المساعد الشخصي الرقمي

مشاهدة النسخة كاملة : دادتسون قديم موديل 79 غمارتين تحتاج ترميم وصيانة (صور)


فتى الوادي
03/05/2012, 01:08 PM
السلام عليكم ورحمة الله وبركاته : ( الموضوع مجدد بعد إضافة الصور وتعديل الموديل )
وجدت سيارة داتسون غمارتين موديل 79
حالتها الراهنة :
السيارة تمشي .. البدي يحتاج لترميم .. الطبلون يحتاج لترميم ... عليها مكينة 84
النية :
ناوي اشتريها ... ثم اجددها تجديد كامل للبودي والأكسسوارات والقطع ..الخ
الأستفسار :
1- كم تسوى قيمة السيارة الحالية بوضعها الحالي .؟
2- هل قطع الغيار متوفرة لموديل 78 ؟
3- هل فيه أشخاص أو ورش متخصصة في تجديد السيارات القديمة ؟
3- لو عملت لها ترميم وتجديد كم تسوي ؟
لكم مني صالح الدعاء في ظهر الغيب ..


http://www.mekshat.com/pix/upload05/images244/mk213_img_1226.jpg
http://www.mekshat.com/pix/upload05/images244/mk213_img_1227.jpg
http://www.mekshat.com/pix/upload05/images244/mk213_img_1228.jpg
http://www.mekshat.com/pix/upload05/images244/mk213_img_1229.jpg
http://www.mekshat.com/pix/upload05/images244/mk213_img_1230.jpg
http://www.mekshat.com/pix/upload05/images244/mk213_img_1231.jpg
http://www.mekshat.com/pix/upload05/images244/mk213_img_1232.jpg
خيال الغلبا
03/05/2012, 01:19 PM
انحش وانا اخوك ... هذي تبي تكلفك وتتعبك

اتعبتني بالمزرعة سيارة العامل
خيال الغلبا
03/05/2012, 01:20 PM
والقطع بعضها ماتحصله

والورش مايحرصون يشتغلون لك
فتى الوادي
03/05/2012, 02:10 PM
بارك الله فيكم يا اخوان على الردود ...
لكن انا رأيت بعض الشباب قاموا بعمل ترميم وصيانة لمثل هذه السيارة .. واللي فهمته ان قطع الغيار موجودة وتحتاج إلى بحث وشوية وقت .... والسمكرة مثلها مثل غيرها من السيارات ...
وما زال الموضوع لأخذ المزيد من الأراء خاصة لمن سبق له التجربة
فتى الوادي
03/05/2012, 02:14 PM
وهذه بعض الصور : منقول من ( موقع حراج ) رقم الإعلان 1035491

http://img.haraj.com.sa/userfiles30/2012-04-30/4f9e6fb7419be.jpg

http://img.haraj.com.sa/userfiles30/2012-04-30/4f9e70f3b171c.jpg

http://img.haraj.com.sa/userfiles30/2012-04-30/4f9e714239d54.jpg

http://img.haraj.com.sa/userfiles30/2012-04-30/4f9e71e694d1b.jpg
مكشات عبدالله
03/05/2012, 03:28 PM
بالنسبه للسعر ماعندي خلفيه عنه
قطع الغيار موجوده في الصناعيه القديمه عند محل متخصص بالموديلات الي زي الموتر هذا
وبالنسبه للترميم فيه محلين الي اعرفهم وضاح بالصناعيه القديمه
والغشام بصناعية النسيم
والنافوره والشلال بالقصيم
......... وبالتوفيق
abo naser 1
03/05/2012, 08:40 PM
السلام عليكم

اخوي انصحك لا تصلحها ترا الترميم بيكلفك بحدود 10000 ريال هذا اذا استمارتها جديده انصحك تأخذ مجدده واستمارتها جديدة افضلك

واذا للعامل دورلك على 83 بها 6 الاف ومش الحال
فتى الوادي
03/05/2012, 08:59 PM
يا اخوان الدعوى ما هي علشان العامل أو أني أستخدمتها أو ماأن ما عندي غيرها !!!
الدعوى حب للقديم وللسيارات القديمة ومحاولة الأحتفاظ بعبق الذكريات ليس إلا . !
المهاجر انا
03/05/2012, 09:40 PM
انحش واحد مجرب مالقيت الا الخساير
فتى الوادي
03/05/2012, 11:42 PM
اخوي المهاجر :
ممكن تذكر لنا تجربتك
وش السيارة اللي كانت معك
الصعوبات والمعوقات
التكاليف والمصروفات
.... الخ
مكثور الخير
04/05/2012, 12:42 AM
هلابك
اذا كنت ميسور الحال واخر شيء تفكر فيه الفلوس اتعب واخسر عليها
واذا كنت حاط ببالك سعر معين ما تتجاوزه لاوالله انحش
هذي مثل ترميم البيت كل شوي طالع لك عله يبي من يصلحها وبالنهايه تصير دافع مبلغ يجيب لك
داتسون موديل جديد
وانت براحتك
المصدوع
04/05/2012, 01:33 AM
ياطويل العمر اذا انت مهتوي

لاعاد تنشد توكل على الله

سو الي في بالك الخساره لابد

منها بس انت ماتبي تتربح وراه

انت تبي تقتني واتحطه تراث وتوسع

خاطرك فيه سو الي في بالك والعمر ترااه

فاني وانا اخوك مدام في خاطرك شي وانت مقتدر

فتوكل على الله وعلى قولت الشيخ قل قييييييداااام

تقبل مروري.....
البرنسGMC
04/05/2012, 02:10 AM
اخي العزيز انت متاكد من المديل 79 اللي اعرفه مثل خطوط هذه السيارة 78 اخر مديل ماكينه لون ازرق
القطع ممكن تحصل بعضها بالهجر مثل رفارف وابواب مثلها كثير بالهجر ولا سمكرة سابقه ولا شيء ركب وجدد بوييه وركب خطوط
قرم العيال
04/05/2012, 11:20 AM
نصيحه الموتر هذا الي بالصور تعبان مره .. البدي ,, ولا تشليح

اذا منت مستعجل دور انطف .. اهم شي البدي يكون شبه سليم

مهب هذا اعوذ بالله ..
ابو نايف00
05/05/2012, 03:26 AM
احرص على اللي يبيلة شوي شغل بس

احرص على الغمارة مو الغمارتين

وشكرا
محمد302
12/05/2012, 01:00 PM
مرحبا ياغالي

انا واحد مجرب الترميم على اكثر من سياره

اذا ناوي على ترميم خلك على سيارات نيسان داتسون لتوفر قطع غيارها اما باقي السيارات قطع الغيار اكثره غير متوفر لأن مافيه احد يجيب القطع

اذا سعر الدقس مناسب لك اتوكل على الله وخذه لاكن الغماره ارغب من الغمارتين

وهذا موضوع عن سيارتي منزله من زمان في منتديات واجد وهذا رابط له

بأمكانك تستفيد منه

واي خدمه انا حاظر


http://www.t63ys.com/vb/t147741.html
راعي الشبب511
12/05/2012, 05:12 PM
http://www.majaless.com/up/get-3-2011-gazogc16.jpg (http://www.majaless.com/up)



ما قصرو معك الشباب وباقي الصمله
aser25
13/05/2012, 06:37 PM
نصيحه الموتر هذا الي بالصور تعبان مره .. البدي ,, ولا تشليح

اذا منت مستعجل دور انطف .. اهم شي البدي يكون شبه سليم

مهب هذا اعوذ بالله ..



امسك نصيحة قرم العيال
المهاجر انا
13/05/2012, 07:53 PM
شريت داتسون 78 وهايلكس نفس الموديل وتصليح في الكهرباء والمكانيك وقطع تلقى وقطع تشليح ومشاوير وخسائر واخرتها ابيع بخساره وتبت منها بس توهقت بلاند روفر 76 ورجعت للخساير ماتبت وانصحك لا تصير مثلي نصيحة اخو