ياهل الطيور الصقاقير

[عاشق الرمله2]

السلام عليكم يالربع سوال مهم جدا هل الشرياص يتروض وينقل على الكف ويصيد
الى اخره من علوم الصقاره يعني هل ينصقر الشرياص ويتروض:)

[قلب ذيب]

هلااااااا .
....... نعم الشرياص يصقر ,ويخلوووون العيال الصغار يتعلمون عليه الصقاره !؟
لكن الصيد مادري وش صيده . ( يمكن جراده ... يمكن ادرج ... هههههه ) .

[ولدالمحدود]

ياخوي والله سمعت انه يندعى وصيد

بس مدري والله

[جـرح الشمـال]

كم عمرك الله يصلحك
حتى نفيدك باالصح

[صقار العنزي]

ينصادبه بس حاجه وحده جسمه صغير مايساعد .......وهذاا رابط شاهد- http://www.youtube.com/watch?v=oretjEog--U&feature=youtube_gdata_player

[عبدالرحمن بن ذياب]

يا اخوي الشرياص يتدهل و ينقل و يصيد بس على قده يا اخوي
يعني يصيد جرابيع و قد شفنا موضوع هدد شرياص على جرابيع
لعضو اسمه رفايللو إذا ما خانتني الذاكرة

[عواد الشمري2]

الناس ماخلو شي مادربوه حتى العقاب دربوه والباشق دربوه بعد على الحباري
قبل فتره بلي مجلس وجابو سالفت واحد قالو تراهن هو خوياه انه يخلي الباشق يهد على حبارا ويطرحها تراهنو يعطونه الطيور الي معاهم وقالو تم قال خلاص الوعد السنه الجايه وبالفعل يوم جت السنه الجايه عزلو له حبارا وهدوه عليها من صيد امس وهو ملوح ع ظهرها فاء كل شي يرجع على التدريب

[ابوهمام5]

الشرياص ينصقر ويتدرب على صيد القماري والعصافير بس يتعب عند الطرد

[.راعي الطير]

صحيح الشرياص يدرب ويجي على الدعو وانا مجرب
وفيه مقطع قد شفته هادينه على حمامه

[البروالطير]

السلام عليكم
من زماااان شفت شريط فيديو في المغرب لشايب يدرب الشرياص
علي السمان او الفري كما يسمية البعض
والشرياص ناجح جدا في صيد السمان وحاولت ادربة ولكن وقت قدوم السمان
يترافق مع قدوم الصقور ويتحول الشرياص من مشروع صيد السمان
الي مشروع ((نقل)) لصيد الصقور ..