ذبحني اليوكن كل ثلاث ايام اربع ايام يطفي .. الحل يا النشاما بسررعه وراي سفر

[شقردي ثاني]

السلام عليكم
عندي يوكون 2000 ذبحني بكثر طفياته
اربع مرات خلال شهرين او ثلاث اشهر اغير طرمبة بنزين حقت التايوتا وقبل الاخيرة غيرت طرمبة اصليه 700 ريال
قبل ثلاث ايام كنت امشي بسرعه 90 والعايله معي وطفت المكينه واستمريت على دعستي البنزين اقول يالله عساه يشتغل ولا اتوهق بهالي معي. والحمد لله اشتغلت وكملت السياره مشوارها ولا حسوا الي معي
اليوم توني داخل البيت الساعة وحده ونص كفا اليوكن علي مدري وش علته احاول اشغله ماشتغل شبكت اشتراك وكرفت السلف بالتشغيل ما طاعت
ضغطت بلف قياس ضغط البنزين وطلع منه البنزين يعني الظاهر الطرمبه ما فيها شي
حتى لو فرضا الطرمبة خربانه وش اسباب خرابها وانا مالي سبوع مركبها
الله يحفظكم نبيكم يا النشاما تطرحون وجهات نظركم لعل تفكني من هالبلشه
وتصبحون على خير

[أصيل حجآ زي]

أبشر بسعدك :
أقراء درسي هذا تحت عن حسآسآت تمنع التشغيل أو تتسبب في أنطفاء المُحرك .
مثل حسآس الصرقعة أو حسآس المرفق أو حسآس اللهآث ووووووووووو :


حسآسـآت تمنع تشغيل المـُحرك وكيف تغييرها بالأشرطة وموآقعها بالصور /// والرموز !!!!!!! (http://www.mekshat.com/vb/showthread.php?t=433621)


http://www.google.com.sa/search?tbm=isch&hl=en&source=hp&biw=1366&bih=566&q=Knock+sensor&gbv=2&oq=Knock+sensor&aq=f&aqi=g10&aql=&gs_l=img.3..0l10.1669.1669.0.3120.1.1.0.0.0.0.156. 156.0j1.1.0...0.0.wzgi7vz27Bc

[شقردي ثاني]

بيض الله وجهك اصيل الحجازي من جد انت اصيل
بطلع عليه لعل الله ينفع به

[أصيل حجآ زي]

بيض الله وجهك اصيل الحجازي من جد انت اصيل
بطلع عليه لعل الله ينفع به



ووجك أبيض بأذن الله تعآلى .

حـــــآضرين يــآعم .

ولا تستعجل بدون روية وآضحة .
خُذها خطوة خطوة .
وأبدء بالأسهل الأسهل والأرخص الأرخص .
وأن شاء الله تجد لها حل بأسرع ما يــُمكن .
موفق وتلقى خير .
تصبح على خير بأذن الله .


:good2:

[شقردي ثاني]

اخذت بعض المعلومات وهذا كله بفضل الله ثم جهودك المباركه الله يسعدك دنيا وآخره
بما ان اليوكون موديله 2000 وحسب ما شفت من تاثير الحساسات واهميتها من بكره باذن الله بشتري جميع الحساسات الي لها دخل بالمكينه واركبها حتى لو باقي فيها عمر لكن 10 سنوات ما قصرت وينخاف منها
وتصبح على خير