من يعرف الحل؟

[اسهيل]

السلام عليكم اخواني المكشاتيه عندي برادو مديل الفين وتسعه فيه
تفتفه قالي راعي الكبيوتر انه ببي تغيير الكويل الرابع والخامس غيرتها مانفع ثم غيرت البواجي متصار شي الموتر يتفتف بسيط وهو واقف وانت تمشي مايتفتف اذا دستله سي بسيط وشرايكم ادخله عنده يسوي تصفية مكينه على كلامه ويغير فلتر البنزين

[عبقري91]

جرب صب منضف في التانكي حبتين ايسي ديلكو وفلل بانزين. بس اذا موترك بخاخ فيه للبخاخ والكلبليتر
وجرب لين يفض التانكي وانشا الله تزين

[اسهيل]

تسلم على مرورك نجرب محنا خسرانين شي

[ابومشاري06]

أفحص اسلاك البواجي من جهة البوجي اذا كان فيها قطوع بسيطة فهي تهرب كهرباء أما ألا اذا كان يدخن دخان بانزين يعني المشكلة عند البانزين

وانت تقول غيرت بعض الكويلات يمكن الخلل من السلك إذا ماغيرته أفحصها بنظرك تشوف القطوع أوالتشرمات واضحة

[ابو عكلي]

هلا اخوي
كان عندي هايلوكس2007 دبل
على يدي من الوكاله
فجأة صار فيها تقطيع قالو لي برمجه افصل البطاريه نص ساعه وراجع اشبكها
سويتها 3مرات ولانفع
المهم رحت لمحل الكترونيات وشريت بخاخ تنظيف الكترونيات
على ما اعتقد مكتوب عليه 90
المهم فكيت فيش سلك الدعسه وبخيت عليه بالبخاخ على اسنان الفيش
وفكيت حساس الهواء ونفس الطريقه وخليتها يمكن نص ساعه ورجعت شبكتها
وسميت بالله وشغلت والحمد لله انتهت المشكله
واستعملت السياره لحد مابعتها ماشفت منها اي شي
انت جرب كلها بخاخ ونظف الافياش لعل وعسى تنحل مشكلتك
تقبل ودي

[كاشت وحداني]

عزيزي اكثر سيارات تويوتا الان لها شوية حركات للبرمجه بسبب الدعسه الكهربائية
ابحث في المنتدى تجد تجارب للاعضاء في طريقة برمجة الفورتشنر وخصوصا اذا غير البطاريه والموتر طافي
وابحث عن طريقة برمجة البرادو وان شاءالله احد يفيدك هنا من تجربته
وبالتوفيق


Sent from my iPhone using Tapatalk

[aaa3]

السلام عليكم
أخي الحبيب مع برادو 2005 vx حدث معي نفس المشكلة وأدخلته الوكاله وغيرو كويلين مع جميع البواجي مشى الموتر تمام ولكن بعد فترة عاد كما كان قررت فحصه بنفسي وأخذت أشيك على أسلاك الكويلات كلها سليمه ولله الحمد إكتشفت أنر الأفياش حق الكويلات التى تم تغيرها غير مثبته وثبتها ووجدت أن سن الفيش اللي يمسك في الكويل مكسور وهذا هو السبب فالكهرب لاتصل للكويل بشكل صحيح وتحدث هذه التفتفه
ثبت هذين الفيشين بغراء ولله الحمد لي الأن أكثر من سنتين والموتر ماشاء الله تمام

[بدوي جنوبي]

فحص الكمبيوتر خاص بسيارات تويوتا وبرنامج فحص الكهرب
او فحصت ببرنامج اللى يفحص كل السيارات

طبعا فحص الكهرب له برنامج خاص يعطيك تحديد الخلل وين مكانه بالضبط

أشك ان الفحص مو دقيق
او ان القطع اللى غيرتها مقلد
واذا كان 2 كويل خربان
بتشوف المحرك يرجف رجفه شديده وليس بسيطه

لازم تفحص أفياش الكويل عند كهربائي .

[بدوي جنوبي]

تقدر تفحص بطريقة ثانيه
أنك تفصل فيش الكويل واحد واحد
والمحرك شغال وتشوف أذا فصلت كويل وما تأثر المحرك أعرف ان هو اللى تالف

لكن الحذر مطلوب عند الفحص

بالتوفيق

[moooj]

تقدر تفحص بطريقة ثانيه
أنك تفصل فيش الكويل واحد واحد
والمحرك شغال وتشوف أذا فصلت كويل وما تأثر المحرك أعرف ان هو اللى تالف

لكن الحذر مطلوب عند الفحص

بالتوفيق

.
نعم استخدمت نفس الطريقة
وبدلت مواقع الكويلات
واكتشفت ان البواجي خربانة

[moooj]

فيه سبب آخر وهو ان الثروتل يحتاج تنظيف وافضل شيء له هو منظف اللأليكترونيات (سريع التبخر)
مجرب ونتيجة مذهلة وفورية
واحيانا فلتر الهوا لازم يتغير (اصلي)

[بدوي جنوبي]

.
نعم استخدمت نفس الطريقة
وبدلت مواقع الكويلات
واكتشفت ان البواجي خربانة

ما شاء الله
لازم تعلم غيرك الطريقة بهذا الاختبار البسيط
عشان يستفيدو أحسن من حقين الورش ينصبوا عليهم :good2: