استفسار يا أهل الخبرة في الشوايات الكهربائية

[طليق اليمنى]

السلام عليكم ورحمة الله وبركاته


كما هو واضح من العنوان ابي افضل شواية كهربائية موجودة في السوق مع ذكر محل بيعها


والله يعطيييييكم العافية

[ابولولو]

عليكم السلام والرحمه
اخوى بعض الاعضاء يمدحون شوايات ابووليد وموقعه النسيم باالظبط ماادرى ابحث بقوقل يدلك
او يجى احد الاعضاء الكرام يوصف لك المحل


واكثر الشويات واحد الماطور صينى واهم شى فيه لايصير يطلع صوت
وفيه شويات الحسن

[ابوفهد سليمان]

انا مع راي ابولولو ... انا املك شواية ابووليد اكبر حجم .. عملية جداا

وشغل نظيف بصراحة... تقريبا كان السعر لاكبر حجم 950 ريال او 900 ناسي والله

وصف المحل .. وانت على خريص .. تدخل يمين الخدمة وتلف على شارع المعارض اللي بالنسيم

تعدي الاشاره الاولي والثانيه تديور وترجع بطريقك .. تلاقي المحل على يمينك .. اسمة ابوالوليد

[ابوفهد سليمان]

هذا الرابط فيه كل شئ

http://mekshat.com/vb/showthread.php?t=413410

[طليق اليمنى]

ابولولو
ابوفهد السليمان


جزاااااااااكم الله خير الجزاء على الافادة

[اوكلاهوما]

بعد بحث طويل بين الشوايات اشتريت شواية الحسن من محل الرحلات الي موقعه بحي المروج قبل الطازج وانت متجه غرب . فيه مقاسين صغير ل3 دجاجات وكبير ل6 دجاجات حجم 800 غرام
ممتازه وفيها عيب بسيط وحله سهل وهو اذا حطيت الدجاج بالشبك مايتقفل وحله طول الله عمرك تحط 2 كلبسات (مساكات الورق) لونها اسود موجوده بالمكتبات .مشتريها من شهرين وشويت فيها 4 مرات فيمة الصغيره 170 والكبيره 280 ريال

[عاشق السيل]

وعليكم السلام ورحمة الله وبركاته ،،

بقول وجهة نظري الخاصة : بالنسبة للشوايات الكهربائية مالقيت فيها فايدة إلا إنك تخليها تشوي لحالها وتبعد نفسك عن الدخان وريحة الشوي !!!

لكن للأسف عيوبها :

1 ـ سعرها غالي
2 ـ مدة الشوي طويلة جدا
3 ـ متعبة بالتركيب والوزن
4 ـ الدجاج بعد الشوي ملياااااان زيت لأن الدوران مايخليه ينزل
5 ـ كمية اللحم أو الدجاج لا تكفي لأعداد كبيرة
6 ـ تمديد كهرب وتوصيلات من السيارة

لذلك أشوف المنقل العادي أفضل بكثييييييير !!!

هذي وجهة نظري الخاصة بعد التجربة لأكثر من مرة ،، والله يوفق الجميع