المشورة يالربع بحضن البيض

[منتظر الجديد]

السلام عليكم ورحمة الله وبركاته...
يا أخوان وش اخباركم .. ان شاء الله طيبين

ياجماعة عندي استفسار.

عندي قميرية باضت أربع مرات في فترة شهر ونص تقريبا. ولكن تعددت الأسباب لعدم فقس البيض شي مالقح وشي ماكملت فترة الحضن للبيض.

والأهم والسؤال / لو باضت الفترة القادمة تنصحوني أشيل البيض أول ماتبيض وحطهن تحت الحمام الراجن? ثم. عاد بتبيض مرة ثانية. واشيل البيض نفس الطريقة الأولة?
تتوقعون فيه إشكالية بالموضوع?

أتشرف بمشورتكم ونصايحكم

ومشكورين مسبقا

[راعي الخريب]

اذا بأمكانك تغير الذكر غيره
واكيد شل بيضها وزرق بيضها تحت حمام ثاني
وربي يوفقك

[عاشق المقناص3]

الله يــااطويل العمر

أشـــووف طرقتكـ كويسة ((جرب والدنيـا تجاربـ...))



..

[وجه النهار]

يقولون آخر الطب كي
ما لك إلا أنك تجرب تأخذ البيض
وتحطه تحت حمامة راجنه
لعلها تلقح هــ المره
وفق الله الجميع لكل خير
تقبل مروري

[منتظر الجديد]

ماقصرتوا ياشباب

بس أنا أقصد ... هل احتمال أن يكون البيض لاربع مرات متتابعة ملقح ..أو استحالة?

[فل اوبشن]

اشتر لك جوز حمام ياكريم نوع من انواع القمري

ورجن حدره حطيه بمحكر وحط له عش هو يبيض

شل بيضه ورجن حده بيض القميري

[منتظر الجديد]

^^^^^^

هذا الي مفكر فيه

بسس تتوقع كل هالبيض في خلال شهر اللي عدده 8 بيضات . يكون لاقح ؟

اللي مايعرف وش معنى لاقح / هو عندما يقوم الذكر بتلقيح الانثى وبدون تلقيح الذكر للأنثى لايمكن أنيفقس البيض .

[رآعي آلبآترول]

اخوي انا بقول لك طريقة وان شاء الله تكون كويسه
وانا اتكلم من واقع خبرة
اطمر للبيطري وخذ لك بودرة فيتامين هاء سلينيوم صناعه اردنيه قيمته ١٥ ريال
وحط مقدار ملعقة صغغيره على لتر ماء الشرب حق الطيور لمدة ٥ ايام بالشهر
هذا الفيتامين ممتاز لرفع المناعه وانتاج البيض والتلقيح
بأذن الله راح تتغلب على مشكلة البيض غغير الملقح
واذا كان عندك عدد قليل من القميري انا افضل انك تخليها منتجه للبيض فقط غير راجنه
وتستخدم حمام كويتي يرجن على البيض
بالطريقة هذي راح تمتلك عدد اكبر من طيور القميري في وقت قصير

اتمنى اني افدتك اخوي