مشكله بالرمان الخلفي وزيت الدفرنش

[M Z A G Y]

السلام عليكم

اخواني موتري ونيت دوج رام موديل 2004 مشكلتي تتلخص بالتالي :

اذا لفيت الدركسون سواء يمين اويسار وحركت اسمع صوت كأنه صوت حديد يحك ببعضه واذا امشي بخط مستقيم لا صوت ولاشي والصوت فقط خلفي .. غيرت فحمات خلفيه وخرطت الهوب داخلي وخارجي ونفس الصوت للاسف .. وواحد قالي رمان خلفي قلت مو مشكله نغيره ولكن عرفت انه لازم فك غطاء الدفرنش الخلفي وينزل كل الزيت بصراحه خفت لاني لو حطيت زيت جديد اصلي راح يطلع صوت وهذا الشي مقلقني .. من عنده افاده له دعوه بظهر الغيب .. تحياتي

[ابوسند9]

اخوي مزاجي
اعتقد ان الصوت امامي وليس خلفي لانه احينا تحس ان الصوت خلفي وهو امام والعكس صحيح
لان الصوت مايطلع اللى اذا لفيت يمين اويسار
واعتقد لو كان الصوت خلفي كان طلع بدون ما تلف واستبعد ذالك جدااا انه خلفي او رمان
فا انت لا تستعجل ومر اكثر من ورشه
وممكن انه يكون رمان امامي وممكن يكون شي بسيط
بس اللى اعرفه انا اذا كان رمان الصوت ليس مثل حديد يحك ببعض
وانت جرب خلى واحد يلف بالسياره وانت شوف من وين يطلع الصوت
ولامانع انت تنزل بنفسك اسفل السياره وتشيك بنفسك

[M Z A G Y]

جزاك الله خير اخوي ابوسند .. انا فعلا نزلت وسمعت الصوت وهو خلفي ومتأكد من ذلك وخليت كذا واحد يسمعه ايضا وفعلا الصوت خلفي ماهو امامي .. وانتظر من لديه معلومات وجزاكم الله خير

[M Z A G Y]

للرفع لعل وعسى ....................

[M Z A G Y]

وين اصحاب الخبره تكفون ياشباب

[M Z A G Y]

سبحان الله 170 مشاهده والرد من واحد فقط .. الله المستعان الظاهر المشكله عويصه

[بدوي جنوبي]

سبحان الله 170 مشاهده والرد من واحد فقط .. الله المستعان الظاهر المشكله عويصه

أبشر ولا يهمك وان شاء الله مشكلتك بسيطه
وصعب نقدر نحدد مصدر الصوت بمجرد قراءة موضوع
فتجد أغلبنا ما يكتب رد الأ يكون واثق منه هذا ما تعودناه بقسم الاعطال
وهذه ميزة الاعضاء الله يوفقهم مافي احد يكتب تخمين ويمشي
فلا تتضايق اذا ما شفت ردود .

نرجع للمهم ،،، سيارتك دبل ولا عادي .

من اللى قال رمان خلفي راعى ورشة ؟
هل فحص الرمان ،،، وكيف طريقة فحصه ؟

طريقة فحص الرمان الخلفي للدفرنس حسب خبرتي المتواضعه

http://www.mekshat.com/pix/upload03/images125/mk32037_q7.jpg

1- يبين صوت الرمان
عند الاقلاع بعد سرعة 40 تقريبا او 60 في منعطف فقط يعنى لفه طويله
مثال :
مشيت في منعطف يسار بسرعة 60 أذا كان رمان الكفر الايمن تالف
يظهر منه الصوت لان حمل السياره يكون علي الكفر المقابل .

مشيت في منعطف يمين بسرعة 60 أذا كان رمان الكفر الايسر تالف
يظهر منه الصوت لان حمل السياره يكون علي الكفر المقابل .

2- طريقة الفحص باليد
http://www.mekshat.com/pix/upload03/images125/mk32037_e11.jpg

تمسك العكس وترفع فوق وتحت أذا وجدت فضاوة هذا يدل ان الرمان تالف يحتاج تغيير
تحتاج واحد عنده خبره ،،،

بعد التأكد من الرمان تالف لابد من فحص العكس ما يكون فيه تآكل
أنظر الصورة :
http://www.mekshat.com/pix/upload03/images125/mk32037_fahs%20axle.jpg

ننظف العكس مع الصنفره الناعمه الخفيفه
مو كل العكس نصنفر؟
مكان الرمان فقط
72

http://www.mekshat.com/vb/../pix/upload03/images125/mk32037_q19.jpg

الصوف اذا كانت فيه تهريب زيت قبل الفك يبين معك
لازم تغيرها
http://www.mekshat.com/pix/upload03/images125/mk32037_w.jpg


http://www.mekshat.com/vb/../pix/upload03/images125/mk32037_12.jpg

الصوفه هذى لا يوجد بها تهريب
مجرد خروج زيت بسيط اثناء سحب العكس

طبعا الرمان صوته ما يبين معك في خط مستقيم لان الحمل يكون موزع
على الدفرنس كامل ،،،

وابو سند كلامه صحيح صوت الرمان ليس أحتكاك حديد بحديد
صوت الاحتكاك الواضح يكون بين قطعتين متلاصقه مباشرة
مثل فحمة وهوب ،،،

3- طريقة فحص الرمان بواسطة جهاز

طريقة آخرى لأكتشاف العطل (طريقه مضمونه وأكيده :
فحص الرمان ،،، بأمكانك فحص الرمان بأحدي الورش بجهاز الترصيص الارضي
http://www.mekshat.com/vb/../pix/upload05/images214/mk32037_agi17543.jpg

بحيث يقوم برفع أحدى الكفرات الاماميه بالعفريته(الرافعه) ووضع القير
بوضع الN او الفاضي للقير العادى .
يقوم بتشغيل دينمو الجهاز لتدوير الكفر سرعه عاليه ثم يقوم
بأرجاع الجهاز للخلف وأطفائه،،، لسماع صوت رمان الفلنجه
اذا وجُد صوت فهذا يدل عن ان الرمان تالف ،،

بعض الورش ما عندهم جهاز ترصيص ارضى
وبدال ما يشترى جهاز يجيب ديمنو كبير ويركب له قاعده
انظر صورة الفنى ماسك الجهاز في الجهه اليمني :
http://www.mekshat.com/vb/../pix/upload05/images214/mk32037_1%20%2833%29.jpg

الفلنجه معلومات وصور موضوع مهم (http://www.mekshat.com/vb/showthread.php?t=404665)

أذا سيارتك دبل بيكون فيها في الامام فلنجه
http://www.mekshat.com/pix/upload05/images218/mk32037_5q.jpg

وقد تكون المشكله منها .
وفقك الله

[هاوي ترهيم]

مشكلتك رمان او كلتشات الدفرنس والله اعلم
اذا كان به كلتشات الدفرنس زي الشروكي

[M Z A G Y]

بدوي جنوبي افادك الله ورحم الله والديك امين نعم سيارتي دبل والصوت خلفي ومع اللفه اذا امشي خفيف يطلع الصوت افدتني بطريقة الفحص المضمونه عند اصحاب الترصيص الارضي هل العضيب يقوم بذلك ؟؟ او هناك مركز معروف لدى الشباب ومضمون ؟؟

[M Z A G Y]

هاوي رحم الله والديك وجزاك الله خير ... والله يابعدي مدري هو فيه كلتشات او لا اخوك مامن معرفه بالحيل

[بدوي جنوبي]

بدوي جنوبي افادك الله ورحم الله والديك امين نعم سيارتي دبل والصوت خلفي ومع اللفه اذا امشي خفيف يطلع الصوت افدتني بطريقة الفحص المضمونه عند اصحاب الترصيص الارضي هل العضيب يقوم بذلك ؟؟ او هناك مركز معروف لدى الشباب ومضمون ؟؟

جزاك الله خير
ممكن يكون عند العضيب الجهاز ،،

شوف هذا رابط توضيب دفرنس رام 1500 دبل
تستفيد منه
http://www.off-roadweb.com/tech/1011or_rebuilding_a_limited_slip_differential_dana _trac_lok/viewall.html

[M Z A G Y]

بارك الله فيك بدوي جنوبي وزادك الله من فضله امين

[بدوي جنوبي]

هاه بشر ويش صار معك

[M Z A G Y]

هلا وغلا اخوي بدوي صار معي ايضا مشكله اخرى الله المستعان وهي اذا عشقت الدبل ولفيت للاخير الكفر الخلفي يمسك واذا دعست شوي يطلع صوت كأنه صوت تروس او مشابه له واول ماكان كذا فقط وانا لاف الدركسون للاخير اما مستقيم لا يوجد شيء .. وموتر قير تمتتيك والدبل ارضي ..وبصراحه قلت بتمهل لين اسمع رأيك ورأي الاخوان .. ومن يعرف لي ورشه مضمونه ومعروفه وثقه لا يبخل علي وانا بالرياض

[بدوي جنوبي]

دائما لا تلف الدركسون للاخير اذا الدبل شغال لان هذا يتلف العكوس
الكفر الخلفي اذا يمسك معك ممكن يكون من نظام الكلتشات عندك بالدفرنس
انت جربت الدبل في رمل ولا على الازفلت ؟



بعض الدفرنسات يوجد بها كلتشات
http://image.off-roadweb.com/f/tech/1011or_rebuilding_a_limited_slip_differential_dana _trac_lok/30516139+w193/1011or_19_+rebuilding_a_limited_slip_differential_ dodge_ram_1500_4wd+clutch_discs.jpg

سيارتك رام 1500 .؟

[M Z A G Y]

ماجربته برمل يابعدي على ارض ترابيه عاديه جدا وموتري دوج رام 1500 دبل قير تماتيك .. اما انه كاتشات الدفرنس ترى والله مدريووماهي فائدتها؟

[M Z A G Y]

زيت الدفرنس لقيته اسود ومدري هو راعيه اللي قبل كان يغيره والا لا ؟؟ المهم هل اغيره مره وحده والا فيه طريقه معينه عشان مايطلع صوت ونه بالدفرنس؟

[وطني]

اخوي الدفرنس فيه كلتشات ؟؟ إذا فيه كلتشات مشكلتك بسيطة
غير الزيت ..بزيت اصلي تلقاه عند المتحدة للسيارات مع المعالج ( الدوا) ورايح يختفي الصوت ولا تخاف من الونة ابد ..هذا من واقع تجارب عديدة

[M Z A G Y]

جزاك الله خير اخوي وطني

[M Z A G Y]

للرفع رفع الله قدركم

[قناص666666]

اخوي مشكلتك بسيطة جداً بإذن الله وحلها عندي.
لأنها حصلة المشكلة في سيارة أخوي قبل مدة ليست ببعيدة وصلحها بتوفيق الله بكل يسروسهولة.
اذا كانت المشكلة لازالت في السيارة .. أنا في الخدمة وموقعي الرياض ..في انتظار ردك.
تقبل مروري...

[M Z A G Y]

اي والله موجوده وانا بالرياض فزعتك لا عدمتك الله يجزاك عني خير

[M Z A G Y]

............................................

[قناص666666]

أبشر بعزك ماطلبت شيئ طال عمرك أنت حدد الموعد اللي يناسبك ومرني وما يكون الا خير بإذن الله تعالى
تراك تامر أمر لو تبي أجيك وأخذ موترك وأصلحه وأرجعه لك .. من عيوني يا أبو فلان
دمت بخير وعافية

[M Z A G Y]

لاهنت اخوي قناص بارك الله فيك يابطل

[قناص666666]

حفظك المولى ياغلي ...

[القايدي008]

ياصاحب الموضوع تكفى انا عندي نفس مشكلتك ودوختني لها اكثر من سنه ولا لقيت حل اذا كنت لقيت حل ياليت تعلمني الله يوفقك انشالله