مشكلة في قير يوكون ومتضايق منها كثير

[المنيع]

السلام عليكم
السيارة يوكون 2008 صغير .
أنا عندي مشكلة من تقريبا سنتين ونصف وهي :


اذا وضعت السيارة على ( D ) ودعست أحس عزم السيارة ضعيف جدا واذا غيّر للسرعة اللي بعدها ( ألاحظ ان السيارة عند التغيير معي زي - النتعه - ترجف بشكل ملحوظ ) وغيرها من التغييرات الامر طبيعي .


طبعا رحت للوكالة قبل سنة ونصف وعملت صيانة وهي من ضمنها اسبوعين ورجعت - الله لا يحللهم النصابين -رحت لورش احاول اشخّص الحالة البعض يقول الحساسات في القير والبعض يقول عندك فلاتر ... وكل واحد يعطيك من راسه صوت ...



سؤالي لأخواني الكرام : أبي ورشة ممتازة في قير اليوكون وموثوقة وشغلهم مضمون


المكان الرياض ..

ولا عليكم أمر وآسف على الاطالة .

[patrol vtc]

فيه ورشة اسمهآ المشعل , مجربين معهم سيارتين , يوكن , وسوبربان , وخاصةً في القير ,
وشغلهم طيب ,
وصفها مخرج ٩ اتجه غرب ثاني او ثالث مخرج ديور معه (مخرج طريق الملكـ عبدالعزيز الظاهر ) , تجيك محطة الدريس على ايدكـ اليمين , الورشة داخل المحطة , العمالة فلبينية شغلهم جيد ,

أتمنى لكـ التوفيق دنياً وآخرهــ وحل المشكلة بأبسط الحلول ,

[أبو هشام راشد]

يا ليتك كتبت الأراء اللي قد قيلت لك ( زيت القير تالف ، خلل في الفرامل ، خلل في الدبل إن وجد ) مع وصف لحال الصيانة
مثلا متى كانت أخر مرة غيرت فيها زيت القير لأنه إحتمال كبير يكون الزيت تالف

[ددسن مسدرك]

يالغالي اذا انت بالرياض فيه شركة اسمها جيركو بالصناعية القديمة شركة جيركو هذي هي المتصدره في صيانة الصيارات الأمريكية و خصوصاً مشاكل القير أنا خرب علي قير الجمس ووديته لهم أربع أيام وطلع الجمس و يعطونك ضمان ٦ شهور وانا وديت الجمس عندهم من سنه ونصف تقريبا والى الآن ما شاء الله مع السواق ما فيه الا العافية

[ملك الفكتوريا]

يالغالي بداية افحص كمبيوتر واذا ما طلع شئ اشتر زيت وفلتر ووجه من الوكالة وروح عند واحد فاهم


واتفق انت وياه يفحص القير من طرمبه وكلتشات اذا كلش سليم


فيه سبرنق اذا هو مثل الفورد وبنسبة كبيره بيكون فيه اذا تعبان او مكسور يغير واذا السبرنق سليم

يتنظف الفلف بدي او مخ القير او خارطة القير


هذي معلوماتي يالغالي

[ملك الفكتوريا]

يالغالي بداية افحص كمبيوتر واذا ما طلع شئ اشتر زيت وفلتر ووجه من الوكالة وروح عند واحد فاهم


واتفق انت وياه يفحص القير من طرمبه وكلتشات اذا كلش سليم


فيه سبرنق اذا هو مثل الفورد وبنسبة كبيره بيكون فيه اذا تعبان او مكسور يغير واذا السبرنق سليم

يتنظف الفلف بدي او مخ القير او خارطة القير


هذي معلوماتي يالغالي

[ملك الفكتوريا]

طبعا الفلف بدي والمخ والخارطة شئ واحد بس عطيتك اساميه كلها

[يوسف الخليفة1]

وعليكم السلام ورحمة الله وبركاته


حياك الله أخي العزيز المنيع كان الله في عونك


هناك مديل كسيارتك وفيه نفس المشكلة وأصلحه جمعة التركي في مدينة الرس


وذهبت المشكلة تماما

[المنيع]

الله يجزي الجميع ألف خير على ردودهم

اخي الغالي ... زيت القير ممتاز جدا وانا اتابعه كل تغييرة زيت

اخوي الكريم : يوسف الخليفة1 (http://www.mekshat.com/vb/member.php?u=67513) عندك رقم جمعة التركي اذا ما عليك كلافه

شكرا لكم

[GABER65]

ماقصروا الاخوان
لكن أنا عندي نفس مشكلك
ورحت للوكالة أكثر من مره
وقالوا الوضع طبييييييييعي
وفيه طقة في القير إذا تركت الدعسة ودعست يطق
لكن ماأتوقع في موترك لأنه 4 تعشيقات
ماجت المشكلة إلا في ال10 وفوق

وااااااااااااااااااااااااااااااسف على الإطالة
وان شاء الله أفدتك
مع تحياتي تاهو 2011

[يوسف الخليفة1]

الله يجزي الجميع ألف خير على ردودهم

اخي الغالي ... زيت القير ممتاز جدا وانا اتابعه كل تغييرة زيت

اخوي الكريم : يوسف الخليفة1 (http://www.mekshat.com/vb/member.php?u=67513) عندك رقم جمعة التركي اذا ما عليك كلافه

شكرا لكم

تفضل أخي العزيز

0564789988

كان الله في عونك

[سوبربان2011]

والله يا اخ (تاهو1) انا مثلك عندي سوبربان 2011 واعاني من طقة القير ورحت للوكالة ويقولون طبيعي لأن القير 6 نمر. هل هذا معقول في سيارة جديدة؟؟.. وصراحة احس ان هذا عيب مصنعي .. قسم بالله جابي الهم والوسواس وتندمت اني شريت السيارة

[ابو حمد 2010]

الطقة في القير اتوقع عادي في اغلب السيارات التماتيك سواء ياباني او امريكي

[المنيع]

جزاك الله خير

الله لا يوريك مكروه ولا من تحب ولا من يقرأ