الكشتات الصيفية إلى أين؟

[سواق الشاص]

بسم الله الرحمن الرحيم
السلام عليكم ورحمة الله وبركاته


الكشتات الصيفة لها سلبيات وإيجابيات والواحد يضيق صدره من الجلسة بالديرة خمسة اشهر او اشكل

هل انتم من الموؤيدين للكشاتات البرية للأماكن البعيدة مثل الصمان ولمدة خميس وجمعة مثلاً ؟

ماهي السلبيات التي تواجهها مثل الجو الحار والعج والغبار والزواحف والحشرات المؤذية

دعونا نتجاذب أطراف الحديث حول هذا الموضوع

والله يوفق الجميع لحبه ورضاه.

[أبو فراس]

السلام عليكم ورحمة الله وبركاته

فعلا اخوي سايق شاص

لابد ان هناك افكار خاصة برحلات الصيف وخاصة لمن لا يستطيع اخذ اجازة هالسنة

المعروف ان الكشتات الايام هذي هي لصيد الضبان وهي ليوم واحد فقط ومعروف اماكن تواجد الضبان

ولكن في ايام الاجازة الصيفية فتعتمد على رغبة الشخص فهناك من يفضل المنطقة الجنوبية لبرودة اجوائها او الطائف وهناك من يضل القيام برحلات علمية الى مناطق لم يسبق له زيارتها وهذه تستغرق ايام ومجهود شاق لكثر التنقل من منطقة الى اخرى

وهناك كشتات خفيفة وهي لعصرية الى تالي الليل فقط

[مسافر1]

السلام عليكم .......
الصيف في اعتقادي لايقل جمالاً عن الشتاء إن لم يكن أحسن ..
هل الكشته هي فقط لمشاهدة الربيع ؟
التنزه يكون لشي أكثر من ذلك فلا ضير بالسفر والتنزه والذهاب في وقت الصيف ..
نعم ربما يقول البعض حرارة الشمس .. هنالك أماكن تقل فيها الحرارة ,,
وأماكن تكثر فيها الأشجار .. وأماكن وخاصة وقت الطيور يكثر فيه الصيد ..
والكثير الكثير ونتركه لبقية الأخوة ..

[ابوالجازي]

السلام عليك
حياك الله يا سايق الشاص راعى البر والكشتات مايرده لاصيف ولاشمس طالع طالع الله لايعوق من شر
اما انا والعياذ بالله من كلمة انا اكشت لم دحلٍ بالصمان تقل فيه سبلتات من البرد اللي فيه انزل فيه العزبه انا وبعض الربع شرواك والسامعين من الساعه 10 الضحا حتى الساعه 5.5 العصر لانه مايبدا يبرد الا من الساعه 10 وورا
تقريبا ثم مع المغرب ادور دشة يحبه قلبك او صيهد ثم تعال شف القراقيف نسناس هوا بويرد يدوخ ونمرح واذا صلينا الفجر وتقهوينا وافطرنا وشوي تصفيره الى 8 الصبح ثم نحرك للدحل مره ثانيه

[جرير]

اهلا بيك والطرح الجيد
كما قال اخونا العزيز مسافر 1 متعة الرحلات في الصيف لا تقل عن رحلات الربيع والشتاء
اما الصمان تراها ما تصلح بالصيف والاولين يعرفون ذلك
ولكن لكل شخص مزاج فانا واعوذ بالله من كلمة انا احب رحلات الصيف وخاصه البريه يعني صحراويه يمكن البعض يستغرب ان يذهب شخص وياخذ ايام في النفود مثلا ولكن المتعه موجوده والمجرب يعرف ذلك.
وترا اذا طلعت من المكيفات ترا الوضع يختلف ويتاقلم بسرعه مع الجو والحراره .
وهالايام ترا الجو مازال ينفع يعني ممكن تقيل في ها الطلاح وبالليل دحدر لطعوس

[سفير الجزيرة]

في الصيف عدة أشياء تخلي صيفك متعة منها :
صيد الضبان - ويضيع النهار ما تدري إلا والشمس غايبة .
صيد الطيور - موسم هجرة الطيور في الصيف .
الطلعات الليلية - سواءً في النفود أو في الشعبان التي تقل فيها الأشجار ، وأنا دايم أطع في النفود من المغرب لين الساعة وحدة من الليل ثم أرجع وعلى هالحال كل اسبوع مرة أو مرتين .

لتتجنب الرياح والغبار حاول تروح للشعبان اللي فيها بطحاء وتقرب للظلعان
لتجنب النوامس والدواب حاول تجلس في مكان نظيف وبعيد عن الجحور والأشجار وإذا كنت في الصمان لا تمرح إلى في (صلوقعة ) أي فيضة لا ينبت فيها العشب .

الكلام يطول في ذلك وأرجو أن أكون قد أفدتكم

[سواق الشاص]

هلا بخوي أبو فراس
شرفت الموضوع بس ترا اسمي سواق وليس سايق

هلا بخوي مسافر1
وعليكم السلام ورحمة الله وبركاته وحياك الله ياراع الزلفي

ابو الجازي: عليكم السلام ، برضه ترا اسمي سواق وفيه فرق بين سايق وسواق :D ، والله لايعثر دروبك شكلك عاشق للبر والله يكثر امثالك.

جرير : هلا بك ومسهلا ، مداخلة طيبة ومهمة ، ذكرت ان الصمان ماتصلح بالصيف ، لماذا ؟

سفير الجزيرة: مداخلتك مهمة جداً وفيها نصايح مجرب .

=====================
وهذا ملخص ردودكم:


أبو فراس : لصيد الضبان، رحلات للجنوب ، رحلات علمية ، كشتات خفيفة.

مسافر1: رحلات الصيف لاتقل جمال عن رحلات الشتاء، وجوب البحث عن أماكن تقلل درجات الحرارة مثل الأشجار.

ابو الجازي: راعي البر مايرده الصيف ولا الشمس ، ويفضل الجلوس في النهار داخل دحل بارد وفي الليل يظهر في قاع أو الرمال.

جرير : الصمان ماتصلح بالصيف، هناك متعة في البر أيام الصيف يجهلها الكثير ، الخروج من المكيفات مكسب للشخص وسيتأقلم بسرعة مع الجو الجديد ، في النهار ابحث عن الطلاح وفي الليل اظهر على رؤس الأطعاس.

سفير الجزيرة: صيد الضبان ، هجرة الطيور ، الطلعات الليلة وفيها نصائح مهمة

[أبو فراس]

السلام عليكم ورحمة الله وبركاته

اخوي سواق الشاص

عذري عن الاسم

يعطيك العافية على تنسيق ردودنا لتكون في متناول كل من يطلع على المضوع

ولكن لم تعطينا رأيك لحد الان

وبعدين وش الفرق بين سايق الشاص وسواق الشاص ؟

[كبريت]

الجنوووووووووووووووووووووووووووووووووب وبس

[ابوالجازي]

السلام عليكم ياسواق الشاص
واسف كان حصل مني خطا
والفرق يابوفراس الظاهر ان سواق الشاص يعني فنان سواقة الشاص (طاره)
وسايق الشاص تطلق على اي واحد يسوق شاص حتى السواق اللي عند البل والسائق المنزلي
ارجو ان اكون اصبت يا سواق الشاص
والسلام عليكم

[أبو فراس]

السلام عليكم ورحمة الله وبركاته

اخوي ابو محمد

انت تقول الجنوب وبس

سوف نرد عليك ان شاء الله في نهاية الصيف بعد ان نقوم برحلة الى الشمال ونقارن بينه وبين الجنوب

فالى لقاء ان شاء الله

[شـهـاب]

اهلا وسهلا فيك اخوي سواق الشاص

اولاً : الطلعه اتوقع في الشتاء له طعم آخر

لكن لا يمنع من الخروج الى التنزه والوناسه في الصيف ولا يضر الحر

الان في الحر من بداية الحر

كل اربعاء الساعه 5 عصراً نخرج مع برودة الجوا

ونتقهو اخر العصر مع الغروب وكم دقيقه وجاي المغرب ونجلس الى الساعه 2 او الى الفجر

والجو من ابدع ما يكون ومن اونس ما يكون ولله الحمد والمنه


---

اما بالنسبه للأمراح في البر في الصيف كذلك ما يمنع لكن اهم شي قريب من طلح حتى تجلس بضله

اما النفود فلا احبذه بالنهار في الصيف لانه شديد الحر وماتلقى ضل

النفود من الساعه 5 ورا الى الساعه 2 ليل او بعد الفجر بقليل وخلاص

------

اما البر فالصيف فكما قال بعض الاخوان تلقى فيه الصيد وتلقى فيه الضبان وهذا قد يذهب عنك بعض

الجلسه المليله في الشمس

---

اما بالنسبه لكثرت الحشرات في الصيف والدواب

فهذي امره بسيط ان شاء الله

ااهم شي فضلات طعامكم ابعدوه عنكم

ولا تجعلوا اغراضكم على الارض المأكوله ضعه داخل السياره او الثلاجه حتى لاتشم ريحته الدواب

وغير كذا
بعض الاخوان يقول حط بانزين ( اسكب ) بانزين بعيد عنك شوي لان الدواب الحيايا وغيره تنفر من رائحت البانزين كما قال لي احد الاخوان

-----

هذا مالدي

وجزاك الله خير على هذا الطرح

اخوكم شهاب
28/4/1427هـ

[جمران]

السلام عليكم .......
الصيف في اعتقادي لايقل جمالاً عن الشتاء إن لم يكن أحسن ..
هل الكشته هي فقط لمشاهدة الربيع ؟
التنزه يكون لشي أكثر من ذلك فلا ضير بالسفر والتنزه والذهاب في وقت الصيف ..
نعم ربما يقول البعض حرارة الشمس .. هنالك أماكن تقل فيها الحرارة ,,
وأماكن تكثر فيها الأشجار .. وأماكن وخاصة وقت الطيور يكثر فيه الصيد ..
والكثير الكثير ونتركه لبقية الأخوة ..
نعم الصيف يكون أكثر ترويحاً فليست الكشتة للربيع بل
الضرب في الأرض ومشاهدة مخلوقات الله فيه من جبال ووديان
وأشجار وآثار من أكبر النعم وأظن ان الوقت أوسع في الصيف
للسير لمسافات بعيدة ومشاهدة مناطق جديدة ..
بارك الله الجميع

[كبريت]

السلام عليكم ورحمة الله وبركاته

اخوي ابو محمد

انت تقول الجنوب وبس

سوف نرد عليك ان شاء الله في نهاية الصيف بعد ان نقوم برحلة الى الشمال ونقارن بينه وبين الجنوب

فالى لقاء ان شاء الله


في انتظار ردك :p

وعلى العموم انا بروح الجنوب وبكتب لك تفرير مصور عنها بعدين انت قارن والسلام عليكم

[سواق الشاص]

هلا بخوي ابو فراس

الفرق بين سايق وسواق كبير جدا

سايق يعني ماسك الطارة ويدربي راسه ومايدري وش يسوي لو تواجهه ازمة سريعة أو يسقط الشاص في رباضة
اما سواق فهو الذي يريحك وانت راكب معه وما يحتاج انك تعطيه نصايح اذا واجهتكم مشكله في الطريق أو واجهتكم منطقة صعبة .

أبو محمد حياك الله اخوي

انا اقصد الكشتات القريبة وليست الى جنوب المملكة ، وانتظر منك جوابا أخر.

أبو الجازي حياك الله مرة أخرى ، وأصبت كبد الحقيقة يالذيب.

شـهــاب حياك الله اخوي ويعطيك الف عافية على هالرد

جمران : كلامك مهم جدا فالصيف أوسع للرحلات البعيدة ، لكن اللي اقصده انا هو الكشتات القصيرة لمدة يومين ، وعلى العموم انت والاخوان ماقصرتوا وعطيتوا الموضوع حقه من النقاش

[خليف العيد]

بسم الله الرحمن الرحيم
مما أراه منا سب لبعض الأخوة الكرام أن الكشتات في الصيف افضل لطول النهار
خاصة لمن اراد البحث والتنقيب عن ماهو غريب وعجيب
ملاحظه
لاتنسو اغراض الرحله حفظكم الله ورعاكم
اخوكم .. ( باحث أثار )