منظم المكيف في الباترول 91

[aser25]

السلام عليكم ورحمة الله وبركاته

سؤال لاهل الخبره لدي باترول 91 والمكيف شغال زي الحلاوه ولاكن المنظم اللي يرفع صوت المكينه ويقصره غير موجود والمطلوب اين اجده كامل وبكم سعره ارجو انكم عرفتوه

[aser25]

وينكم يااهل الخبره نبي صوره للمنظم ان وجد ابي ادوره في التشليح او احد يقول لنا وين احصله كامل

[محرين باالخير]

مايحتاج وانا خوك منظم ارفع علي المكينه شوي حتي 1000 rbm ويظبط معك لو كانت مكينة موترك صافيه
والمنظم ذا باالاخص كثيره اعطاله لو نت ملزم وانا خوك خذه جديد احسن لك

[يزيد 999]

ياليت توضح لو بصورة لاكن اذا قصدك انه الار بي ام منخفض يمديك تزود عليه من الكلبليتر

[aser25]

اشكر لكم سرعة الاستجابه ..ولكن انا ماكنت ادري هو موجود ولا الين قالي المهندس موترك مافيه منظم وهو ظروري عشان يبرد المكيف والسياره واقفه زي تبريده وانت ماسك خط وانا لا اخفيكم يا حبايبي احب تكون السياره شد بلد حتى في الحاجات الدقيقه ..ووصفه لي وانا قلت اشوف المكشاتيين لعل وعسى احد يحط لنا صورة المنظم او سعره

[patrol-fa]

أهلا فيك اخوي ..

المنظم تلقاه وانت فاتح الكبوت قدام ع اليسار ع بدي السيارة دائري عليه سلكين

شف وانا اخوك قبل امس مركب ع موتري بلف المكيف

لا تشتري جديد تراه غالي بالحيل تقريبا فوق الــ 200 وهو ما يسواا

لكن شريته وركبته بــ 40 بس

المحل حق كربريترات .. بالصناعية القديمة .. إذا كنت جاي من علي بن ابي طالب .. ورقيت الكبري ينزل بك

أو إشارة لف يمين .. ثاني إشارة يسار .. ثم ثاني تقاطع امش شوي بتشوف على يسارك لفه فيها محل بالزاوية حق باكمات تعده

بيجيك لفه ثانيه ع اليسار حق باكمات كذلك تعده

إلي بعده لف يسار بتجيك طلعة " رقية " إبد المحل إلي على يمينك بالزاوية ..

يبي يقول لك بــ 50 ريال مع التركيب بس انت كااسره .. هو سوري .

[aser25]

اشكرك جزيل الشكر اخوي باترول والله يمدك بالصحه والعافيه ويرزقك من واسع فضله ×