مشاهدة النسخة كاملة : احذرو الاند كروزر الخليجي >>>>>>>>>>>>>
ذيب النجيل
04/05/2012, 03:24 PM
السلام عليكم ورحمة الله وبركاتة
اخواني احذرو الجيوب اللاند الخليجية لانها تأتينا على انها نضيفه
ومشيها قليل ولكن ملعوب فيها لعب
واذا شريته كل يوم بورشه وانواع الاصوات والخرابات
شوفو صور اللاند وكيف يلعبون فيه بموضوع اخونا على الرابط التالي
http://www.mekshat.com/vb/showthread.php?t=501465
التعـ King ـديل
04/05/2012, 03:32 PM
اخوي ذيب النجيل ماله علاقه كون الجيب خليجي ولا سعودي ولا هندي
تبي تفهمني ان ربعنا محافظين على المواتر .. عزيزي والله ان في مواتر شفتها بالامارات لو اني ماني متاكد من الموديل انه 95 كان قلت انه 2005 على الاقل من نظافته ونظافه محركاته
اخوي ذيب ترا ربعنا مب مقصرين واذا قلت للواحد حافظ على موترك قالك انا شاري جيب علشان ارحمه ؟؟ بضرب لك مثال انا معي جيب واذا صار زحمه تلاقيني صاف مع العالم وغيري يطمر
الرصيف والله ان الربع يعلقون علي وشوله شاري جيب دامك بتصف وتمشي مع الزحمه كان شريت صغيره وشوله رافع الموتر ومركب كفرات بالون ومن هالكلام .. مقوله امشي عليها دائما
حافظ على سيارتك تحافظ على مخباتك تجلد سيارتك تجلد مخباتك
ماون ماركز
04/05/2012, 03:50 PM
اخوي ذيب ترا ربعنا مب مقصرين واذا قلت للواحد حافظ على موترك قالك انا شاري جيب علشان ارحمه ؟؟ بضرب لك مثال انا معي جيب واذا صار زحمه تلاقيني صاف مع العالم وغيري يطمر
الرصيف والله ان الربع يعلقون علي وشوله شاري جيب دامك بتصف وتمشي مع الزحمه كان شريت صغيره وشوله رافع الموتر ومركب كفرات بالون ومن هالكلام .. مقوله امشي عليها دائما
حافظ على سيارتك تحافظ على مخباتك تجلد سيارتك تجلد مخباتك
هذا كلام الناس اللي يضرب فيها المثل .. واللي يقتدى فيها
الله يديم عليك الخير والصحة والسلامة .. ويكفيك الشر
رسيس نجد
04/05/2012, 04:06 PM
مقصود اخونا ذيب النجيل جزاه الله خير التحذير من الي يستوردون سيارات من الخليج على انها سيارات
نضيفه واستعمال طبيب او حرمه وهم يكذبون هذا غير تغيير العداد 0
التعـ King ـديل
04/05/2012, 04:17 PM
رسيس نجد ممكن كلامك صح ولكن فيه سيارات فعلا استخدام حشمه سواء من رجال ولا من حرمه
وشوف العين مااحد قالي
Magellan
04/05/2012, 04:22 PM
ياخي القطريين والاماراتيين حاله خاصة بالخليج لإرتفاع معدل مدخولهم السنوي
قد شفت قطري او اماراتي يبحث عن سيارة مستعملة
او يبحث عن سيارة طاف عليها موديلين
ما اشوف الا السعودي هو من يبحث عن سيارة مر عليها خمس سنين ولو الود وده كان شرى موتر مضى عليه 15 سنه،،
هالدولتين ماعنده اشكالية يشتري جديد ويكسرها
فبالتالي لاتشره تشوف هالتصرفات من شبابهم
فالمال الزائد ممكن يكون وبال على راعيه
sgl2002
04/05/2012, 08:09 PM
انا معك ياكنق ان فيه مواتر نظيفه هناك
لكن اكثر الجيوب اللي معهم هناك ملعوب فيها لعب ومفجرة
انا لارحت لقرايبي في قطر بعض الاحيان وركبوا معي مع اني اشد على الموتر واجور عليه بالبر وبالنفود يقولون ماشاء انت محافظ
ويوم اشوف سواتهم بمواترهم قلت عز الله ماني بشاري من هناك الا لين اتاكد من كان معه
عندهم هناك تطيير بالنفود وتفجير ومايرحمون الموتر ابدا ابدا
مواسي الطعوس
04/05/2012, 08:18 PM
-- انا قصتي في قطر هي : دخلت معرض ولقيت 3 سيارات لاند كلها ماشيه 46000 الف . سبحان الله . وموديلات مختلفه . اللي مرجعهن ماسكه على 46 الف . ويجي السعودي يشتريه ومحافظ مادرى انه ماشي اقل شي 150 الف كلها تفجير .
شايب السبيت
04/05/2012, 08:42 PM
علشان كذا تحصل الجيوب الخليجية بكل انواعها وصناعاتها
ارخص من الجيوب السعودية في المعارض
والرغبة للجيب السعودي اكثر
ابو زياد 90
04/05/2012, 10:18 PM
موضوع رائع ومفييد للجميع
اقولكم تجربتي يمكن قبل شهرين او ثلاث شهور رحت للامارات عشان اشتري جيب من هناك
المهم رحت معارض دبي ماشفت الزين فيها وقلت مالها الا الشارقة جيت وفريتها وياكثر الجيوب خاصة الللاند
وطاح عيني عل في اكس ار 2010 بريمي ومن تشوفه تقول ماجااه شي الممشى تقريبا 47 الظاهر حده علي 180 قلت فيه شي قال لا لا وكالة ومن هذا الكلام المهم سئلت خوياي بالسعودية قالو صيدة وسعره منافس
المهم قابلت هناك شريطية سعوديين :) المهم دخلت في عين واحد وقمت اسولف معه وعلمته بالجيب وانصحوني اذا بشتري اي موتر ماافحص الا عند ورشة اسمها القايد يقولون رجال يخاف الله ويعلمك بالسيارة يااتشتري ياتتركها المهم اخذته معي الشريطي :) بخليه يشوف الموتر عاد حنا بعد المغرب وشاف الموتر وتعرفون الوقت بالليل وتفاوض مع راعي السيارة وخلاه لنا 177 الف وقالي بيعطيك 175 الف وقام يسئل راعي المعرض عن افضل فحص وقام يعدد له اكثر من واحد وقال لا حنا بنفحص الموتر عند القايد وقام يحاول يبرر واخرتها قال لو تعطوني مبلغ 300 الف ماخليتكم ترحون للقايد ههههههههههه وقتها فهمناها ومشينا وعاد الشريطي يعلمني بانواع النصب تصير في الامارات وانهم طايحين في تنزيل العداد
وخاصة العماله الي ماسكين السوق حدث ولا حرج :)
وتصدقون شي ان السعودية اقل من هناك يمكن حول عشرة الى 15 الف
واسف عل الاطالة
تحياتي لكم ,,,
.راعي الطير
05/05/2012, 01:31 AM
مهب شرط يالغالي والملعوب فيه يبين
صياد الجبل
05/05/2012, 02:22 AM
انا بقولكم شي بسيط اهل الامارات واهل قطر معروفين بشي اسمه تفجير
هههههههههههههه
واهل الامارات واهل قطر ناس الله فاتح عليهم رزقه
مافكر يشتري موتر 2011 ويطعس فيه ويفجر ويستمتع
ويبيعه ويشتري 2012 ويستمر على هالموال
ويلعبون في عدادتها ويبعيونها علىينا بالسعوديه
او يلعبون فيها ربعنا ويبعونها علينا على انها سيارات نظيفه ممشاها قليل
او يكون ممشاه قليل صدق لاكن تحصل هالممشى القليل الموتر ملعون فيه
في كلتا الاحوال المستخدم الي بيشتريه هو الخسران
لذالك اخي احرص قبل شراء اي موتر الفحص
افحص مره مرتين ثلاث اربع
اخسر2000 ريال على فحص عند اكثر من محل اهو من تخسر 100 الف في شارء وانت ماتدري وش فيها
بعطيكم بعض المقاطع
للمقصود بكلمة تفجير وماهو معروف عند اهل الامارات وقطر وربعنا بالسعوديه
<FONT size=5><FONT color=darkred>CvBmPqw3pGI
<FONT size=5><FONT color=darkred>piNAz2Zv4pU
الفرق بين قطر والسعوديه
ان بقطر والا مارات تقام بشكل منظم حلبات ومدرجات
بالسعوديه يجتمع عدة شباب في احد اماكن التجمع
ويمارسون هذه الهوايه
<FONT size=5><FONT color=darkred>Hnw5kfHoyS0
عطني رايك ياكنق التعديل بالفتك الابيض
<FONT size=5><FONT color=darkred>F74y0gBD9TA
<FONT size=5><FONT color=darkred>uTD-BQ3RLh0
طبعا
اغلب الي يروح عليهم اهل التفجير
وشنهي
دفرنسات كارونات جربكسات
المكينه لاتسىلني عنها
:p
حبيت افيدكم
بالي اعرفه
اتمنى افدتكم
ذيب النجيل
05/05/2012, 01:44 PM
الله يعطيكم العافية على الردود
وانا عندما طرحت الموضوع فقد كان من باب
ان تحب لاخيك ماتحب لنفسك
فعن أنس بن مالك رضي الله عنه خادم رسول الله صلى الله عليه وسلم قال : ( لا يؤمن أحدكم حتى يحب لأخيه ما يحب لنفسه ) ، رواه البخاري ومسلم
وهذا المقطع للاند>> مفخرة الارض يفحط
ولو جابه عندنا راح ينباع بسعر عالي والي يشريه الله يعينه
راح يحصل مشاكل بالكارونه وصليب العمود والقير والمكينه والاذرعة والمقصات
وحراره وووووووووو
http://www.youtube.com/watch?v=Qzc3Q5Y8y4k
صياد الجبل
05/05/2012, 03:36 PM
يعطيك الف عافيه اخوي ذيب النجيل
والله انك صادق
اهل قطر واهل الامارات دون حسد الله فاتح عليهم وماعندهم مشكله لاطلع واحد من عيالهم مواتر مثل هذي
فكسار ولا جكسار ولا جكس ولا فتك
وقام يستعرض فيه في هالحلبات المتفجره
وفيه فرق بين التفحيط والتفجير التفجير تخلي الموتر ينحرق الين ماتسمع صوت الدفرنس والكارونه بنص راسك
ويتقطع الكفر وانتم بكرامه وصله وصله
لكن والله الخسران الي بيشريها منهم من ربعنا على انها سياارات نظيفه وممشاها قليل ومن هالكلام
sgl2002
05/05/2012, 04:32 PM
ياحسرتي حسراه يالفتك الابيض اللي بغا ينقلب ثم صدم 2003
ليته معي بس والله ياهو منظر وخصوصا لاشديت عليه بالنفود بالمرقى يطربك..
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir