صورة وتعليقاتكم مهمه

[مخلد المحنا]

السلام عليكم ورحمة الله وبركاته

خلال رحلة تشخيط قمت بها البارحة ابحث عن الهوامير

صار شي خلاني اوقف القارب واضحك مده

الكل يعرف ابو نقطة نسميها مچوّه في الكويت

وهو من السمك الفضولي واللي ما يطوف اي نوع من انواع الطعوم حتى الصناعي منها

مهما كبر حجم هالمجرور واليكم الصورة ونترك لكم التعليق


تحياتي
مخلد المطيري


http://i1092.photobucket.com/albums/i402/Mukled/03d63d6f.jpg

[A B D U L L A H]

ههههـ هالنشبه في كل مكان

حتى الجراير اللي كبره ضآرب عليها !!

عجبتني الجريره ماشاء الله يعطيك خيرها ويكفيك شرها

آشكرك جزيل الشكر على هذه الصوره الجميلهـ

تحياتي وتقديري لك ... ,,

[GMC8]

هههههههههههههههههههههههههههه

واالله ياخي طفش تستخسر وقفه البوت عشان سمكه صغيره كذا

والله انها تطلع معي من الشاطئ وارجعها لأنها عاده تكون بأحجام صغيره ....

[aglanco]

ملقوفة
وين ماتروح تحصلها

[الصيد صبر]

ابو نقطه هذي مشكوك في امرها

اول مره اشوف ابو نقطه النقطه حقته عند ذيله الي منتشر ومعروف عندنا في السعووديه
ان النقطه في الوسط

مشاء الله التصوير في قمه الروعه وااضح مشاء الله
والجريره خطيره

يعطيك العافيه

[ماسيوم]

السلام عليكم ورحمه الله..
شكل السمك جاه لحسه الانترنت والبلاك بيري زمن السرعه عاوز يخلص ههههههههههههه تقبل تحياااااااااااتي...

[خادم الإسلام]

هههههههههه ايه والله البلشة أنا احسبه عندنا بس مبلشنا اثره حتى عندكم يالله الله يكثر السمك .

[ابوتركي1]

ماشاء الله تبارك الله
الله يعطيك العافيه وبالعافيه
يستاهل ماجاه
العواااااااااااافي

[ابوعابد 1]

هذا السمك نشبه وين ماتروح بعض الاحيان ابطل الصيد منا ماشاءالله وصل للكويت

[Boury]

ابو نقطه هذي مشكوك في امرها

اول مره اشوف ابو نقطه النقطه حقته عند ذيله الي منتشر ومعروف عندنا في السعووديه
ان النقطه في الوسط

مشاء الله التصوير في قمه الروعه وااضح مشاء الله
والجريره خطيره

يعطيك العافيه



أتفق معك هذه من أسماك البحر المتوسط
اسمها في الاسكندرية "شرغوش"
أول مرة اعرف انها موجودة في الخليج!

بالنسبة للصورة فالتعليق هو:
أنا جدععععععععععع :D

[صياد متهور]

ابو نقطه هذي مشكوك في امرها

اول مره اشوف ابو نقطه النقطه حقته عند ذيله الي منتشر ومعروف عندنا في السعووديه
ان النقطه في الوسط

مشاء الله التصوير في قمه الروعه وااضح مشاء الله
والجريره خطيره

يعطيك العافيه



السلام عليكم
ياخوي انته اكيد تقصد الغربية لان بالشرقية دا مليان ونسميه ابو نقطة او مجوة واللي عندكم يشبه النيسر
بالتوفيق
والصورة حلوة يعطيك العافية

[accentkool]

اما ابو نقطة يطلع مجرور اما هالمجوة وراك وراك في كل بحر ويطلع مع كل حركة صيد
في السنوركل تشوفة بالسنارة بس قوووووووية يضرب على مجرور صناعي وسمكة كبرة
ذة مجوة بطل ولا يهمة شي وقلبة قلب دويلمي هههههههههه

[النامون]

يالغالي ما سمعت عن الغيره السمكه هذي تشوف الاسماك الكبيره تمشي 200 علي الطعم الصناعي قالت لخويانها حرام بالله لا اجرب اجل السمك الكبير احسن مني فايش وهذي نهايتها بين يدينك ههههههههههه الله يهنيها

[1بوخالد]

السلام عليكم
بالفعل المجوه ملقوفه وشفتها تضرب على انواع الطعوم وتنهش فيها.
بس اخوي لفت نظري انواع اللفاحات اللي تلفح فيها فأتمنى انك تصورهم لنا وتعطينا نبذه عنهم وشلون مدى فاعلية الصيد واللفاح فيهم ومن وين ممكن نشتريهم.

[وجه النهار]

الله يعطيك العافية على هـ الصورة
بارك الله فيك

[taresh]

يعطيك العافية وبدون تعليق
لأن الصورة ما اطلعت معي

[بوناجم]

هههههههههه.... يا انه ملقوف ومطفش الجماعه
الي فقع مخي انه ضرب معاي على نص سلس مره من المرات

[k.fares]

ههههههههه بس ترى والله جريرتك يبغالها فشخ
بالعاافية وتراها اكبر ملقوفة وين ماتروح تحصلها وفي اخ كاتبلك تطلع معاه من الشاطئ؟؟
ههههههههههههههااااااااااي
قوله زين طيب لا ورجعتها بعد هههههههه
تقبل تحياتي

[@ بحار مجيرمة @]

هههههههههههه

الطاهر انها وراك وراك في طعم

[فواز الحبابي]

ههههههههههههههههههههههههههههههههههه
ياهارب من الموت يا ملاقيه

حسستني هامور على غفله ههه

[مشتاق للبحر]

منور الصفحات ياعيوني
ولكم احلى مثل ينطبق على (ابو نقطه)
((اللقافة قتلت صاحبها ))
ولكم خالص تحياتي وكل التقدير

[White_Shark]

المجوّه طعمها مشوي لذيذ :D .. بس غريبة تضرب على مجرور أو لفاح .. يمكن ماطلع اسمها في حافز وقررت تنتحر :D .

[مخلد المحنا]

مشكوووووووورين كلن باسمه وجزاكم الله خير على المشاركات والتعليقات الاكثر من رائعه


تحياتي لكم

[sarab2003]

السمكة هذي أنا مسميها ( محمد نور ) أبو نقطه هذا فيه قوة ولياقه ولا احسن لاعب اتحادي ..
تحسب فيك تسحيب تحسب أن مطلع عقام ولا بياض وتتفاجأ لما تطلع أبو نقطه ..

[معذب الحيتان]

: قلب: ابو نقطه رفيق دربي بكل رحله جلب يا حبي له لاحد يغلط عليه

[وليد الغربة]

الله يعينك عليها

ملقوفه كما قال بعض الاخوة

مشكور اخوك وليد الغربة

[محب الخبر]

أنا اسميه شعم ابو نقطة واحد من الربع اول بدايته في الحداق صاد تقريبا ثلاجة مجوى واتصل علي وقال تعال تفرج على الشعم تعال كحل عيونك ومن ذاك اليوم سميت المجوى شعم ابو نقطة
بس لفاح وتشخيط شعم بونقطة ما يترك اللقافة
خوش لفاحة