الله لا يهينكم استفسار

[ابوماجد6641]

السلام عليكم ورحمة الله وبركاته بغيت اسال عن الجير الحر ولا عليكم امر وشهو من لحيه .......... والأغلبيه منها هل هي طيبه او لا

[majeed 11]

عليك بالجير الشاهين انا اشوف انه جامع السرعه والفعل والشجاعه

[ذراع الذيب]

السلام عليكم ورحمة الله وبركاته,,
مسيت بالخير يابوماجد..


ان شالله تفيد وتستفيد في هذا المنتدى الطيب الجير الحر هو هجين من نوعين..
الجير فصيله والحر فصيله تم تهجينهم مع بعض..
وبعضها نجحت في صيدها وفي فعلها وبعضها لم تنجح ونجاحها غالباً يرتكز على اصل وعلى جودة انتاج المزرعه وخبرتها الطويله في الانتاج..
ولاكن في الآونه الاخيره لم يرغب الكثير في انتاج هذي النوعيه من التهاجين ..
والتهاجين المرغوبه (جير شاهين..جير وكري والخ) الكلام يطول في شرح هذا الموضوع..
ولاكن تصفح المواضيع المميزه اللي تهتم بهذي الانواع وراح تعرفها لان امورها تحتاج الى قرائه دائمه واكل العنب حبه حبه:good2:,,
وان شالله نشوفك ملم بأمور الصقار كلها والله يوفقك يالنشمي,,
تحياتي لك,,

[ذراع الذيب]

عندك هذا الموضوع لابورداد راح تستفيد منه الكثير..
http://www.mekshat.com/vb/showthread.php?t=57533

[(هزاع)]

الله يحيي هالوجه الطيب
يقول المثل(يمدح السوق من ربح به)
بعضهن جيد والاغلبيه مامدح
لاكن بالجساره جير الوكري
والسبق والجساره جير الشياهين بس احرص على الارتفاع
ولاتشري الا بالثنتين شوف طيار وفحص مستشفى
ولو تفرق واجد

[قلب ذيب]

طيورالجير من انجح الطيور والمستقبل لهاخاصه بعد اقبال الامراء في السعوديه عليها .
وكما اوضحواالربع طيور الجير هي عباره عن تهجين الحر مع الجير , وابرزها واجزلها وافعلها
اربع انواع .
50حر +50 جير .
25 حر + 75 جير ( ثري كوارتر )
13 حر + 87جير وهوالمسمى 87 .
بيور ( الصافي ) وهو100% جير .
...... وقد اثبتت كل تلك الانواع جدارتها , وحلت محل الكثير من الحرار ولو أن البعض مايستسيغ ذلك الكلام
وقد كنت من الذين ينحازون للحرار لكن غيرت راي بعد ان تعاملت مع حرار الجير , ولابد ان يكون الجير من مزارع معروفه ومشروط ارتفاعه وخلوه من الامراض وتحليله للطريده , وتصل اقيام بعض الطيور الجير الى مئات الاف , ويتم حجزها مقدما من مزارع التفريخ خاصه المشهوره منها .
وطيور الجير صادت الظبي والحبرو وكذلك بعضها صاد القطا !!
اما انواع الشياهين طيور الجير لم يعد يعلو عليها طير في الصيد والجساره , وميزة طيور الجير انها لاتحوم ولو حامت ماابعدت . ( تابع مايكتب عنها ) .

[ابوماجد6641]

الله يبيض اوجيهكم جميع كلن بسمه ولا قصرتو

[اسيرالصمت]

السلام عليكم
والله يابو ماجد مدري عن اخويانا كلامهم صحيح مافيه شك وعين الصواب
ولاكن انا اشوف انه نادر من المزارع الناجحه الي توصلنا اطيورهم الشي الثاني
انا عن واقع تجرب اخذت معي جير الا اسبوع الاول هديت على ثنتين وحده طارت قدام الموتر وزرقته وطبحتله وخيشة وكبسها على طول جساره وقوه مهي طبيعيه وعقب يومين او ثلاث هديت على وحده بعد طير ولحقها وعلقها
بس عقب 15 يوم الخرب اتمشا قدامه والله تقول يتمشا قدامه بعير ولايلتفتله
المهم ان مهما شريت اي نوع من التهجين اي نوع نصيحه خل الحر معك ميخالف طيرين ههههه ترا فيه شي ترا مرات يشوف الصيده ويصنفله 3دقايق اربع وهي قدامه لاكن اذاالله خلاه يشتهيها يموت وهو يطرد هههه وتمنالك الخير

[راعي اطيور]

ياجماعه انا عندي استفسار
بسوق ند الشبا كم اسعار الطيور من المزرعه اللي تفرّخ فيها لي يد الصقار
واسمحولي اني تكلّمت بموضوع آخر
وياليت تفيدوني

[محمد ابن سعود]

ابو ماجد صبحك الله بالخير عساك انشالله طيب
بخصوص الحر جير مثل ماقالوا الاخوان على حسب المزرعه انا شريت واحد من فالكن نكلس ندفه بالصدام نبيه يرتفع بس بدون فايده والان معي حر جير ففتي ففتي من المواش وابشرك اطيب ماقنيته للحين طيورنا في المربط استوحشت وهو لا والله يرزقك بالطيب منها.

[بويعقوب سودان]

مشاء الله بيض الله وجيهكم شرح وافي من اساتذه اكفاء يسلمو

[عواد الشمري2]

مامن اقصور باخوان

[جلاد الحباري]

الجيره الطيبه عند الشيوخ والامراء والا اغلبية اللي يجينا بايج وقليل اللي ينجح خصوصا الجيره الكبار وهذي هي الحقيقة الشركات تخصص شي طيب ومسفوط من ناحية الخلطة والنسبة وضراوة الصيد ويحط في بيئة طبيعية ويهد له انواع الطيور الكبيرة