عندي مشكله بالباترول 2006...

[فهد ابونشمي]

السلام عليكم


يا جماعة عندي مشكله بالباترول 2006 سلقه يعني ماكينه 4500 ..اللي هي : اذا صار فيه اقل من نص التانكي بنزين يبدا يرمي وانا امشي وعشقت من الثالث للرابع او الثاني للثالث ؟؟!! طبعا صوت رمي كانه مكتوم الموتر يعني عطسه على قولتهم :D ..



وسؤال بستفسر عن المراوح تركب للنفس الموتر او لا ؟ لاني سمعت يقولون يحتمي اذا ركبت مراوح الردايتر صغير ..


واسف على الاطاله :)

[ددسن مسدرك]

يفيدونك الإخوان ان شاء الله بس أنت شيك على منظم البنزين اللي يجي في البخاخ وسط الثلاجة احتمال انه يقطع البنين ويدفعه مره ثانيه وهذي من اسباب اللي تخلي الموتر يرمي

وانتظر الشباب يفيدونك بآراءهم

[sgl2002]

والله ياخوك اما ان الرديتر صغير فانا معك

لان انا معي مثل موترك وكان معي قديم والقديم رديتره كبير

لكن المراوح ترى شغلتها انها تسحب الهواء البارد من الرديتر الى المكينة يعني مالها دخل في الرديتر صغير او كبير

وانا اشوف ناس مركبينها لكن نصيحة ترى بتدخل في مشاكل كثيرة مثل خراب الدينمو او انقطاع عملها فجاة وتقب الحرارة

[رااعي الفزعات]

هل الرمي اذا كنت شاد عليه ولا لا ؟؟
اذا كنت شاد على الموتر وعشقته بسرعه من الثاني للثالث او من الثالث للرابع وصار يرمي هذا عندك العادم او مايسمى بالشخال اللي بالكنداسه مفكوك ولا منه ضرر بس لااحتمى الموتر يرمي ..
ان شاء الله افدتك والأخوان مايقصرون ..
تقبل مروري . .

[alsh0br1me]

رمعة عليمي شيك على البواجي و أسلاك البواجي