود عليها على الربع دائما لكن مدري وش قصت اختلافها ياليت احد يفيدني ولكم جزيل الشكر

[ابراهيم643]

اخوي كلامك صحيح البلف شله انا معي وشلته ورتحت

[محمد الرميثي]

اليوم رحت لمحل رديترات وقال فيه تنسيم تحت ببطن المكينه من يمين حول القير فيه مويه حمراء تهرب من الخراطيش اللي تحت لأني انا مركب مويا حمرا حقت تويوتا واشوف اثرها على المكينه يعني هي اللي تسبب الحرارة لأنها تخزن هواء وترفع حرارة الموتر


وما حصلت احد يحل لي المشكله كل ماجيت ميكانيكي قال ما اشتغل باثفندر

رحت للجربوع وقال مشغول الى السبت وانا يوم الجمعه مسافر للرياض

ياليت احد يدلني لشخص فاهم بها الاشياء قبل السفر ببريدة ومشكوررررررررررين

[محمد الرميثي]

عـــاجــــل جـــــدآ

ترى ما معي الى بكرة والجمعه مسافر

يا اخوان دلوني لى ورشه تصلح هالمشكله عندي خراطيش تهرب تحت المكينه وشغلها معقد ياليت تدلوني لناس فاهمه بالنيسان

[محمد الرميثي]

بأنتظــــــار

[رااعي الفزعات]

ورشة الدريويش ببريده بالشارع التجاري اذا دخلت من عند بنك سامبا رح سيدا يجيك بأخر شي يسار واسأل عنه وبيدلونك وعنده الحل بأذن الله .. وانا كان عندي نفس المشكله والحمد لله راحت ..

[مركز حراره]

الله يحييك اليوم العصر لعيون مكشات اذا قدرنا الله

[قرم العيال]

الخراطيش هذي امره سهل .. تفك الثلاجه ويقدر الميكانيكي يوصل لها

[الدوادمي506]

ركب مراوح سوبارو