مشكلة كهرباء

[patrol-fa]

السلام عليكم ورحمة الله وبركاته

احبتي .. عندي مشكلة بالسيارة

وهي الكهرباء

المشكلة ... إذا شغلت الأنوار يتحرك انبير الحرارة يرتفع وإذا طفيتها ينزل

حتى الدرايش إذا فتحتها أو قفلتها مجرد ما اضغط عليه يتحرك امبير الحرارة وش العلة فيه ..؟

مع العلم يجي السيارة مشغلة ولا طافية كلها سوا يعني ادق سف بدون تشغيل واجرب افتح الدريشة يتحرك الإمبير

وقد صارت قبل تقريبا شهرين او ثلاثة . جت وفكيت السالب ورجعته وشديته

وضبطت صار سليم والحين رجعت .. وما رجعت إلا بعد ما فكيت البطارية ورديتها

هل ممكن يكون من الأصابع .. مع اني شادها ولا تتحرك ابد

ونظيفة " الأصابع حديد "

او البطارية . أو الأسلاك ؟ وش علته ؟



الله يوفقكم ..

[يالبى الهلا]

البطاريه على وشك الانتهاءفي الانحدار الى low

[patrol-fa]

كيف يعني ؟؟

كم تجلس ثم تخرب مرة ؟

البطارة مويه ماهيب اكترونية ..؟ شبه جديدة ما كرفت .. طيب ما يصلح اغيرة مويتها ؟ ..

[العمده 0ون0]

وعليكم السلام ورحمة الله وبركاته
اخوي باترول
انت بنفسك جاوبت على خمسين في الميه من المشكلة ان شاء الله الامر بسيط بحكم انك تقول فكيت سلك السالب قبل شهرين وركبته وزبط معاك ومارجعت المشكلة الا بعد مافكيت البطارية مرة ثانية معناه المشكلة في اسلاك السالب الرئسي او حق الانوار شييك عليها وافحصها زين زين0
عندك سلك صغير متصل مع (سلك البطارية السالب) الاساسي (خاص لماص الانوار) لازم يكون مشبوك في بدي السيارة جهة الصدر او الجنب او في الرفرف تأكد زين من (اطرافه من الجهتين)لاتكون ضعيفة او مقطوع او فيه اوساخ في احد الاطراف ويسبب ضعف في(الماص) 0

هذا والله اعلم
:s

[راعي فتك 2005]

اخوي باترول موترك فتك (يعني من موديل 2002 وجاي ) اذا الي ذكرته انا

مشكلتك طال عمرك (الايرثات) يبيلها صنفره روح عند اي كهربائي قوله سولي صنفره للايرثات

انا محاكيك قبل اسبوع سويت صنفره للايرثات ورجعت الحراره عاديه مع العلم انه مشكلتك مثل مشكلتي

[راعي فتك 2005]

وامبير بطارية موترك كم حجمها ؟

[patrol-fa]

العمده ون .. الله يعظم اجرك ويجزاك خير ..

السالب ما طلع منه إلا سلك واحد بس ومشكبوك ع الثلاجه ؟ هل اشبك ثاني صغير ع كلامك واحطه بالبدي ؟

راعي فتك هلابك اخوي موتري 97 مكينة 4500

البطارية إن تساني مانيب واهم 80 امبير ..

البطارية تعبئة . .

الله يكتب اجرك

[العمده 0ون0]

ولك مثل ماقلت الله يجزاك خير
شف ياالغالي:
نعم جرب مافي مشكلة حط سلك ثاني صغير 6مم كتجربة اشبكة في البدي او صدر الموتر من اصبع البطارية السالب بالعكس ينفع مايضر زيادة خير ان شاء الله0
افتح السويش او شغل السيارة
و ياريت كذلك تتأكد زين من اطراف السلك السالب الاساسي من الجهتين وبالذات من اصبع البطارية خل معك يساعدك و يحرك سلك السالب وانت ناظر في الطبلون اذا فيه تغيير اوفرق في حركة الانبيرات او لا0هذا والله اعلم0
وموفق خير ان شاء الله0