ذعارالعوفي
04/05/2012, 10:34 PM
ياأبوعمر ما ودك نسج ونروح =
يم الديار اللي غطاها مطرها
نبا نفل حجاج ونوسع الروح =
والنفس تأخذ راحة من سدرها
ونبا نمد انظار ونشوح ونلوح=
هذي نعاينها وهذي بأثرها
ونبا نسولف دامه الوضع مفتوح=
ونبعد عن النمة وناقل خبرها
ونذكر سواليف القداما وبوضوح=
وممنوع بتر السالفة وإختصرها
ونشب نار السمروالصيد مذبوح=
وجلستك مابين الغدير وشجرها
والأرض من فضل الولي عطرها يفوح=
ربك غسلها ثم روّح غبرها
وارتاح ماتحتاج لفراش مطروح=
وتقهو من صفر خويك عمرها
وهيجن لوإن القلب بالحيل مجروح=
ومن كلف النفس الصلافة دمرها
عطيتك الموضوع وافي ومشروح=
فلل لي الموتر وعاير كفرها
والا اعتذر يا اخوك ومسموح مسموح=
دنياك هذي زايدات عبرها
والا انا يابوعمرعازم اروح=
يم الديار اللي غطاها مطرها
يم الديار اللي غطاها مطرها
نبا نفل حجاج ونوسع الروح =
والنفس تأخذ راحة من سدرها
ونبا نمد انظار ونشوح ونلوح=
هذي نعاينها وهذي بأثرها
ونبا نسولف دامه الوضع مفتوح=
ونبعد عن النمة وناقل خبرها
ونذكر سواليف القداما وبوضوح=
وممنوع بتر السالفة وإختصرها
ونشب نار السمروالصيد مذبوح=
وجلستك مابين الغدير وشجرها
والأرض من فضل الولي عطرها يفوح=
ربك غسلها ثم روّح غبرها
وارتاح ماتحتاج لفراش مطروح=
وتقهو من صفر خويك عمرها
وهيجن لوإن القلب بالحيل مجروح=
ومن كلف النفس الصلافة دمرها
عطيتك الموضوع وافي ومشروح=
فلل لي الموتر وعاير كفرها
والا اعتذر يا اخوك ومسموح مسموح=
دنياك هذي زايدات عبرها
والا انا يابوعمرعازم اروح=
يم الديار اللي غطاها مطرها