السلام عليكم تنصحوني البس مراتب التاهو او اكيسها ما خاب من استشار ؟

[بن عويشير]

السلام عليكم

اشتريت تاهو جديد الله يعطيني خيره ويكفيني شره

طيب

عندي سؤال وش تنصحون به

البس اسيات التاهو ام البسها اكياس

واذا فيه محل بالاحساء للتنجيد ممتاز تكفون ابي عنوانه ورقمه

[المميـز]

:

ماشاء الله تبارك الله ... الف مبروك الموتر والله يعطيك خيره ويكفيك شره

من رايي انك ماتلبس مراتبه

انبسط فيها وحللها واذا جيت تبيعه لبسها او لمعها

واذا انت ملزم بالتلبيس يفيدونك ان شاء الله اخواننا اللي من الاحساء

:

[ذيب زلفاوي]

:



ماشاء الله تبارك الله ... الف مبروك الموتر والله يعطيك خيره ويكفيك شره


من رايي انك ماتلبس مراتبه


انبسط فيها وحللها واذا جيت تبيعه لبسها او لمعها


واذا انت ملزم بالتلبيس يفيدونك ان شاء الله اخواننا اللي من الاحساء


:

:good2::good2::good2:

[كاشت وحداني]

الله يعطيك خيره ويكفيك شره
من وجهة نظري
لبس بس تلبيس صح
فيه محلات تلبس نفس تقسيمة الوكاله
وترتاح من لا تكب ياولد ولا توسخ المراتب ياولد
انا ملبس موتري جلد نوع الماني ممتاز شاريه من برا
ولبست الارضيه بلاستيك شفاف
ومرتاح لا اصيح على الاولاد ولا شي
واذا اتسخ انظف بالماء وشوي صابون عادي ولا ريحه ولا شئ
موفق خير


Sent from my iPhone using Tapatalk

[مواسي الطعوس]

- المراتب الاماميه لاتلبسهن . خذ حقك منهن .

- المرتبه الثانيه لبسها ..اذا معك اطفال .... واذا ركبهم قليل بس يركبون في الاسفار لبسهن في الاسفار علشان الاكل والفيشار .....الخ هههههههههههه. تراي اضحك من الفيشار والاكل . لو تلبيسه ماهي ثابته بس تمسكها بتكيان الروؤس .

[الدوسري دت كم]

الف مبروك الله يوريك خيره ويكفيك شره ازين ماشريت الله يجعله عون على طاعة الله عزوجل
اول مشوارعليه خله صلة رحم اوعمره
ياخوي لا تلبس ولاشي خذحقك من الموتر واستانس بالجديد وبعد عمرطويل رح لمحل التلميع
خمس مية ريال ترجع الموترجديدمن الداخل .
اناهذي طريقتي (ماهوب شرط تكون صح )
انتبه انتبه انتبه تلبس الارضيه بلاستيك شفاف مهما كانت جودته لانه اذاانكب ما عليه ونسيته يدخل
مع فتحات المساميرعلى الموكيت ثم يسوي ريحه تعيفك الموتركله

[ماون ماركز]

الف مبروك الله يعطيك خيره ويكفيك شره .. أنت وكل مسلم

أنت تحرم نفسك وتحافظ عليها لغيرك ؟

بصراحة أنا أستغرب من اللي يلبس مراتب سيارته ويحرم
نفسه ويخسر قيمة تلبيس .. واذا جاء يبيع طلعها جديدة للمشتري
كأن المشتري بيشتري السيارة عشان نظافة المراتب ..

لا تلبسها ولا شيء . أستمتع بمراتب سيارتك
وأهم ما عليك تحافظ على صيانته عشان يعيش معك صح

تحياتي

[patrol vtc]

اخوي اذا كنت ناوي الموتر يجلس معكـ فترهـ ماهي قصيرهـ خذ النصيحة :)
..
ابقولكـ عن تجربة أخوي ف اليوكن ,

شراهـ سنة ٢٠٠٦ ولبس المراتب + تكييس الأرضية ,

وشالهآ قبل سنة تقريباً وما شاء الله تباااركـ الله , لو تشوفهآ تقول وكاله ,
والنفس تمل من السيارة بعد فترهـ , لكن مع تلبيس المراتب وفكهآ بعد سنوات , تكبر بعينكـ مرهـ ثانية , بنظافتهآ ورونقهآ ههههههه :)

[volcano]

من رايي انك ماتلبس مراتبه

انبسط فيها وحللها واذا جيت تبيعه لبسها او لمعها

نعم الراي من المميز

انت لو لبستها المستفيد اللي بيشتريها منك.. متع نفسك انت وعيالك فيها

بس انصح تلبس الارضية او الدعاسات حقت السايق والراكب في الامام ..

والله يجعله موتر مبروك

[رِجم]

انا مره شريت سياره ماشية خمسين الف

راعيها ملبس المراتب وكل شي

وفكيت التلبيسه واللي على الفرش وطلعت كنها جديده

قلت حارم نفسه وانا اللي استمتعت

مثل ما قالو الشباب لبس المراتب اللي ورا اذا معك اطفال

ونصيحه لا تحط بلاستيك عازل للارضيات تراه متعب وبالصيف يطلع ريحه ويجمع غبار مو زي الفرش

[HAS5SAN]

(1)
لي اسبوع افر معارض الرياض
لقيت انواع مختلفة وسبحان الله
فيه فرق شاسع بين كل معرض ومعرض
ووكيل وموزع صدقني حصلت نفس الفئة
LT بدون دبل وتحكم من الدركسون وتشغيل عن بعد
وكاميرا خلفية ومكيف ازرار مو لمس وووووو
حصلته بـ134,500 ونفسه نفسه عند معرض آخر 139 الف
وش السالفة مدري
مع العلم بأنهم يعطون نفس الهديا تضليل عازل وحماية وجهية ووووووو
أدري إني خارج موضوعك ولكن انا ابحث لشخص عزيز علي تاهو ووالله لو يطيعني يا أنه
يتأخر شوي لأنه إحتمال كبيييييييييير ينزل اللون الؤلؤي على الفئات الأقل وايضاً راح يتغير شكل
التاهو في عام 2013 والله أعلم .
(2)
مراتب البلد حليوه ولكن الأفضل هي الجلد والجلد انواع
انضف وافخم ويتحمل
مع العلم بأن الآن تغيرة الدنيا
صار التلميع يقوم بالواجب فيما لو توسخت مراتب البلد
(3)
الله ييسر لك مافيه الخير
وياليت إذا تقدر أنت أو أي شخص من الاخوان إفادتي عن طلبي
والله يرعاك

[فهد السفري]

طيب انا سيارتي ملبسه نايلون هل تطلع ريحه


وشكرا

[s.s]

ماشاء الله تبارك الله

الف مبروك والله يعطيك خيره ويكفيك شره

الافضل تتركه بدون تلبيس

[ابو شكاع]

أنا اشتريت تاهو بعد
الحين ماشي 15 الف
لاحظت سرعة اتساخ الأرضية
لكن رافض تماما سالفة تلبيس الأرضية بلاستيك
لأني جربتها بموتري القديم ..تجمع لك الوسخ بالمطامن وتطلع ريحة
وقالوا لي تماما مثل ماقالوا لك الشباب هنا
لما يتسخ بزيادة اغسله والحمد لله
وحبيت أسأل
هل يوجد موكيت ممكن يركب على الأرضية
بدال البلاستيك ؟

[بن عويشير]

5555555555555555555555555555555555555555

[فيصل الدريويش]

اطرب عمرك وحلل دراهمك واستمتع بالجديد ومن بعدك الطوفان :D

[الدوسري دت كم]

(1)

لي اسبوع افر معارض الرياض
لقيت انواع مختلفة وسبحان الله
فيه فرق شاسع بين كل معرض ومعرض
ووكيل وموزع صدقني حصلت نفس الفئة
LT بدون دبل وتحكم من الدركسون وتشغيل عن بعد
وكاميرا خلفية ومكيف ازرار مو لمس وووووو
حصلته بـ134,500 ونفسه نفسه عند معرض آخر 139 الف
وش السالفة مدري
مع العلم بأنهم يعطون نفس الهديا تضليل عازل وحماية وجهية ووووووو
أدري إني خارج موضوعك ولكن انا ابحث لشخص عزيز علي تاهو ووالله لو يطيعني يا أنه
يتأخر شوي لأنه إحتمال كبيييييييييير ينزل اللون الؤلؤي على الفئات الأقل وايضاً راح يتغير شكل
التاهو في عام 2013 والله أعلم .
(2)
مراتب البلد حليوه ولكن الأفضل هي الجلد والجلد انواع
انضف وافخم ويتحمل
مع العلم بأن الآن تغيرة الدنيا
صار التلميع يقوم بالواجب فيما لو توسخت مراتب البلد
(3)
الله ييسر لك مافيه الخير
وياليت إذا تقدر أنت أو أي شخص من الاخوان إفادتي عن طلبي

والله يرعاك


مرمعرض الحميدي للسيارات خريص الشارع الغربي الكبيرشفه يفتح شرق مقابل الحمزه وبتلقى طلبك بأذن الله لانه موزع وله علاقات
قويه بالشركات ويعطونه المواصفات الي يبي وسعره معقول
تصدق مالقينا لون كوكاوي الاعنده