ياويش ورع ينفعك بس مره ..................... حله ( ابو ماجد ) .. الحل ( رقم الملبوس )

[راعي العجراء]

السلام عليكم ورحمة الله وبركاته
لغز خفيف


ياويش ورعن ينفعك بس مره = وانت تشيله يافتى الجود واجد
ورعن صغير ثابت في مقره =نفعه يروح وتنقله (يابو ماجد)
يبقى يروح دون نفع ومضره = ماعاد يهمك ان رحل او هاجد
وقت العمل وقت الشقاءوالمسره = دائم معك وتاخذه للمساجد

[ابو ماجد 2]

صح لسانك ياراع العجراء
ان سولفت ابدعت ان تلغزت ابدعت
مااحلاك كلك يالغلا
مريميع
العرق الاحتياط
وقت العمل وقت الشقاء لو تعطل عندك شريان والمسره اذا ماناب عنه ومشت حياتك طبيعيه

[راعي العجراء]

هلابك يابوماجد
وصح السانك يالغالي
وانت المبدع في كل شي
حتى بالاخلاق مبدع
يكفي انت زعيم
والزعامه لم تاتي من فراغ
والرمعه مالك لوا
تقبل تحيتي

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
السرّ


http://www.tbeeb.com/ph/files/3/ZZ.jpg

[ال-رايق]

السلام عليكم ورحمة الله وبركاته
لغز خفيف


ياويش ورعن ينفعك بس مره = وانت تشيله يافتى الجود واجد
ورعن صغير ثابت في مقره =نفعه يروح وتنقله (يابو ماجد)
يبقى يروح دون نفع ومضره = ماعاد يهمك ان رحل او هاجد
وقت العمل وقت الشقاءوالمسره = دائم معك وتاخذه للمساجد



قولوا لراعي العجـــــــرا لله درّه=في الشعر و القصه.. تلقاه امتواجد
لغزه ذهب لاشاله يقطب مصرّه=وسيفه في بطن اللغز لاجاه باجــد

مساااااااااااااااااااااااء الخير وصح لسانك اخوي راع العجرا والحضور:
وش رايك بالــــ::
المفتاح
----------------
وتسلم

[راعي العجراء]

وعليكم السلام ورحمة الله وبركاته

سلمت يالغالي
وصح لسانك
ويش قولك بـ
السرّ



http://www.tbeeb.com/ph/files/3/ZZ.jpg


ياهلا وغلا يابو علي
وصح بدنك والرمعه ماصابت
ابعد من الضلع الحمر عن تهامه
دمت بخير

[راعي العجراء]

لغزه ذهب لاشاله يقطب مصرّه=وسيفه في بطن اللغز لاجاه باجــد

قولوا لراعي العجـــــــرا لله درّه=في الشعر و القصه.. تلقاه امتواجد




مساااااااااااااااااااااااء الخير وصح لسانك اخوي راع العجرا والحضور:
وش رايك بالــــ::
المفتاح
----------------


وتسلم


صح السانك يالرايق على الابيات الجميله
الا صح كلك
وماعليك زود
وياليت وافقت رمعه المفتاح مع هذه الابيات الجميله
ولكن للاسف مالك لوا المفتاح
دمت عزيز وغالي لاعدمتك

[الخامسي1]

المنديل ولي رجعة شعرً

[ابو ماجد 2]

لغزك هقيته منهي اليوم امره000جيــتك بسيف باجد البطن باجد

رقم الفنيله ماجهلـــــنا مقره 000معك معي حتى ولو كنت ساجد

[راعي العجراء]

المنديل ولي رجعة شعرً

هلابك يابو نايف
والله يمسيك بالخير
والرمعه مالك لوا
المنديل
دمت غالي ياغالي

[الخامسي1]

السلام عليكم ورحمة الله وبركاته

ياراعي العجراء على اللغز فره ... فرة عسى للغز ياخوك صايد
هذا هو المنديل ما فيه كره .... في الجيب دايم للنظافة عوايد
وعي وثقافه والبعض لا تشره .... اللغز له اهداف مثل القصائد
يكتب قصير وكل عاقل يمره ... ويحلل المعنى ويجمع فوائد

ماصبت الرمعه وردي اكره .... واعيد تفكيري على كل كايد

[راعي العجراء]

لغزك هقيته منهي اليوم امره000جيــتك بسيف باجد البطن باجد




رقم الفنيله ماجهلـــــنا مقره 000معك معي حتى ولو كنت ساجد


صح السانك يابو ماجد وكفو وعوايدك ذبحة الالغاز
وصح السانك على هذه الابيات والتي ذكرت فيها الرمعه
رقم الملبوس
والذي تشاهده بالبدايه عند مشتراه وبعد ذلك لايهمك تواجده ان بقى والا راح
والرقم تابع للملبوس وتاخذه معك حتى للمساجد
صح السانك صح السانك
والحل رقم الملبوس
ارجوا ان يكون اللغز مطابق للرمعه
دمت بخير

[راعي العجراء]

السلام عليكم ورحمة الله وبركاته



ياراعي العجراء على اللغز فره ... فرة عسى للغز ياخوك صايد
هذا هو المنديل ما فيه كره .... في الجيب دايم للنظافة عوايد
وعي وثقافه والبعض لا تشره .... اللغز له اهداف مثل القصائد

يكتب قصير وكل عاقل يمره ... ويحلل المعنى ويجمع فوائد


صح السانك يابو نايف على الابيات الجزله
والمنديل مالك لوا
والحل عند ابوماجد
دمت عزيز وغالي

[ال-رايق]

لالالالالالالالالالالالالالالالالالالالالالالالالا لالالالا
------------
ما اقول الا مش معقول
حبكة هاللغز بدون مجاملة==========عشرة على عشرة///وكفو يالزعيم واعنك مالها الا اهلها.
أثاريك تطق التكميلة وتهرول---وانا اتكلم من جد فعلا قبل فترة شريت طقم ازرق والفنيلة رقم 20 واصلي في المسجد اللي ماهو قريب عند البيت(خطر اتقطّع من الحيا ) والله وكيلك وفايتني ركعه وما يمر وررررررع الا ويناظر وبعضهم قطع صلاة العالم.
وارجع للبيت قال مهنّد خير ..شل الرقم ..قلت ما يظهر قال هاته وبالمكوى ويمزعه.
قلت شكرا ياقوي...قال مانت عاقل ياياسر:D:D.