هـل يوجد أحـد لديـه الحل مع بـاترول 2012 (رجـه) ؟

[ملك الرمل]

السلام عليكم يا أخوان ..

بإختصار الموتر (SE 2012) وارد خليجي .. ماشي 3000 فقط .. والمشكله هي :

1. رجـه في الديركسون والسيارة ، ورجـه مع تغيير التورسات في القير ، ورجه ايضاً

مع الطلوع والنزول في السرعات وخاصةً مع الضغط على الفرامل رغم أن السيارة

جديدة والهوبات جديدة ، وهذا الأمر زاد من تعقيد المشكله بالنسبة لي .

2. قساوة غير طبيعية ( جربت باترول نفس الموديل والفئة ولقيتها اريح وأهدئ وانعم ) .




الإجراءات التي قمـت بهـا للوصول إلى حـل هي :

1 . ترصيص ارضي عند الغضيب قبل الـ 1000 كيلو الأولى .. ولا راحت الرجـه .

2. تبديل اماكن الكفرات بشكل (X) .. وبرضو ما راحت الرجه .

3 . تم الكشف على الكفرات واتضع ان الأمامي يسار فيه عيب مضنعي ، وفكرت بتغيير الكفرات .

4 . غيـرت الكفرات بطقـم جديد من (ميشلان الأمريكي) بسعر 4400 ريال مع الترصيص

ومع ذلك ما زالت الرجه موجودة بالسيارة .




طيـب الحـل يا أخواني .. وكلت أمري لله ثـم لكـم يا اصحاب وخبراء الباترول .

[خبايا انسان]

الحل ياخوي ,, الوكاله ,, وخلك واقف فوق روسهم

[ابو شريفة]

السلام عليكم ورحمة الله وبركاته
نصحية اخوية / وده للوكالة علماً انه مازال تحت الضمان والتشييك راح يكون مجاني لانة مابعد وصل الـ5000 كيلو، والموتر كل شي فيه ألكتروني وهذا عيبة ولا آحد يقدر يعطيك العلم الوكآد مع انك ماحددت نوع الرجة ولا قدرت تشوف باي جهه خلفيه امامية يسار يمين ..؟
والباترول الان اصبح كله عكوس وفليورات فاحتمال يكون منة ولكن كما سبق وقلت لك الوكألة اجدر وافضل، والله يكتب لنا ولك الخير ويطيب خواطرنا
دمت سآلم

[مخاوي 2004]

والله غريبة موترك جديد يمقن جنوطك جاية شي والا به جنط منعفط بعدين موترك جديد رح للوكالة العن اصلهم خلهم يحلونها او يعطونك موتر جديد

[وطني]

اخوي سيارتك جديدة غريب اللي يحصل معك .. هل الموتر تعرض لضربة رصيف أو مطب قوي جدا أو تعرض لقفز عالي .. يجب فحص كامل لأسفل السيارة مقصات اذرعة اعمدة التوازن مساعد الدركسون ..
وإن شاء الله يكون الخلل بسيط

[sulaiman.fj40]

مرحبا اخوي ملك الرمل/ النيسان معروف بالرجه واعتقد ان المشكله تتركز في احد الامور الاتيه/ افحص جلد عمودين الدفرنش الامامي الاماميه واخلفيه فقد تكون متاكله/ افحص الرمانبللي للعكوس الاماميه الداخلي والخارجي/تاكد من ان الكفرات والجنوط سليمه/هفحص عمود كردان الامامي وكراسي القير/افحص رؤوس الاذرعه ومساعد الدركسون/ شيك على عمود كردان الخلفي/ وفقك الله/

[ابوكشتات]

الضمان يشمل المشكله اللي عندك حتى الموتر لو خليجي توكل على الله ورح للوكاله واذاقالك الوكيل الحمراني خارج الضمان علشان خليجي اشتك بالمركز الرئيسي بالأمارات .

[ملك الرمل]

1 . (خبايا إنسان) ..

حياك الله ، سيارتي غير تابعة للوكيل في السعودية ، والله يسهل .

2 . (أبو شـريفـة) ..

حياك الله ، ارجع واكرر الموتر ماله ضمان لدى الحمراني ، والرجه في كل مكان تقريباً الله

يسعدك دنيا وآخره انشاء الله .

3 . (مخاوي 2004) ..

حياك الله ، ما اعتقد ان الجنوط معفطة الموتر فاكه جديد على يدي وتم الكشف على

الكفرات والجنوط والحمدالله الجنوط سليمه ولله الحمد ، ، واشكرك على التفاعل يالغالي .

4 . (وطــنــي ) ..

حياك الله اخوي ، والله ونا اخوك ما قد سبق لي التهور بالسيارة ولم ادخل فيها اي مغامرات

لحد الآن ، أتمنى يكون الخلل بسيط زي ما قلت وتنتهي المشكلة ، اشكرك .

5 . ( سليمـان FJ40) ..

كلامك سليم ، وجـار البحث عن ورشة متخصصة وتفهم مشاكل الباترول .. اشكرك على

مشاركتك الطيبه بارك الله فيك اخوي .


6 . ( أبو كشتــات) ..

والله يا اخوي الغالي أني قريت اعلان للحمراني قبل 7 شهور تقريباً في صحفة كاملة

يقول السيارات وارد غير الحمراني ليس لدينا لها ضمان ، ومن بعدها غسلت يدي .



التفـاعل يا أخوان كبـداية طيــب ، أتمنى الأخوان أصحاب الباترول تزويدنا بمعلومـات

حـول هالمشكلة ،، أنـا ما أحب التعامل مع الحمراني لأنه سيئ وسبق لي التجرة معاه

ومواعيدة مثل مواعيد المستشفيات الحكومية ،، وهو حالياً شكله بايع الوكاله ما يهمه شيي .

[You Like Me]

هذي عين ما صلت على النبي
والا السياره مع اخوي ما شاء الله تبارك الله
لا رجه ولا غيره
انت وده للوكيل دام مازال داخل الضمان
وان مانفع المعارض واشتر راحتك .... وبفلوسه خذ اخوه

[ابو شريفة]

ياخي وده لوكيلة بالدولة الي اخذته منه مايصير تسكت
لو اني بثيابك لحمله بسطحه وانحر به الوكاله الي اخذته منه حرام عليك
موترك جديد حاط فيه فوق الميتين وتخليه كذذذا .؟
بعدين كنت بسئلك انا قبل / وسبقني واحد من الاخوان ، انت ضارب رصيف على سرعه او شي .؟

[ددسن مسدرك]

يا رجال موترك توه على الضمان وده الوكاله وشو له تتعب راسك هم بيصلحونه لأنه على الضمان والا يعطونك واحد جديد

[ابو شريفة]

شف الموضوع اتمنى انك تدخله وفيه رابط يوضح لك اكثر
ولو تقدر تاخذ نسخة من خطاب وزارة التجارة تقدر تحج وكاله الحمراني ويصلحونة غصبن عنهم
الله يعينا وياك < ترا من حيني حاقدن عليهم صايرتن لي مواقف مع الوكلات:D
http://www.mekshat.com/vb/showthread.php?t=486759

[أبوتركي V8]

الله يسهل امرك ولا يعسر امرك امين

[ملك الرمل]

اخواني .. والله أني مقـدر لكم هالتفاعل .. وما تشوفون مكروه يارب ..

أبو شريفه : أبـد وأنـا أخـوك عمري ما رقيت فيه لا رصيف ولا طعس ولا غيره .. سواقتي له كانت

مره رحومـة وكنت مخطط أني أدلعه أكثر .. لكن هو شكله ما حبني ما يبيني .. وموضوع

أني أترك شغلي وعيالي واشيله واسافر به خارج المملكة اتصور صعبه شوي .. اشكرك .

[ملك الرمل]

أنـا مأمـل أن يكـون فيـه أحـد حصل لـه نفس المشكـلة ولديه خبـرة لكي يختصر علي

الطريق .. ومخاطبة الشركة الأم وموضوع الترجمة والشكاوي .. بخليها آخر الحلول .

[أبوتركي V8]

بالتوفيق ان شاء الله

[ابو شريفة]

اخواني .. والله أني مقـدر لكم هالتفاعل .. وما تشوفون مكروه يارب ..

أبو شريفه : أبـد وأنـا أخـوك عمري ما رقيت فيه لا رصيف ولا طعس ولا غيره .. سواقتي له كانت

مره رحومـة وكنت مخطط أني أدلعه أكثر .. لكن هو شكله ما حبني ما يبيني .. وموضوع

أني أترك شغلي وعيالي واشيله واسافر به خارج المملكة اتصور صعبه شوي .. اشكرك .

يابعدي حمله بسطحة بـ 800 ريال وخذ اجازة اسبوع من عملك مب ضارك وعيالك مب اكلهم الذيب اذا خليتهم سبوع :D واعتبرها اجازة و تمشية بصراحه موترك ماشاء الله حسافه تهمله :(

[لسان الحقيقة]

والله مشكلتك غريبة .. وماشفت احد اشتكي من رجه بهالطريقة لاني متابع منتدى متخصص في الباترول ..

وانصحك لاتوديه للحمراني .. ترى ماعنده ماعند جدتي وبيغثك ويخرب السيارة زود ..

رأيي تروح لوكيل نيسان بالبحرين مثلاً لانهم قريبين منا وافضل بالتأكيد من الحمراني واتوقع تنحل المشكلة معاهم ..

النصيحة الاخرى لاتوديه لاي ورشة لان السيارة جديدة وغالية

تمنياتي لك بالتوفيق

[sulaiman.fj40]

هلا اخوي ملك الرمل/ بما ان الموتر جديد فهو على الضمان من المصنع في اي دوله. لو أنا مكانك راسلت المصنع وشرحت للمشكله وانا متأكد انه سوف يكلف اقرب موزع لحل المشكله واقرب موزع هو الحمراني اما الوكاله الرسميه فهي في دبي لجميع السيارات.لي تجربه مع مرسيدس قبل ثمان سنوات وراسلتهم في المانيا وجا مندوب الجفالي لمكتبي وشال للسياره وصلحوها ولا دفعت الا مبلغ بسيط وكنت مشتريها من واحد جايبهامن المانيا.اعتقد الافضل ماتوديها لأي ورشه لانك عارف وضع الورش عندنا ونوعية العماله وبصراحه حرام يلعبوا فيها وانت تقدر تتصل بالمصنع وبيحل مشكلتك.ان احتجت مساعدتي أنا مستعد/ جوالي 0500442626 ×

[ابوكشتات]

اخوي ملك الرمال مالك الى الحل انك تخاطب وكيل الشرق الأوسط بالأمارت وماعليك من اعلان الحمراني الوكيل لابد من الألتزام بالضمان وقطع الغيار وأذكرلك سالفه قديمه لولد عمتي اول ماطلع موديل 98 شراء سفاري باترول فل كامل من الأمارت قبل ماينزل عندنا وجابه لرياض وبعد فتره خرب المكيف عنده وراحبه للحمراني لقسم الصيانه فلما شيك المهندس على رقم الشاص قال مهب على الضمان قاله ولدعمتي الساعه اللي ساعة اليد لها ضمان عالمي وانت تقول مله ضمان وتهاوشو وآخر شي حط المفتاح والأستماره عندهم ومشى وبعد 12 يوم تقريبا قالوله تعال واستلم الموتر والمكيف احسن مايكون .. لابد انك تعطيهم العين الحمراء انت رح للحمراني وشف وشيقولون بعدين راسل وكيل الشرق الوسط بالأمارات باللي قالو لك .

[الرايه]

ابوكشتات كلامك عدل
انا شاري هايلكس 2011 من الامارات ومدخلها وكالة تويوتا واستقبلوها وماقالو شيء
ومره هربت عندي صوفه الدبل وصلحوه على حسابهم وقالو لي ان اللي يدفع قيمة الاصلاحات
وكالة تويوتا الام باليابان

[الدليله1]

اخوي مشكلك في العكوس الاماميه تحصل الرمان محلول حاجه بصيطه مايكشفها الميزان شيك على ذالك وانصحك بتركيب فرارات اماميه

[YUKON_GMC]

غريبه الموتر جديد وفيه هالرجه الغريبه ما امدى حتى غباره يطير وقراطيس الوكاله تشقق دون تخرب الربلات او الكراسي

لكن اتوقع المشكله عيب مصنعي من الشركه او ان الموتر جايه حادث ومصلح بالوكاله قبل تركب لوحاته ..

عموماً شيك على كراسي المكينه وكراسي القير ومساعد الدركسون والجنوط .. لو حصلك تبدل الجنوط او توديهم مهندس فنان يفحصهم لك على جهاز يكون افضل

[عبدالرحمن السالم]

والله ياخوفي ان الموتر جايته ضربه او شى من قبل ، طيب ليه ماتحاول انك تكلم الوكالة إلى جبته منها
وعندك البازعي اخبر يجيب باترولات خليجي ، شف ممكن يدخل موترك فحص عنده ؟!

[ملك الرمل]

أخـوانـي ..

والله أنـكـم ما قصرتـوا .. وكل واحـد فيكـم أعطـاني معلومـة قيمـة راح يتـم أخذهـا على محمـل الجـد .. والله

لا يحرمني من آرائكـم أحبتـي في الله .. وبإذن الله راح أتبع كل نصايحكم بدون التهاون برأي أي أحد منـكم

وإن شاء الله راح أزودكم بما يستجد أولاً بأول .. مع محبتي وتقديري لكم .

[أبوزيد20006]

السلام عليكم ورحمة الله وبركاته
اخوي ملك الرمال تاكد من مساعداة المكينه مساعدين صغار يجون تحت المكينه تاكد منها إذا تهرب لانه اشكل الرجه تجي منها

[ددسن مسدرك]

أخوي نصيحة لا توديه لأي ورشة لأن الموتر نوعه جديد ما طلع الا في ٢٠١٠ وما احد يعرف له صح وهالعمال نصابين يقولك اعرف مسوي يعرف كل شي وهو درج ما عنده ما عند جدتي الله يطول بعمرها ههههههههه لو تقوله فيه صاروخ جاي من المشتري ومتعطل نبيك تصلحه يقولك( ما في مشكله ) سواء هندي والا يمني والا اي جنسيه مالك الا الوكاله وده لأي وكالة في الخليج غير الحمراني و بيزبطونه ان شاء الله

[جي يونت]

أخوي نصيحة لا توديه لأي ورشة لأن الموتر نوعه جديد ما طلع الا في ٢٠١٠ وما احد يعرف له صح وهالعمال نصابين يقولك اعرف مسوي يعرف كل شي وهو درج ما عنده ما عند جدتي الله يطول بعمرها ههههههههه لو تقوله فيه صاروخ جاي من المشتري ومتعطل نبيك تصلحه يقولك( ما في مشكله ) سواء هندي والا يمني والا اي جنسيه مالك الا الوكاله وده لأي وكالة في الخليج غير الحمراني و بيزبطونه ان شاء الله


كــــــــلامك عيـــن الصــــواب "نصــب سيــــاحــــي":mad:

[ابوسند9]

اخوي الله يكون بعونك وتنحل المشكله والله يعطيك من خيره ويكفيك شره
لكن انت جرب ارفع كفرات قدام وامسك الفكر يد فوق ويد اسفل الكفر وحاول بقوه تهز الكفر للداخل والخارج لايكون الرمان مرتخي شوي ونا حسب معرفتي وحسب كلامك اذا كان فيه رجه مع ضغط الفرامل اما مساعد دركسون او احد الكفرات او الجنوط فيها شي؟
وانا اعرف ناس واجد معها الباترول الجديد وصحيح كان فيها رجه لكن طلع المشكله من الكفرات وبدلها الوكيل على الضمان مجانا
وانت انتبه توديه اي ورشه لان السياره جديده واللي يقولك العطل من كذا قله موافق بس اذا ما صلح على حسابك
واخير لو توضح الرجه عند سرعة كم تجي؟ وهل تزود مع الضغط على الفرامل؟وتستمر الى سرعة كم؟

[هلي ديزل]

أخوي اتصل على نيسان الشرق الاوسط واشرح لهم مشكلتك ويبي يدخلونك على ضمان الحمراني غصبا عنه
http://www.nissan-me.com/ar/web/homepage/index.htm

[التمسساح]

بصراحه وبدون زعل احس ان موضوعك مفبرك يعني تبي تفتح موضوع واخرته يجي واحد يقول هذا النيسان خايس خذلك تويوتا ويجي واحد يرد عليه يقول له النيسان مافي مثله لو مشكلتك صح اتوقع انك تروح للوكاله وتحل لك المشكله لأن السياره جديده ومامداها تخرب

[ابو شريفة]

بصراحه وبدون زعل احس ان موضوعك مفبرك يعني تبي تفتح موضوع واخرته يجي واحد يقول هذا النيسان خايس خذلك تويوتا ويجي واحد يرد عليه يقول له النيسان مافي مثله لو مشكلتك صح اتوقع انك تروح للوكاله وتحل لك المشكله لأن السياره جديده ومامداها تخرب

السلام عليكم ورحمه الله اخوي تمسآح :D
مآتدري انه خطر عظيم انك تدخل وتككلم عن نوايا الناس وما بدواخلهم
يقول الرسول صلى الله عليه وسلم : أتدرون من هو المفلس. قالو: من لا مال له ، قال : المفلس من صام وصلى وتصدق وزكى ، ويتى به يوم القيامة وقد شتم هذا وقذف هذا واكل مال هذا وظلم هذا.
ونصيحة لك اخوي لاتصوم وتصلي لغيرك :good2:

الثانية : احتمال يكون عيب مصنعي يعني خلاص وكاله مايخرب.؟ ولا يجيه شي .؟ يمكن يكون اخذه منه واحد وصادم له رصيف والا حصاهـ ولا علمه
ترا ندري ان مافي افشل مواصفات وصيانة وخدمات من شركة الحمراني إلا ابو جميل كلنا ندري عن تلاعبهم :good2:
للتوضيح : ترا والله ماعرف صاحب الموضوع ولا عرفه غير بموضوعه هذا
دمتم سالمين

[ابو شريفة]

يآليت يا صآحب الموضوع تعلمنآ وش صارٍ عليك .؟ :good2:

[ملك الرمل]

يآليت يا صآحب الموضوع تعلمنآ وش صارٍ عليك .؟ :good2:


لسلام عليكم يا أخـوان .. آخــر المستجـدات لعـيـون أبو شريفـه

اليوم تم التفاهـم مع شركة آتو ستار التابعة للعيسى بحكم أنهـم هم المسئولين عن الباترول الوارد من (عمان)

بعد أن أكد لـي راعي المعرض (النسيم) أن سيارتك مضمونه لدى ( اتو ستار) ، وبالفعل وجدت كرت للضمان في

درج السيارة مع الأوراق الخاصة بالكتلوج وخلافه بعد البحث ورقه ورقه ،، وموضـح في الكرت أنهُ على السادة في

اتو ستار عمل الصيانة المنتظمة لصاحب المركبة لدخولها الضمان لديكم ،، وتـم عبر الهاتف (اليوم) تحديد موعــد

لعمل الكشف على السيارة لمدة يومين لدى استو ستار ،، وسوف آوافيكم بما يستجد بعد الكشف والتقرير بإذن

الله تعالى ،، وأحب انـوه السادة الذين اشتروا باترول 2012 وارد (عمان) بأن يتأكدوا من وجود كرت الضمان الخاص

بهم مع أوراق السيارة ( ورقه من عدة اوراق كثيره ) ،، وذكرت الشركة لي أنني ملزم بدفع مبلغ الصيانة الأوليـة

لهـم لكي يسري مفعول الضمان ( رغم أني اجريت الصيانة الأولية خارج اتو ستار) ،، ولكني مضطر أن اوافق لكي

يسري الضمان لدي ،، وراح اخلي السيارة عندهم وهم يتصرفون بعد رحلة طويلة من الرجه ومحلات الميزان .

وإنشاء تكون الأمور بسيطة يارب .. وراح آوافيكم بالمستجد بإذن الله .

[ابو شريفة]

موفق اخوي ونتمى لموترك الشفا العاجل < مداعبه
لاني بصرآحه مخطط اشري للوالد مثله بنشوف وش يصير معك
عشان مستقبلاً يكون عندي خلفيه عن الاجراءات وكيفيه الصيانة وآلـخ...
الا عندي استفسار / الحين تقول يومين العلم الي عندي اذا كان الموتر تحت الضمان ويجلس اكثر من يومين عند الوكيل ملزم انه يعطيك سياره اخرى تخلص امورك ومشاوريك مدة ايآم صيانة السياره واذا ماكان عندهم سياره شاغره يخلونك تستاجر من محل تأجير وتعطيهم الفواتير وهم يقومون بتسديدهأ.اسئلهمـ هذا حق من حقوق طآلب فيه ارجوك وخذه :good2:
دمت سآلم

[ملك الرمل]

موفق اخوي ونتمى لموترك الشفا العاجل < مداعبه
لاني بصرآحه مخطط اشري للوالد مثله بنشوف وش يصير معك
عشان مستقبلاً يكون عندي خلفيه عن الاجراءات وكيفيه الصيانة وآلـخ...
الا عندي استفسار / الحين تقول يومين العلم الي عندي اذا كان الموتر تحت الضمان ويجلس اكثر من يومين عند الوكيل ملزم انه يعطيك سياره اخرى تخلص امورك ومشاوريك مدة ايآم صيانة السياره واذا ماكان عندهم سياره شاغره يخلونك تستاجر من محل تأجير وتعطيهم الفواتير وهم يقومون بتسديدهأ.اسئلهمـ هذا حق من حقوق طآلب فيه ارجوك وخذه :good2:
دمت سآلم

كلامك صحيح يفترض أن يوفر الوكيل السيارة البديلة ،، لكن أنا راح أتعامل مع

شركة مفوضة بضمان وصيانة السيارة ، وليس وكيل مورد ، وحتى ول كــــــان

التعامل مع وكيل صدقني ما يعطونك سيارة الا بعـد تقرير بوجود خلل مصنعي

بالفعل ويحتاج لعمل صيانة لأيام محددة وهكذا .. وأحنا لسى ما عرفنا كوعنـــا من

بوعنـا ــ اليوم راح نودي السيارة عقب العصر وغداً يبدأ الكشف عليها صباحـــــاً


وربك يعين يالطيـب .. اسعدنا مرورك .

[YUKON_GMC]

وش اخر الاخبار ؟؟ مارديت علينا

[فهد2012]

متابعين :- )

[الدوسري2010]

اقر على السياره لاتكون عين حاسد؟؟؟؟؟؟؟؟

[YUKON_GMC]

له شهر الحين .... طنشنا الرجال ولارد .. الظاهر ان الموضع فيها أن ....

[رح هس]

يا اخوان انا متابع مشكلة اخونا...ولقيت له رد بموقع اخر ....يقو باختصار
المشكلة صارت تافة بالحيل راح لورشة في الصناعية القديمة ..وقام هندي وشط على صواميل تحت الموتروقاله(انه وجد الصواميل مرتخيه)وشدها له لرجال يقووووووووووول الموتر ضبط ...الله يوفقه ويستر عليه

[أطلال نجد]

السلام عليكم ورحمة الله،،،
أخوي ملك الرمل
حاول تدخل السيارة على الحمراني وتسوي له فحص على حسابك الخاص والشكوى لله
وإذا تقدر تشيل السيارة بـ 1000 ريال إلى وكالتها خارج المملكة أفضل
منها تسلم السيارة لأهلها يدبرونها ومنها تمشية لك ولعيالك في هالأجازة.
موفق للخير ،،،

[ملك الرمل]

السلام عليكـم ..

أنـا آسف يا شبـاب لعدم ردي على الردود الأخيره .. عندي مشكله في دخول هذا الموقع

منذ أكثر من شهر ( يطلع لي صفحة لونها أحمر تقول هذا الموقع غير آمن ) وأنا ليس

لدي الوقت لأتابع الموقع من جهـاز آخر ( أحب أدخل من جهازي فقط) .. المـووهــــم

السيارة زي ماقال أحد الأخوان الله يجزاه خير أني رحت بها ميزان اليرموك وشد لــــي

صواميل تحت السيارة وراحت الرجه بنسبة 80 % .. ومن الفرحه طرت لشغلــــــي

وأهلـي ،، وبعدها بفتره سافرت بها قريب من الرياض ومسكت خط ولقيت أن الرجـــه

بدأت ترجع بشكل تدريجي ،، وبعدها بفتره رجعت حليمه لعادتها القديمه ،، والعامـــل

شد لي بعض الأجزاء تحت السيارة ما قصر وبالفعل راحت الرجه على السرعـــــات

الواطيه ( 20 - 40 - 60 ) لأنو زمان كانت الرجه واضحه على هذهِ السرعات

وبالفعل راحت .. لكن السرعات العالية فيها رجه بالديركسون والقير والسيارة بشكل

عام تزيد من الوقت حبه حبه .. المهم أني رحت للحمراني وتفاهمت معاه وكشـــف

على السيارة وقالو لي عندك مشكلة في ( عامود الكردان) وراح نغيره على الضمان

فرحت وبالفعل غيروه لي .. وطلعت وجربت السيارة معهم وخفت الرجـه بنسبـــة

80 % وقالو لـي سيارتك الحين ضبطت مافي داعي تراسل الشركة ولو طلـــــع

لك مشكلة الرجه مره ثانيه تعال لنا على صيانة الـ10 آلاف .. قلت أوكي وسويت

صيانه 500 آلاف عندهم وطلعت بالموتر والرجه هانت عن أول بكثير وقـلـــت

يالله عساها خيره وتنتهي كل الرجه .. وبعدها بفتره طلعت لي مشكله على سرعة

80 كم وهــي أني لما ادعس الأبنص السيارة ترج هي والقير والديركسون مــــع

بعض وإذا تعديت الـ90 السيـارة تضبط ألين 110 وبعدها ترجع لي الرجه مره

ثانيه .. وأتصلت على المهندس حق الحمراني وقالي طيب تعال على الصيانــــه

الجايه وأنا بنفسي راح استلم سيارتك واخصص لها يوم كامل كشف دقيق ، وقلت

له أوكي .. والآن الموتر ماشي اكثر من 8 آلاف كيلو .. وأنا معاهم اليـن اشوف

وش سبب هالرجه .. وبصراحه الحمراني ما قصر استقبل موتري وفتح له كرت

ضمان وغيرو لي عمود الكردان ( عمود واحد فقط) على الضمان قميته غالي

وعلى الضمان .. وراح افيدكم بالمستجد عن الرجه بعد صيانة الـ10 بإذن الله


ملاحظة : لما بدأت أستخدم الوضع الرياضي العادي ( التوب ترونيك) آلاحظ
عند التغيير من نمره إلى نمره أعلى رجفه في القير وهزه بسيطة في القير مع صوت

يوحي لي أن التغيير ما يتم بشكل سلس وطبيعي .. وأنا جربت باترول نفس موديل

سيارتي وكانت التغييرات بدون رجفه ولا هزه .. وهذا الأمر خلاني اشكل أكثــــر

أن سيـارتي فيها مشاكل وليست مشكله وحده .. والمشكله اني مدلعها امشي بهـــا

مشي مريح وبدون مطامر وشد على المكينه .. ربكم يعين وآسف على الإطالـــه

حبيت افضفض لكم بس هههههههههههههههه .. محبتي وتقديري لكم .