موضوع للنقاش لجميع الصقاقير...

[majeed 11]

بسم الله الرحمن الرحيم
السلام عليكم ورحمة الله وبركاته
اخواني جميع الصقاقير وخص الشيبان الي يعرفون انفسهم (:
موضوعي طرحته كم مره في المجالس وراح برفع الاصوات من غير نتيجه
والموضوع كالآتي
طير بيت ضاع من صقاره بوقت المقناص والطير فيه حجل وسبوق
المهم
الطير لاقرنس هواء وطرح بوقت الهجره من قبل الشباكين ولاحظو الطير عليه حجل ولا سبوق ولا كلهن
بالحاله هذى وش يصير مصير الطير!!!!!!!

ناس قالو
1- يتصلون على صاحب الطير ويبلغونه ان طيره طرحوه مهاجر وان الحراج عليه بالوقت الفلاني واذا تبي طيرك تعال وساوم عليه
2-وناس قالو الطير لاقرنس هوا ودار عليه الحول الي هو سنه عليه مال لصقاره الأول اي شي حتى لو فيه حجل
3-وناس قالو للي طرحوه لهم حق القضابه وهذى على كرم راعي الطير
,,,,,,,,,,,,,,,,,,,,,,,,,,,,,,,,,
وكل الاختلاف يدور ان الطير لا صار مشتريه صقاره وحش ولا مثانا
بمبلغ 50000الف ولا اكثر يعني قيمه كبيره مهما تكون
وش يحللها للي شبك الطير وهو ضايع منه
وان الطير فيه حجل او فيه سبوق
ليش مايصير لراعي الطير نفسه ليش يجبر على ان يدفع من جديد ولا ينسى ان له طير؟؟؟؟

.................................................. ......................
واحترنا بالسالفه مالقينا العلم الوكاد
وحبيت اطرح عليكم الموظوع
عسى نطلع بفايده ياخوان
ولكم خالص الشكر
آآآخـــــــووووكــم
غشششآم

[الشلاعي]

الله اعلم ما لراعيه فيه حق

[شاهين2]

وعليكم السلام ورحمة الله وبركاته
والله ياخوي وانا اتكلم عن نفسي ان لقيت طير وعليه حجل بتصل عي راعيه حتي لو صار له سنه وهذا حلال مسلم المفروض ارده له .
وتقدر تقيسها علي اي شي يضيع لمسلم مثلا ساعه او بوك او تليفون تاخذه لك والا ترده لراعيه؟

[طارق حسين]

السلام عليكم ورحمة الله وبركاته

حياك اخوي وموضوع مهم جدا.

انا من وجهة نظري ان تختلف من السبوق للحجل.

السبوق ينعرف منها ان الطير ضايع بس لمن الله اعلم والله يعينك دور

اما الحجل فطير معرف باسم ورقم راعيه مثله مثل الذلول الموسمه لفلان

او سياره باسم فلان فالواجب في نظري اعطاء الطير لصاحبه ولابد

على راعي الطير تقديم الشرهه للشباك ككرم منه على تعب هذا الرجل.

والله اعلم.

[اسلي نفسي]

عن نفسي باتصل ع صاحب الطير وباعطيه حلاله

[ذراع الذيب]

السلام عليكم ورحمة الله وبركاته,,
مسيت بالخير ياخوي,,


المعروف بجزيرة العرب والمعروف عند جميع طواريح المملكه والخليج..
ان الطير لاضاع من راعيه وهاجر وقرنس بالطبيعه ورجع عابر على المملكه بالهجره وطرح معاد لراعيه شيً فيه ,,
الا ان يساوم عليه ويشتريه ومن مصلحت طواريحه يبلغون راعيه وهذا النظام تم تثبيته بالساحل الغربي الجنوبي من قبل الامير عبدالله بن منصور بن جلوي حفظه الله..
والطير واذا طرح واكتشفو ان فيه حجل قيمته تروح دبل والطير اذا استاحش اصبح ملك نفسه ولاكن نراعي اوقات ضياعه,,
وتحياتي لك,,

[قرناس الكويت]

'

شي طبيعي بتصل على راعي الطير
حتى وان دار الحول على الطير يبقى الطير لراعيه
مهما كان الأمر ..!

اول مره اسمع بالسالفه هذي احرج على طير وفيه حجل
واقول لراعيه تعال ساوم عليه ؟


هذا حلال مسلم مهما ضاع فتره طويله
لابد يرجع له

[(بوسلطان)]

بكلم راعي الطير ولاأبغي منه شيء مابغي إلا الأجر من رب العالمين

[أبو فااارس]

السلام عليكم ورحمة الله وبركاته

حياك اخوي وموضوع مهم جدا.

انا من وجهة نظري ان تختلف من السبوق للحجل.

السبوق ينعرف منها ان الطير ضايع بس لمن الله اعلم والله يعينك دور

اما الحجل فطير معرف باسم ورقم راعيه مثله مثل الذلول الموسمه لفلان

او سياره باسم فلان فالواجب في نظري اعطاء الطير لصاحبه ولابد

على راعي الطير تقديم الشرهه للشباك ككرم منه على تعب هذا الرجل.

والله اعلم.

:good2::good2::good2::good2::good2::good2::good2:: good2::good2::good2::good2::good2::good2::good2::g ood2::good2::good2:

[عاذي]

انا من وجهة نظري يستفتى القضأ بموضوع الطير الذي يتم طرحة وبه حجل سواء قرنس هواء والا مازال في وقت الهدد .. اما المتعارف عليه قديما قبل وضع الحجل اذا تم طرح الطير وقت الهدد فهو لصاحب الطير اما اذا قرنس هواء فهو لمن طرحه .. والسلام خير ختام .

[(هزاع)]

السلام عليكم ورحمة الله وبركاته,,





مسيت بالخير ياخوي,,


المعروف بجزيرة العرب والمعروف عند جميع طواريح المملكه والخليج..
ان الطير لاضاع من راعيه وهاجر وقرنس بالطبيعه ورجع عابر على المملكه بالهجره وطرح معاد لراعيه شيً فيه ,,
الا ان يساوم عليه ويشتريه ومن مصلحت طواريحه يبلغون راعيه وهذا النظام تم تثبيته بالساحل الغربي الجنوبي من قبل الامير عبدالله بن منصور بن جلوي حفظه الله..
والطير واذا طرح واكتشفو ان فيه حجل قيمته تروح دبل والطير اذا استاحش اصبح ملك نفسه ولاكن نراعي اوقات ضياعه,,


وتحياتي لك,,



مع احترامي لكل الطواريح وماتفقو عليه
وحترامي لراي الامير عبدالله بن منصور بن جلوي حفظه الله..
الا انني ارى الحجل مثل (الاستماره للسياره) (والوسم للابل)
والله ماخفي النور
عليه حجل بالاسم ورقم الجوال
لويقرنس هوا سنين
ابتصل على راعي الطير وافرح قلبه ورزقي على الله
وبه قصة الرجل اللي لقى شاه غاديه وتكاثرت عنده وكل ما انتجت وسم انتاجها بوسم الشاه الغاديه يوم جا راعيها عطاه الشاه وجميع ما انتجته شيمة مسلم
((الوسم والحجل اثبات ملكيه))
هذا رائي الشخصي

[ابوماجد6641]

السلام عليكم ورحمة الله .اول شي احب اشكرك اخوي على طرحك الموضوع وهذا الموضوع اشوفه من اهم الموضيع الى انطرحت في المنتدى واقول انا من وجهة نضري نرجع للحكم الشرعي وانا اخوك لان هاذا الموضوع اعتقد والله اعلم ان حكمه موجود مثل اي ضاله.اما انهم يحطون من روسهم احكام اشوف انه جهل .ومن وجهة نضري ايضن اشوف ان الضاله ترجع لرعيا حتى لو بعد عشر سنوات اذ انعرف راعي الضاله والله اعلم لكن ارجع واقول وانا اخوك ارجع للحكم الشرعي وراح تعرف . واحب اذكر لك سالفه قبل العام كنت ادور شيهان في اول الوقت في رمضان الله يبلغناه وياك ومن يشوف ويقرا كنت وقتها في الاردن هاج من الحر والرطوبه ويوم رجعت قلت خلني اكمل قعدتي في طريف الحدود الشامليه عند الخوال فله وصيد القمري والى انت خابر دق علي رجال وقال يابوماجد فيه شيهان انطرحت اليوم عندك خذ رقم راعيها كانك تبيها والله كلمته ورحت له واناضر الا والله الوكري الطيب والله وشتريه واناضر طلع فيه حجل قالو دقينا على راعيه بس الرقم غلط والله واخذ الطير واحاول اعرف وش ذا الرقم واكلم رجال شرواكم واقوله كذا السالفه قالى نعم قطر زادو رقم وفعلن ضفت الرقم وادق على راعيه واكلمه واعلمه السالفه وقالى الطير ضاع من شهر 2 والطير لك الله يبيض وجهه والطير مازال موجود ومن اطيب الطيور ........ واسف طولت عليكم .........وارجع واقولك خذ العلم الشرعي وا نا اخوك احسن وياليت الصقاقير يرجعون في مثل هذى الامور للعلم الشرعي كان حنا والله ابخير ......... الله يوفقنا وياك وشكرا على طرحك

[جلاد الحباري]

اقول ياغشام وخذها من الاخر ولا يبغالها نقاش لو كل من ضاع له طير ويقضبه بالوقت اللي هو يبيه كان فيه كلام ثاني دام ان الطير ملك لشخص سواء قرنس هوى وعبر هو في النهايه ملك لشخص دافع فيه مبلغ وفيه حجله يعني حلال ناس بلا حراج بلا هم الحق انه يسلم لراعيه ويستاهل القضابه اللي طرحه ولا في الموضوع جدال وهذا حق شرعي والطير ضاع بقدرة قادر ولا فيها خيارات الطير يسلم لمالكه والله يعطيك العافيه ,,,,,

[صقار محترف]

النقطه رقم واحد هي الصح

دام الطير حال عليه الحول وقرنس هوا فما لصاحبه حق فيه وهذا المتعارف عليه
واذا بلغت صاحب الطير يجي يشتريه لانه صاحب الاولويه بالشراء
واذا ماله نظر تبيع الطير
اما اذا ضاع وتم طرحه في نفس السنه قبل يقرنس اكيد يرجع لصاحبه والطاروح ماله اي حق فيه

[جلاد الحباري]

ياجماعة الخير انا اعتبر من يطرح هالطير الضايع سواء دار الحول عليه او مادار مثل السرقة ولهب حلال مسلم عينك عينك تخيل طيرك على يد هالرجال ويسولف لخويه ويقول هذا طير فلان غدى منه العام والحين ماله حق فيه وانت بجنبه تطالع فيه معقوله هالكلام يالربع والله لو اطرح طير لو انه غادي من راعيه 5 مواسم وعليه حجل والله لادق عليه وابشره بالبشاره ولا اخذ عليه ريال واحد اهم حاجه ارجع حلال الرجال واكسب الاجر واكسب معرفة الرجال والسمعه الطيبه والعلم الغانم بكره بتموت وبيدعون لك الناس بالرحمه والمغفره وفعلك الطيب

[قلب ذيب]

مع احترامي لكل الطواريح وماتفقو عليه
وحترامي لراي الامير عبدالله بن منصور بن جلوي حفظه الله..
الا انني ارى الحجل مثل (الاستماره للسياره) (والوسم للابل)
والله ماخفي النور
عليه حجل بالاسم ورقم الجوال
لويقرنس هوا سنين
ابتصل على راعي الطير وافرح قلبه ورزقي على الله
وبه قصة الرجل اللي لقى شاه غاديه وتكاثرت عنده وكل ما انتجت وسم انتاجها بوسم الشاه الغاديه يوم جا راعيها عطاه الشاه وجميع ما انتجته شيمة مسلم
((الوسم والحجل اثبات ملكيه))
هذا رائي الشخصي
__________________
كلام صحيح
______
لوضاع عشر سنين يرجع لصاحبه .

[راعي عساف]

مع احترامي لكل الطواريح وماتفقو عليه

وحترامي لراي الامير عبدالله بن منصور بن جلوي حفظه الله..
الا انني ارى الحجل مثل (الاستماره للسياره) (والوسم للابل)
والله ماخفي النور
عليه حجل بالاسم ورقم الجوال
لويقرنس هوا سنين
ابتصل على راعي الطير وافرح قلبه ورزقي على الله
وبه قصة الرجل اللي لقى شاه غاديه وتكاثرت عنده وكل ما انتجت وسم انتاجها بوسم الشاه الغاديه يوم جا راعيها عطاه الشاه وجميع ما انتجته شيمة مسلم
((الوسم والحجل اثبات ملكيه))
هذا رائي الشخصي

رأيي من رأي الاخ هزاع الا اذا كان في الشرع مايعارض ذلك

[حوران العتيبي]

الامور ذي يبيلها تعقل وتدبر وشخص محايد بمعنى
لاهو طاروح ولاهو قناص يدور حبارى كروان ارنب ... الخ

لو خلينا الحكم لطاروح اكيد بيقول ان لا دار عليه الحول ضايع ماهو من نصيب راعيه وان كان عليه حجل وسبوق

ولو خلينا الحكم للقناص الي يتعب على الطير صقاره وعلايم مستحيل يقبل بذا الكلام لو يضيع طيره وعقب حولين وليس حول يتم طرحه لن يرضى وان زادت المده عن ذالك

اما مسئلة اتصل على راعي الطير واقول تعال زاود على طيرك في المزاد

بعض الناس متخسر بطيره ذيك القيمه الغاليه او يعد طيره مثل ولده من غلاه ومن فعلة الطيب الله يستر من ردة فعله (ولبيب بالاشاره يفهم)



سؤال عابر

لو ضربنا مثل افتراضيا
بان شخص ما لديه سياره وكان يقودها ثم تم خطفه ونقله لصحراء ومن ثم تركو سيارته
ونقلوه لمكان اخر ثم افرج عنه ولم يعرف موقع سيارته لمدة سنيتن او ثلاث ثم وجدها شخص اخر
هل تكون من نصيبه ؟
ولا عشان هاذي مسجله بستماره لدى الدوله ولا يمكن التصرف بها واما موضوع الصقور الضايعه من اصحابها يقدر الواحد يتصرف الامور سهالات

الرابط المشترك لمن سوف يقول بانها لا تتشابه الجزء الاول و السؤال العابر
الرابط بينهم ان الاول تمت سرقته واثاني تم خطفه
والله تعالى اعلم

اتمنى ان اجد فتوى شرعيه توضح لي الامر انا وباقي الاخوه وكلنا نرضى بما يقررهـ الشرع

اشكرك اخي صاحب النقاش

[وزاري]

http://www.qzal.net/01/2012-05/13364203891.jpg (http://www.qzal.net/)
http://www.qzal.net/01/2012-05/13364198752.jpg (http://www.qzal.net/)


http://www.qzal.net/01/2012-05/13364198753.jpg (http://www.qzal.net/)


http://www.qzal.net/01/2012-05/13364198754.jpg (http://www.qzal.net/)


http://www.qzal.net/01/2012-05/13364198755.jpg (http://www.qzal.net/)



http://www.qzal.net/01/2012-05/13364206571.png (http://www.qzal.net/)




http://www.qzal.net/01/2012-05/13364202041.jpg (http://www.qzal.net/)

[Turki1]

الطير الذي يطرح وعليه حجل فهو (معَرَف) مثله مثل وسم الابل وعلى من وجدة ولو بعد سنين ان يتصل بصاحبه .

[اسيرالصمت]

السلام عليكم ورحمة الله وبركاته
قبل كل شي احب اشكرك على هل موضوع الطيب
اي ادخل بل مو ضوع على طول
فيه شي يسما العرف العرف يحرم بعض قضايا ويحلل بعض غضايا
والعرف يعني عند اهل المكان

يعني لون نظرنا بل عقل اني اجد اي شي كان غالي اور خيص وانسبه لي يعني اي حلال مسلم فهاذا حرام
ولاكن الكلام هناك قوانين وتفاقات عند اهل اطراحه الي هي انه الطير اذا حال عليه الحول الي هو المقيض وقرنس هوا = اخلوي انه يكون من نصيبهم ولاكن بنفس الوقت انه يكون لصاحبه الاولويه بشرائه
؟؟؟ ليش اصدر هل قرار او هل اتفاق لن الطاروح يقعدله يوم ولى يومين او سنه او اسنتين وهو يتمنى ويحلم انه يطرح طير ويركض ومخاسير وقراده وتعب واخر شي يلقا طير ويومه هذاك يوم واخر شي يلاقي فيه حجل بنسبه له صدمه مثل الي يبشر بولد وعقب البشاره يقاله مات
السؤال لو هل شخص ماطرح هل طير هل يرجع الراعيه كلنا انعرف ان يومين للحر كافيه انه يستاحش
ولاكن مع هاذا كله انا ماعتقد انه فيه احد راح يمسك طير عليه حجل ولايبلغ راعيه
وانا عن نفسي مسكة طير جاني على الدعو وسبقه متنتف وضاع وهو فرخ ومسكته ثاني ورجعت الراعيه بلا منه ياربي مع العلم اني ماعرفه ولا ادري يمكن يكون معانا الحين
ملاحظه انا صقار ولاني طاروح على شان ماتفهون المور كذا ولا كذا واسف على الاطاله

[البيان3333]

اقول ياغشام وخذها من الاخر ولا يبغالها نقاش لو كل من ضاع له طير ويقضبه بالوقت اللي هو يبيه كان فيه كلام ثاني دام ان الطير ملك لشخص سواء قرنس هوى وعبر هو في النهايه
ملك لشخص دافع فيه مبلغ وفيه حجله يعني حلال ناس بلا حراج بلا هم الحق انه يسلم لراعيه
ويستاهل القضابه اللي طرحه ولا في الموضوع جدال وهذا حق شرعي والطير ضاع بقدرة قادر ولا فيها خيارات الطير يسلم لمالكه والله يعطيك العافيه ,,,,,

[majeed 11]

لاهنتم على الردود

ونشوف باقي الاعضاء وش يقولون

[عواد الشمري2]

غششام الله يعطيك العافيه
وش سالفت الشيبان بس
الطير لو يطرح بعد سنع بعد سنتين الطير يرجع للرجال
يزودون ع طيري وانا اشوف والحجل عليه
اكيد الطير ان ظاع مني ومحد مسكه يبي يهاجر ويجي السنه الجايه
والطير يرجع للراعيه
اما لو يطلع كلامك صحيح الي اذا دار الحول عليه يباع ع انه وحش وخذنا والعرب شالة
كل من لقا له طير غيبه عنده سنه ومن ثما باعه يقول طرحه
الطير يرجع للراعيه
ويعطيك العافيه على الموضوع

[ســـبــار ربــعـــه]

اتفق مع كلام هزاع واتمنى يكون لمجلس القضاء فتوى بهذا الأمر اصلح للمسلمين. واما من ناحية ما تعارف عليه الطواريح قديمهم وجديدهم فقد طرحه ذراع الذيب. والله يرحمنا برحمته ويرزقنا ويغنينا بحلاله عن حرامه.

[محمد ابن سعود]

انا من ناحيتي لو مر عليه سنه بدق على راعيه اما الطواريح الحين ماعندهم ذمه يشيل الحجل ويروح يحرج على الطير مايخافون الله .

[ياس البوادي]

السلام عليكم
اشكر الاخ غشام على طرح هذا الموضوع كما اشكر اخواني اعضاء المنتدى فالبداية سوف اتطرق لموضوع لم يتطرق اليه احدكم وهو ضياع الطير عندما يضيع الطير في السعودية فإنه لن يغادر الى مكان تزاوجه ولو سألنا انفسنا عن السبب هو تبليغ صاحب الطير حيث يرسل رساله سواء كانت الكترونيه او على الجوال ويقول يالربع فزعتكم طيري ضاع في المكان الفلاني ويجري البحث عنه في نفس المكان او مكان مجاوره له وفكرة ان يعود الطير لنفس المكان المطروحه فيه او البلد الذي طرح فيه الطير استبعدها تماما واذا عرض او حرج عليه في مزاد لطيور اقول للذي يدعى انه طارح الطير اتقي الله في نفسك لانه يكذب حشاكم الله من الكذب وكل الاخوان في السعودية يعرفون مكان وجود القمري وما شابه فكيف طير بحجم 10 قمريات هههههه يضيع ولا احد يراه في السعودية الا اذا دخل دولة مجاوره واما بخصوص الشرع سألت احد المشايخ عندنا جزاه الله خير فقال يرجع الطير لصاحبه و لو بيع الطير لاحد وهو يعرفه يرد المبلغ للمشتري والطير لصاحبه واذا كان لا يعرفه او لا يعرف عنوانه يأخذ المبلغ بالكامل من البايع ويعطى لصاحب الطير ويجب وجود شهود على البيعه من الذين حضروها لكي لا يقال انه باعه بكذا او كذا يجب معرفة المبلغ المباع به الطير لكي يصل لصاحب الطير هذا والله تعالى اعلم .


اخوكم
يـــــــــــــــاس البوادي
ابوسلطان

[ذراع الذيب]

انا من ناحيتي لو مر عليه سنه بدق على راعيه اما الطواريح الحين ماعندهم ذمه يشيل الحجل ويروح يحرج على الطير مايخافون الله .
هلابك يابن سعود..

ومرحبابك يالغالي يالله حيه.... الحين الطواريح مايصدقون يطرحون طير به حجل..
على طول يعممون عنه انه بحجل تخيل قبل اربع سنين او خمس كانت اسعار القرانيس الاباكير..
على 15 وعلى 17 واللي تصل العشرين هذا مزيونه بالحيل وكبيره اخبر انطرحت وحده قرناسه عند واحد من خويانا قبل خمس سنين وفيها حجل وسبوق الشريطيه صارو يتجارون لها..
وتمت بيعتها 40000 الف ومن بعدها ارتفعت اسعار القرانيس وهي اول قرناسه تباع بهالقيمه..
مافيه احد من الطواريح يخفي الحجل لان الحجل يرفع سعرها

[فهد الحنيني]

الطير اذا فيه حجل يصير لراعيه مهما صارت المده .. وكل صقار وذمته

[ذراع الذيب]

نبي نشوف مفتي فاهم في جميع الامور ورجال معروف بالفتاوي..
ونبي نفهمه ان الطير لاضاع ومره عليه اكثر من يوم وهو ضايع يستاحش ويرجع لطبيعته المعروفه..
ولايتم مسكه الا بالحيل هذي شغله معقده ويبيلها شرح طويل للمفتي للخروج بفتوه صحيحه..

[الخالدي2007]

النقطه رقم واحد هي الصح

دام الطير حال عليه الحول وقرنس هوا فما لصاحبه حق فيه وهذا المتعارف عليه
واذا بلغت صاحب الطير يجي يشتريه لانه صاحب الاولويه بالشراء
واذا ماله نظر تبيع الطير
اما اذا ضاع وتم طرحه في نفس السنه قبل يقرنس اكيد يرجع لصاحبه والطاروح ماله اي حق فيه



الحجل لاصار بالطير لو يقرنس خمس سنين وهو طيري باخذه
انتم تفتحون باب للحرامي يطرح الطير السنه هذي ويخشه واول الوقت يقول توني طارحه قرناس هوا
ولا شرايك القى طيرك السنه هذي واقول طارح اول الوقت قرناس هوا ولا لي نيه ابيعه

[قناص راكب شاص]

الطير لراعيه اذا قرنس هوا والا قرنس بيتي وعلى هالسالفه الطير لا غدا بالقيض اقرا عليه السلام لو مايغيب عنك الا شهر .وبعدين الحجل يحرمه ماله ذاهبه لو بعد عشر سنين شرعاً ما يحل . حلالي ماني شاريه مرتين وشكراً

[هاوي الصلفات]

السلام عليكم ورحمة الله وبركاته
بارك الله فيك ياغشام على هذا الموضوع المهم جداً
وبصراحة انا اوافق الكثير من الاخوان اللي وفوا وكفوا بأن الحلال المعرف بحجل ورقم واسم ( مابعد هذا شي ) يرجع لأهله واتوقع الدين بين في هذا الامر يعني مثل الغنمة الضالة كم سعرها بالنسبة لسعر طير وافي أو فارسي
صايد مع صاحبه واغداه . مع ذلك الدين حفظ هذه الغنمة لصاحبها حتى ولو انتجت وادي من الغنم . ولاكن يبقى العرف والعرف دين وكان في ما مضى
الطير لاضاع وقرنس خلا هو للي يطرحه بحكم صعوبة معرفته والتعريف به
لاكن دوام الحال من المحال بعد الحجول تغير الوضع وصار حامل لأسم صاحبه ورقم هاتف يعني مابق الاتبشره وتدخل السرور في قلبه وهذا اخير من حمر النعم ولكن يعود الامر لأمانة من يطرحه والارزاق ماهي واقفة على هذا الطير وابن آدم يبلى بالخير والشر ومن ترك شي لله عوضه خير منه . وانا الصراحة اتمنى ان يتبنى هذا المنتدى هذا الموضوع ويفصل فيه ويبت ، وهو مؤهل بكل المقاييس وذلك بنشر هذه الثقافه بين اعضائه وزواره بموضوع خاص مثبت لفتره ليتم ترسيخ هذا العرف
اسف على الاطالة وارجو ان اكون قد افدت .

[ولد السبع]

السلام عليكم


انا عن نفسي لو لقيته كلمت صاحبه ومابي منه الا كلمت الله يرحم شيبانك والعلم الطيب الي يبقا لك وهذا هو المكسب

اما سالفت الطير مضاء علىه الحول الشيبان الي قبلنا ماكان عندهم حجل ولا كان عندهم ريش مارشل كان اذا غدا الطير يومين وبعدين الله يخلف عليه

الحين والحمدلله جوال وريش وصار مثل الوسم في الناقه

يعني مالك عذر

[أبوعجاب]

السلام عليكم

اهنيك على الموضوع ياغشام والصراحه اختلفت الاراء

بس الموضوع يحتاج فتوه لهل العلم

واعتقد انها تدخل في الحلال والحرام و لا يستهين فيها لان الطير له صاحب وله اسمه ورقمه

والرسول صلى الله عليه وسلم
ماني ذكر الحديث
قال ستحسبون حتى على عود الايراك (مسواك)

فمبالك بطير صاحبه دافع فيه القيمه الفلانيه ويغدي الطير ويمر عليه موسم ويقرنس خلا
ويطرحونه ويدقون عليك
تعال اشتره مره ثانيه الاولويه لك في الشراء لانه لك

:)

العوض على الله

[ذراع الذيب]

السلام عليكم

اهنيك على الموضوع ياغشام والصراحه اختلفت الاراء

بس الموضوع يحتاج فتوه لهل العلم

واعتقد انها تدخل في الحلال والحرام و لا يستهين فيها لان الطير له صاحب وله اسمه ورقمه

والرسول صلى الله عليه وسلم
ماني ذكر الحديث
قال ستحسبون حتى على عود الايراك (مسواك)

فمبالك بطير صاحبه دافع فيه القيمه الفلانيه ويغدي الطير ويمر عليه موسم ويقرنس خلا
ويطرحونه ويدقون عليك
تعال اشتره مره ثانيه الاولويه لك في الشراء لانه لك

:)

العوض على الله
ليست له الاولويه بالشراء اذا عنده مزايده يتفضل يزيد:)..
ومن اليوم احاول اتصل على واحد له علاقه بالمشايخ وجواله الا الحين مقفل..
وان شالله ان اطرح لكم موضوع عن الفتوه الصحيحه باذن الله..

[بحرة حوشان]

السلام عليكم ورحمة الله

من شيم العرب الكرم والجود والطيب
والنشمي الاجودي الي يسعى للطيب والناموس
والطير لراعيه لو انه قرنس خلا
الي اعرفه اذا الواحد طرحله طير ومافيه حجل واعلن عنه
للصقاقير بذمه وظمير ودار عليه الحول ومانعرف راعيه
يحق للي اطرحه يتصرف فيه

وتقبل مروري

[أبوعجاب]

ليست له الاولويه بالشراء اذا عنده مزايده يتفضل يزيد:)..
ومن اليوم احاول اتصل على واحد له علاقه بالمشايخ وجواله الا الحين مقفل..
وان شالله ان اطرح لكم موضوع عن الفتوه الصحيحه باذن الله..


ههههههههههه

يمرحبا ياذراع الذيب
الله يعين يزاود بعد على طيره ياوسع صدره :)

[عاذي]

يعني افهم ان اذا واحد باع طير فيه حجل وانطلق الطير من مالكه الأخير والحجل باسم البائع الأول يرجع له الطير اذا انطلق وانطرح او واحد اطلق الطير لوجه الله وفيه حجل بسبب مرض الطير او اي سبب آخر وبعد سنه والا سنتين انطرح الطير والحجل فيه يتصلون على اللي الحجل باسمه ويقولون ابشر بطيرك ....... !!!!!!!!

[(هزاع)]

مع انني مقتنع %
ان الطير اللي به حجل ومعروف راعيه (يرجع لراعيه) لو مضى عليه سنين قرناس هوى
الا ان الفتوى الشرعيه هي المفصل وحنى مسلمين
ومع العلم ان الدنيا تطورت حتى لو خلع الحجل به الشريحه ولابعد يشق صدره ويطلع الشريحه
واللي يبي يشرح للمفتي يوسع صدره بالشرح لان بعض الشيوخ مالهم بالصقاره ويكون كتابيا وافتائه مكتوب
ياجماعة الخير كل من قضبله طير غادي يبي يدسه بحدا المواقع لين يدور عليه الحول ويقول انا شاريه قرناس وحش بغض النضر عن الشريحه والحجل بتسير فوضه وفرصه تحليليه لضعاف النفوس
***********

[اقدم صقار]

مع احترامي لكل الطواريح (الشباكه) وماتفقو عليه

وحترامي لراي الامير عبدالله بن منصور بن جلوي

الا انني ارى الحجل مثل (الاستماره للسياره) (والوسم للابل) واثبات قاطع لملكية الطير

.......
عليه حجل بالاسم ورقم الجوال هل الحجل ما يثبت ملكيته ؟؟؟
او بس هم الطواريح الفلوس بس ما همهم حلال المسلمين ؟؟؟
((الوسم والحجل اثبات ملكيه))
هذا رائي الشخصي ورئي اي صقار عاقل يخاف الله ويعرف قيمة الطير
وانا اتصلت على احد المشائخ وقال اذا عليه ما يثبت صاحبه الاول يرجع لصاحبه
كنا نفكر نفس التفكير الخاطيء ولاكن الرجوع للحق خير من التمادي في الباطل ، لا احد يزعل من كلامي والحق ما يرضي اثنين
اخوكم ابو منصور

[السومر]

اقدم صقار;8370574]
مع احترامي لكل الطواريح (الشباكه) وماتفقو عليه


وحترامي لراي الامير عبدالله بن منصور بن جلوي
الا انني ارى الحجل مثل (الاستماره للسياره) (والوسم للابل) واثبات قاطع لملكية الطير

.......
عليه حجل بالاسم ورقم الجوال هل الحجل ما يثبت ملكيته ؟؟؟
او بس هم الطواريح الفلوس بس ما همهم حلال المسلمين ؟؟؟
((الوسم والحجل اثبات ملكيه))
هذا رائي الشخصي ورئي اي صقار عاقل يخاف الله ويعرف قيمة الطير
وانا اتصلت على احد المشائخ وقال اذا عليه ما يثبت صاحبه الاول يرجع لصاحبه
كنا نفكر نفس التفكير الخاطيء ولاكن الرجوع للحق خير من التمادي في الباطل ، لا احد يزعل من كلامي والحق ما يرضي اثنين
اخوكم ابو منصور


ردك جميل يا اقدم صقار



أنا غدى علي طيرين في موسم سنة 1431وكلها عليها حجل بأسمي ورقمي

والي هالليله وأنا أدعي اللهم رب الضاله رد ضالتي

وأن كان الطواريح طرحوهن الله لا يبارك فيهم ولا في مالهم

هذا رداء نفس

[@السيف@]

ليست له الاولويه بالشراء اذا عنده مزايده يتفضل يزيد:)..
ومن اليوم احاول اتصل على واحد له علاقه بالمشايخ وجواله الا الحين مقفل..
وان شالله ان اطرح لكم موضوع عن الفتوه الصحيحه باذن الله..

بيض الله وجهك يابو ناصر
الله يقول (فاسألوا أهل الذكر إن كنتم لا تعلمون )
نعم ردو الموضوع لاهل العلم الحمد لله نحن في وطن كثر فيه اهل العلم

[عاذي]

مع انني مقتنع %
ان الطير اللي به حجل ومعروف راعيه (يرجع لراعيه) لو مضى عليه سنين قرناس هوى
الا ان الفتوى الشرعيه هي المفصل وحنى مسلمين
ومع العلم ان الدنيا تطورت حتى لو خلع الحجل به الشريحه ولابعد يشق صدره ويطلع الشريحه
واللي يبي يشرح للمفتي يوسع صدره بالشرح لان بعض الشيوخ مالهم بالصقاره ويكون كتابيا وافتائه مكتوب
ياجماعة الخير كل من قضبله طير غادي يبي يدسه بحدا المواقع لين يدور عليه الحول ويقول انا شاريه قرناس وحش بغض النضر عن الشريحه والحجل بتسير فوضه وفرصه تحليليه لضعاف النفوس
***********
اخوي هزاع بارك الله فيك المسألة ماهي فك حجل وسرق الطير المسألة ان الطير معروف بحجل او بغيرة اذا قرنس هواء هل هو لمن طرحة اخيرا والا لصاحبه الأول .. مثل ذلك الطير اذا كان وحش وشافة احد الطواريح يكون له حتى يختفي عن ناظرة .. هل نقول الطير طيرك لو شاهدة طاروح اخر بمكان اخر ......... اتمنى ان يستمر النقاش لتعم الفائدة

[بوخالد الكعبي]

انا عندي طير و ضايع يومه بكر جاني بعد 3 سنين اتصال من رجال يقولي طيرك عندي قتله اي طير كل الطيور بالسياره قالي والله وديه المستشفى وطلعته الشريعه بسمك وقلت اخبرك قمت اتذكر و اوصف له الطير لين قالى اي باله هو الطير

وجزاه الله الف خير

وانا عن نفسي فيه رقم الطير ولا شريحه اكيد اني برجعه حق راعيه و هذا حلال حق راعيه

اما لو ضايع بدون رقم ولا شريحه بذكره عند الصقاقير لين يطلع راعيه

مب مكلفني شي علفه ولاشي المهم رجع لضاله

[ذراع الذيب]

السلام عليكم ورحمة الله وبركاته,,
مسيتم بالخير جميعاً..

اليوم اتصلت على مسعد بن العود الثعلبي وحبيت اتأكد منه بخصوص هذا الموضوع..
وقال الطير لاقرنس وغير ريشه كامل بالخلا يعني قرنس هوا بالطبيعه ماهوب لراعيه وهذا الامر من الملك فيصل رحمة الله عليه ..
واعتذر يوم قلت الرأي تم تثبيته من قبل الامير عبدالله بن جلوي وتحياتي لكم,,

[الذحاح]

والله ياخوي عندنا شرع احكم من كلام فلان وفلان والشرع يقول( يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ) والرسول صلى الله عليه وسلم يقول( من أوى الضالة فهو ضال ما لم يعرفها) وقوله (متى جاء صاحبها يومًا من الدهر فليؤدها إليه)والتعريف بها اي ينادي عليها في مجامع الناس، إن شاء مرتين أو ثلاثًا أو أربعًا، يقول: من له الغنم الضائعة؟ فإذا جاءه من يعرف صفاتها وأماراتها الخفية دفعها إليه، أو جاءه من عنده البينة عليها دفعها إليه، فإذا مضت سنة ولم تعرف فهي له، سبيلها سبيل ماله، كما جاء في الحديث، وإن تصدق بها ولم ترض نفسه بقبولها فلا بأس، فإن تصدق بها وبعد سنتين جاء صاحبها فإنه يخير صاحبها، إن شاء صارت الصدقة له، وإن شاء دفع له القيمة التي تساويها، وإن قبل الصدقة الحمد لله، أو تكون الصدقة للأول إذا لم يقبلها صاحب الغنم، انتهى .

يعني كيف نترك الشرع ونروح لشرع فلان وفلان ونترك فتاوي كبار العلماء انا عني ان رفض باشكيه بالمحكمه اما حقي ويبيعه علي مره ثانيه !! ولا يبعه وهو لي لواحد غيري وانا اشوف هذاي والله من السبع البوارد وحده

[الذحاح]

الحجل لاصار بالطير لو يقرنس خمس سنين وهو طيري باخذه
انتم تفتحون باب للحرامي يطرح الطير السنه هذي ويخشه واول الوقت يقول توني طارحه قرناس هوا
ولا شرايك القى طيرك السنه هذي واقول طارح اول الوقت قرناس هوا ولا لي نيه ابيعه
:good::good::good::good:

[عاذي]

لاحظت من ردود بعض الاخوان حفظهم الله مايفرقون بين الطير المسروق المدسوس ( المطروح فترة الهدد ) وبين الطير المنطلق ومقرنس ومبدل ريشة بالخلا عام كامل او اكثر .

[راعي شلهوب]

السلام عليكم ورحمه الله وبركاته
الشيمه الشيمه الشيمه
الطير فيه حجل و فيه شريحه لو يغدي 10 سنين ويعين هاذا لراعيه ولايبيله نشده مفتي ولا نشده امير
مع احترامي
اما اذا غدا ولافيه شريحه ولا حجل يشود ويعلن عن الطير عند المحلات وعند الصقاقير بذمه وبحرص ويظهر راعيه وكان ماجاله احد ودار عليه الحول فهاذا لك الحق فالتصرف فيه
عجيب طير عليه رقم وقرنس خلا وقبضته مهب لراعيه لابالله الى لراعيه ولا ليه حطت الارقام وحطت الشرايح
لترجع الطيور لاهلها لو بعد حين
واللي يبي يلف ويدور ويخش ويدس بيلقا له باب وبعين الجواب اللي يسمحه من الشغله كلها
هاذا سلمنا اللي متعارفين عليه وجايبه من ابوي و جدي وحنا تعلمنا المراجل والشيمه قبل كل شي


وهاذا رايي الشخصي ولااقصد الاساءه لاي شخص
تقبل مروري

[راعي غضبان]

والله ماقصرو الشباب كلهم وهذا شي صاير ونشوف الي عليه حجل ومطروح وحش تزيد قيمته عند الطواريح ولازم يكون فيه حل من مفتي والا شي يمشون عليه الصقاقير والطواريح لان فيه ظلم لصاحب الطير الي غداء منه الطير ويروح طيره وهو يعاين والله الشي القديم والمتعارف عليه اول يمكن على شان مافيه حجول يضيع الطير ويطرح وحش ماينعرف منهو راعيه والا هلحين راعيه معروف وحجله عليه ووسمه عليه مال الواحد حق ياخذه لازم يكون فيه حل يتعارفون عليه ويتركون الشي القديم لما فيه من الجهل وهالحين الناس فتحت وتعلمت والمفروض يبت فيها لنا جميعا ومن مصلحتنا ونبي مفتي يحطها في ذمته ونمشي عليه واشكر اخوي صاحب الموضوع انه موضوع يستحق البت فيه والله يوفقنا وياكم بكل خير وتقبلو مرورررري

[أبو فااارس]

السلام عليكم ورحمة الله وبركاته,,
مسيتم بالخير جميعاً..

اليوم اتصلت على مسعد بن العود الثعلبي وحبيت اتأكد منه بخصوص هذا الموضوع..
وقال الطير لاقرنس وغير ريشه كامل بالخلا يعني قرنس هوا بالطبيعه ماهوب لراعيه وهذا الامر من الملك فيصل رحمة الله عليه ..
واعتذر يوم قلت الرأي تم تثبيته من قبل الامير عبدالله بن جلوي وتحياتي لكم,,



الله يهديك يابو ناصر طيب البعير لاغدا سنه عن راعيه وبه وسم هل راعيه له حق فيه لو يلقاه شخص ثاني؟؟
أكيد بتقول نعم له حق فيه اجل الطير يصدر له الثعلبي وغيره احكام على كيفهم!!!
هاذي ضالة مسلم وخذ الحكم فيها خذه من القرآن والسنه لاتاخذه على هواك وهوى غيرك علشان انكم طواريح انا عن نفسي لو يجيني علم ان طيري مطروح بله ديره وحجله به ويثبت ملكيتي للطير اباخذه لو اضطر اني اشكي الشخص اللي طرحه .. ياخي له قضابة الطير كم يبي 2000 ثلاثه اربعه وحبة خشم بعد أما يزاودون بطيري فلا

[ذراع الذيب]

الله يهديك يابو ناصر طيب البعير لاغدا سنه عن راعيه وبه وسم هل راعيه له حق فيه لو يلقاه شخص ثاني؟؟

أكيد بتقول نعم له حق فيه اجل الطير يصدر له الثعلبي وغيره احكام على كيفهم!!!

هاذي ضالة مسلم وخذ الحكم فيها خذه من القرآن والسنه لاتاخذه على هواك وهوى غيرك علشان انكم طواريح انا عن نفسي لو يجيني علم ان طيري مطروح بله ديره وحجله به ويثبت ملكيتي للطير اباخذه لو اضطر اني اشكي الشخص اللي طرحه .. ياخي له قضابة الطير كم يبي 2000 ثلاثه اربعه وحبة خشم بعد أما يزاودون بطيري فلا









هلابك يابوفارس,,


انا ومسعد بن العود ماصدرنا هذي الاوامر..
واتمنا ان يكون ردك فيه بعض الاحترام هذا الامر جا من ولي امرك ومن ولي امورنا جميعاً..
الاوهو الملك فيصل رحمة الله عليه واكيد هذا الامر ماجا من عبث ومن كلام فاضي..
واعيد واكرر ارجو ان تكون ردودك فيها بعض الاحترام وارجو ان تعود نفسك على ذلك..
وتحياتي لك,,

[ذراع الذيب]

والله ماقصرو الشباب كلهم وهذا شي صاير ونشوف الي عليه حجل ومطروح وحش تزيد قيمته عند الطواريح ولازم يكون فيه حل من مفتي والا شي يمشون عليه الصقاقير والطواريح لان فيه ظلم لصاحب الطير الي غداء منه الطير ويروح طيره وهو يعاين والله الشي القديم والمتعارف عليه اول يمكن على شان مافيه حجول يضيع الطير ويطرح وحش ماينعرف منهو راعيه والا هلحين راعيه معروف وحجله عليه ووسمه عليه مال الواحد حق ياخذه لازم يكون فيه حل يتعارفون عليه ويتركون الشي القديم لما فيه من الجهل وهالحين الناس فتحت وتعلمت والمفروض يبت فيها لنا جميعا ومن مصلحتنا ونبي مفتي يحطها في ذمته ونمشي عليه واشكر اخوي صاحب الموضوع انه موضوع يستحق البت فيه والله يوفقنا وياكم بكل خير وتقبلو مرورررري



هلابك يابومحمد..
ومرحبابك يالغالي يالله حيه.... امر مثل هذا الامر ماجا من الملك فيصل رحمة الله عليه..
الاعلشان ماحد يطالب بطيره اللي تم التعرف عليه من قبل اصحابه (وقصدهم بالطير اللي هاجر وقرنس بالطبيعه جائز ان يتصرفون فيه طواريحه)
ومازلنا نسعى للوصول الى فتوه شرعيه قاطعه يمشي عليها كل مسلم وتبيين للمفتى ماامر به الملك فيصل رحمة الله عليه..

[ذراع الذيب]

السلام عليكم ورحمة الله وبركاته..
اتصلت قبل شوي على احد طلبة العلم وقالي ان الشغله معقده يبيلها وقت..
وقال انه راح يجتمع مع احد طلبة ابن باز رحمة الله عليه وان شالله نثبت الفتوه ونعممها على جميع الطواريح والصقاقير..
والله يكتب لك الاجر ياصاحب الموضوع..

[fesal-ksa]

اما انا بنسبه ليى مايجوز بيع اطير لو ان اطير المطروح غادي من راعيه له سنتين لن صاحب اطير شاريه بحلال ماله وانت تجي تبيع اطير وانت تدري ان اطير لشخص الفلاني من دون ابلاغه بن اطير عندك او تحول ان تستغل الرجل بطيره وتشترط عليه و تستغله بحلاله فهذا اعتبرها مثل سرقه وعتبرها حرام ومثلها مثل اي دابه ظايعه وعليه وسم راعيه فحكمه اشرعي واحد ونحن اول شي مسلمين نخاف الله بكل شي فيه نهي
فلا ندع اطماع ادنيا وحب المال تركبنا المعاصي
وتحدا اي شخص يقولي انه باع وهو مقتنع انه حلال ولكن غلب عليه حب المال وطمع ادنيا
وهذا وشكرآ لكم

[أبو فااارس]

هلابك يابوفارس,,


انا ومسعد بن العود ماصدرنا هذي الاوامر..
واتمنا ان يكون ردك فيه بعض الاحترام هذا الامر جا من ولي امرك ومن ولي امورنا جميعاً..
الاوهو الملك فيصل رحمة الله عليه واكيد هذا الامر ماجا من عبث ومن كلام فاضي..
واعيد واكرر ارجو ان تكون ردودك فيها بعض الاحترام وارجو ان تعود نفسك على ذلك..
وتحياتي لك,,


ذراع الذيب وانا اخوك الاحترام والعلوم الطيبه متوارثينها أبآآ عن جد وانت رجال ماتخفاك سنوع العرب وسلومهم فكونك تقولي قدام الأعضاء عود نفسك على الاحترام هاذي ماهي زينه بحقي ولا بحق أي شخص يتعرض لمثل هذا الموقف كان أفضلك انك مرسل لي على الخاص ولا ترد أمام اخواننا الصقاقير لأن هذا فيه كبر وأعوذ بالله من الكبر والفشخره . والسؤال اللي ابوجهه لك : هل الملك فيصل رحمه الله والثعلبي مفتيين متفق عليهم من قبل رجال العلم والمشايخ؟ وأعيد واكرر لك كل الاحترام والتقدير يابو ناصر وأتمنى ان موضوع اخونا غشام مايتعقد ونطلع بدون نتيجه مع ان النتيجه أوضح من شمس القايله ..

[السومر]

ذراع الذيب وانا اخوك الاحترام والعلوم الطيبه متوارثينها أبآآ عن جد وانت رجال ماتخفاك سنوع العرب وسلومهم فكونك تقولي قدام الأعضاء عود نفسك على الاحترام هاذي ماهي زينه بحقي ولا بحق أي شخص يتعرض لمثل هذا الموقف كان أفضلك انك مرسل لي على الخاص ولا ترد أمام اخواننا الصقاقير لأن هذا فيه كبر وأعوذ بالله من الكبر والفشخره . والسؤال اللي ابوجهه لك : هل الملك فيصل رحمه الله والثعلبي مفتيين متفق عليهم من قبل رجال العلم والمشايخ؟ وأعيد واكرر لك كل الاحترام والتقدير يابو ناصر وأتمنى ان موضوع اخونا غشام مايتعقد ونطلع بدون نتيجه مع ان النتيجه أوضح من شمس القايله ..


أهنيك على رحابة صدرك و حسن أخلاقك والله يجزاك خير

[الشلاعي]

ذراع الذيب وانا اخوك الاحترام والعلوم الطيبه متوارثينها أبآآ عن جد وانت رجال ماتخفاك سنوع العرب وسلومهم فكونك تقولي قدام الأعضاء عود نفسك على الاحترام هاذي ماهي زينه بحقي ولا بحق أي شخص يتعرض لمثل هذا الموقف كان أفضلك انك مرسل لي على الخاص ولا ترد أمام اخواننا الصقاقير لأن هذا فيه كبر وأعوذ بالله من الكبر والفشخره . والسؤال اللي ابوجهه لك : هل الملك فيصل رحمه الله والثعلبي مفتيين متفق عليهم من قبل رجال العلم والمشايخ؟ وأعيد واكرر لك كل الاحترام والتقدير يابو ناصر وأتمنى ان موضوع اخونا غشام مايتعقد ونطلع بدون نتيجه مع ان النتيجه أوضح من شمس القايله ..

اهنيك على سعة صدرك

[صقار مبتدىذ1]

السلام عليكم ورحمة الله وبركاته
أولاَ ارجو منكم عدم الافتئ بشي ليس لك به علم أكيد
بس حبيت أوضح ان موضوع حال عليه الحول هو أذا كان الطير معك له سنة ولم تجد صاحبة هاذا يسمئ حال عليه الحول
هاذا ماحبيت ان أشاركم به والله أعلم

[راعي غضبان]

هلابك يابومحمد..
ومرحبابك يالغالي يالله حيه.... امر مثل هذا الامر ماجا من الملك فيصل رحمة الله عليه..
الاعلشان ماحد يطالب بطيره اللي تم التعرف عليه من قبل اصحابه (وقصدهم بالطير اللي هاجر وقرنس بالطبيعه جائز ان يتصرفون فيه طواريحه)

ومازلنا نسعى للوصول الى فتوه شرعيه قاطعه يمشي عليها كل مسلم وتبيين للمفتى ماامر به الملك فيصل رحمة الله عليه.. مرحبا والله يابوناصر وبك البقاء وتغلي من يغليك والله يعطيك العافيه والله موضوع في غاية الاهميه والله يجزاك خير على سؤالك المفتي والمشايخ وهذا شي في مصلحتنا جميعا وانشاءالله يردون عليك وتتوضح الامور الي فيها غموض شوي وانا ادري انه الوحش الي هاجر ورد من جديد هذا الي عليه الكلام وهو الي نقصد كلنا مقرنس في ديرته وعابر يمنا والا الي مطروح اهنيا وهو ماهاجر يعني توه ضايع ولا بعد عبر ولا هاجر هذا مافيه جدال يرجع لراعيه ولا عليها خلاف والف شكر لك على سعيك في تبيين الحقيقه والسعي فيها ليرتاح الجميع والله يوفقنا وياك واخوانا المكشاتيين بكل خير وتقبل تحياتي

[صقرالحروب]

السلام عليكم ورحمة الله وبركاته,,
مسيت بالخير ياخوي,,


المعروف بجزيرة العرب والمعروف عند جميع طواريح المملكه والخليج..
ان الطير لاضاع من راعيه وهاجر وقرنس بالطبيعه ورجع عابر على المملكه بالهجره وطرح معاد لراعيه شيً فيه ,,
الا ان يساوم عليه ويشتريه ومن مصلحت طواريحه يبلغون راعيه وهذا النظام تم تثبيته بالساحل الغربي الجنوبي من قبل الامير عبدالله بن منصور بن جلوي حفظه الله..
والطير واذا طرح واكتشفو ان فيه حجل قيمته تروح دبل والطير اذا استاحش اصبح ملك نفسه ولاكن نراعي اوقات ضياعه,,
وتحياتي لك,,

نفس الكلام متبع في الساحل الغربي الاوسط والشمالي وأذكر اكثر من مره تم طرح طيور في وقت الهجره عليها حجل وكلمو اصحابها وأذكرمنهم واحد قطري انطرح طير عليه حجل باسمه وارسل من ينوب عنه فالحراج وزاود على الطير لين رسى عليه الحراج ومن المعروف ان الطيور التي عليها حجل تصل فالحراج الى اسعار عاليه جدا يمكن اعلى من السعر اللي اشترى به راعي الطير اللي غدى منه وغالبا ماتكون هذه الطيور هي القرانيس البحريه

[ذراع الذيب]

ذراع الذيب وانا اخوك الاحترام والعلوم الطيبه متوارثينها أبآآ عن جد وانت رجال ماتخفاك سنوع العرب وسلومهم فكونك تقولي قدام الأعضاء عود نفسك على الاحترام هاذي ماهي زينه بحقي ولا بحق أي شخص يتعرض لمثل هذا الموقف كان أفضلك انك مرسل لي على الخاص ولا ترد أمام اخواننا الصقاقير لأن هذا فيه كبر وأعوذ بالله من الكبر والفشخره . والسؤال اللي ابوجهه لك : هل الملك فيصل رحمه الله والثعلبي مفتيين متفق عليهم من قبل رجال العلم والمشايخ؟ وأعيد واكرر لك كل الاحترام والتقدير يابو ناصر وأتمنى ان موضوع اخونا غشام مايتعقد ونطلع بدون نتيجه مع ان النتيجه أوضح من شمس القايله ..






هلابك يابوفارس,,
ارجوك رجاء خاص مسعد ابن العود خليه برى الموضوع هو مثل اي طاروح..
تلقى الاوامر ومشي على العرف المتعارف عليه من سنين وصاحب الامر هذا هو الملك فيصل رحمة الله..
والملك فيصل رحمة الله عليه هو خير من طبق الشريعه وهو خير من نطق بالحق..
ولايلحقنا فيه شك والملك فيصل اعتبره عالم وشيخ وان شالله تكون عند حسن ضننا فيك ,,
وتحياتي لك..




(موضوع ماهو بسيط امر من الملك فيصل وعرف ماشين عليه جميع طواريح المملكه
وجميع تجار الطيور واكثر الطيور اللي تطرح من قطر واهلها ماشين على هذا العرف)

[ذراع الذيب]

مرحبا والله يابوناصر وبك البقاء وتغلي من يغليك والله يعطيك العافيه والله موضوع في غاية الاهميه والله يجزاك خير على سؤالك المفتي والمشايخ وهذا شي في مصلحتنا جميعا وانشاءالله يردون عليك وتتوضح الامور الي فيها غموض شوي وانا ادري انه الوحش الي هاجر ورد من جديد هذا الي عليه الكلام وهو الي نقصد كلنا مقرنس في ديرته وعابر يمنا والا الي مطروح اهنيا وهو ماهاجر يعني توه ضايع ولا بعد عبر ولا هاجر هذا مافيه جدال يرجع لراعيه ولا عليها خلاف والف شكر لك على سعيك في تبيين الحقيقه والسعي فيها ليرتاح الجميع والله يوفقنا وياك واخوانا المكشاتيين بكل خير وتقبل تحياتي [/CENTER]
هلابك يابومحمد,,

ومرحبابك يالغالي يالله حيه.... والله يرضى عليك يالنشمي عسا طيوركم ربطوها انت وابوفيحان اخبركم قريب تهدون فيها :),,
ان جات الفتوه من صالح راعي الطير الاول يبيلها وقت الين تصل لجميع الطواريح بالمملكه الساحل الغربي والشرقي والشمالي والجنوبي ومثل ماقال اخوي صقر الحروب..
اغلب الطيور اللي تطرح بالساحل القرانيس البحريه..
واكثرها سبحان الله تكون لأهل قطر وكم قطري وصل الساحل وشرى طيره اللي غدى منه وكم قطري تعذر من الطير كلمت واحد من خويانا رجال عنده علم وسألته عن الموضوع..
وفهمته ان الطير ماتحكمه الابالجوع ولاغدى منك اكثر من يوم يستاحش قال هذا لاغدى صار ملك نفسه لانه وحش وماتحكمه الابالجوع:),,
قلت له ابي فتوه اعممها على الجميع قال اصبر مادام فيها فتوه تفتيها على الجميع..
يبيلها وقت ولاتستعجلون ياخويانا اكتوبر بعيد ههههههه..
تحياتي لكم,,

[مطنوووخ]

يا الربع لا نلعب على بعض هذي بهيمه ومعرضه للضياع في كل وقت .راح علية يوم اسبوع شهر سنه سنتين يرجع لصاحب الطير اذا فيه اثبات من حجل او وسم او غيره .حتى المفروض مافيه شي اسمه طراحة طير ان جت من صاحب الطير ولا ماتشرط علية بمبلع طراحة.

[شاب من ينبع]

والله مادم الطير اللي انطرح وفيه شي يثبت انه لشخص
يرجع الطير له ولو يعطوني وزنه ذهب
واللي يجود فيه راعيه على العين والرأس
ودعوه منه تسوى الدنيا ومافيها

[شلهوووووب]

السلام عليكم ورحمة الله وبركاته

الطير لاضاع وفيه حجل وسبوق في اول المقناص في الساحل الغربي العرف المتبع بين الصقارين انه يرجع الى صاحبه واذا مرة عليه سنة كاملة وطرح من قبل الصقارين مال لصاحبه الاول اي مطالبه به ابدا
الله يعوض على راعيه
واتمنى اكون افدتك

[بويعقوب سودان]

والله انا من راي الاخوان انو الطير لراعيه لو غاب سنين وعلى الطواريح الاشهار اي الابلاغ عنه ورده لصاحبه وعلى صاحبه اعطاء الطواريح اجر الطرح هذا والعلم عند الله

[ذراع الذيب]

الله يجزاكم خير جميع..
لو مااعتقد ان الشريعه فوق النظام ماكان جريت ورى هالموضوع..
والله يكتب لنا ولكم الاجر..
واعتذر لمن حس اني اخطيت بحقه

[مجازف]

ياالربع اناقريت الموضوع لكن عن نفسي دام الطير او اشي الي في علامه لي احد معناته لوه راعي>>>يعني لوتكرمت ابعد الطمعععععععععععععععععععععع

[أبو فيصل]

انا من وجهة نظري يستفتى القضأ بموضوع الطير الذي يتم طرحة وبه حجل سواء قرنس هواء والا مازال في وقت الهدد .. اما المتعارف عليه قديما قبل وضع الحجل اذا تم طرح الطير وقت الهدد فهو لصاحب الطير اما اذا قرنس هواء فهو لمن طرحه .. والسلام خير ختام .

جزاك الله خير

نعم يستشار القضاء ... والشيخ يقول الطير لراعيه لو بعد سنين قرناس هوا وخصوصآ لصار فيه حجل واضح ما يشك فيه أثنين. هو كالناقه يعيش نفسه و يحمي نفسه و ليس كشاة الذئب

و ماهو متعارف عليه في النص المقتبس أعلاه هو تقليد قديم يمكن لصعوبة البت في ملكية الطير في الماضي لأن سبوقهم أول ما تتحمل شهرين ... وللعلم كما هو معترف به قديمآ في بعض المناطق أن موكر الطير مملوك لشخص معروف مما يعني أن الطير و فروخه كل سنه محجوزه لراعي الموكر

أنا أبي أضيف كذلك أن الطير لصاحبه حتى لو ما وجد حجل أو سبوق فقط بوجود رقم شريحه كامل و مسجل في مستشفى معروف وله صوره في الشهاده الصحيه وأن وجد جواز فذلك خير و بركه

[ابو محمد1111]

الي يبي يعرف الجواب يقيسها على نفسه و بس

تخيل طيرك الي ضايع

[الشلاعي]

الي يبي يعرف الجواب يقيسها على نفسه و بس

تخيل طيرك الي ضايع
:good: صادق يابو محمد

[طاسان]

ياجماعة الدنيا فانية الطير اذا وجد فيه حجل راعيه اتصل عليه وياخذ طيره لو خادي له سنين

[أبو أمين]

تبون فتوى

ابشروبها وتراها في رقبتي ليوم القيامه اقابل بها رب العالمين

الطير يرجع لصاحبه ويدفع التكاليف اللي خسرها الشباك اوغيره

واللي يسألني يقول انت شيخ اقوله لا

لكن الحلال بين والحرام بين

عجبى لنا !!! حتى في ابسط الامور نقول نبي فتوى !!!

حنا مسلمين ولا لا ؟ ما درستوا ما تعلمتوا مافي ذره عقل في الراس !!! طيب وش حكم واحد لبس الثوب

واللي مخيطه واحد مشرك ؟؟؟ حكمه لازم نسأل مفتي !!!! هل وصلنا لهذه الدرجه من السذاجه !!!

هذي مهي مسأله فقهيه يتصارعون فيها كبار العلماء .

والله يالقبر يحترينا كل ابونا والله انكم لا تطبونه واحد واحد ووالله يالمال الحرام ان يلعب فالمال والنسل

والاهم من ذلك الاخره ووالله لا تسؤلون وذيك الساعه خل العرف ولا صاحبه ينفعنا

حنا قبل لا نكون عرب حنا مسلمين والقران والسنه هي الدستور الوحيد غيره مافي

استغرب من اللي يصلي ويركع ولا تخالف العرف والدين رجح العرف يمشي على هواه !!

على كيفه اذا جازله قول الدين اخذه واذا ما جاز له اخذ قول العرف !!!


الوعد يوم القيامه .

ملاحظه : بالنسبه لي انا مني خسران شي والحرام ان شاء الله ماهو طاب جيبي لكن للاتعاض .

قال رسول الله صلى عليه وسلم : ( لا طاعه لمخلوق في معصيه الخالق ) اذا جات على الكلام المحسوب .

[ذراع الذيب]

انا مع اخوي ذراع الذيب جواب كافي (لأن الطير اصبح وحش وصار حر نفسه)
يالغالي انا مااحط بذمتي شي..
هناك الآف من الطواريح ماراح ياخذون بكلام واحد بالنت اذا جات الدعوه ضدهم..
ماراح يقتنعون الااذا جات فتوه من رجال معروف وشيخ علامه فاهم في جميع الامور لتوثيق الحقيقه لأن الطواريح ماشين على امر صدر من الملك فيصل رحمة الله
وراح نذكر اسم الشيخ كامل وهو من طلبة ابن باز رحمة الله عليه وكلامه محسوب ..

[راعي شلهوب]

تبون فتوى

ابشروبها وتراها في رقبتي ليوم القيامه اقابل بها رب العالمين

الطير يرجع لصاحبه ويدفع التكاليف اللي خسرها الشباك اوغيره

واللي يسألني يقول انت شيخ اقوله لا

لكن الحلال بين والحرام بين

عجبى لنا !!! حتى في ابسط الامور نقول نبي فتوى !!!

حنا مسلمين ولا لا ؟ ما درستوا ما تعلمتوا مافي ذره عقل في الراس !!! طيب وش حكم واحد لبس الثوب

واللي مخيطه واحد مشرك ؟؟؟ حكمه لازم نسأل مفتي !!!! هل وصلنا لهذه الدرجه من السذاجه !!!

هذي مهي مسأله فقهيه يتصارعون فيها كبار العلماء .

والله يالقبر يحترينا كل ابونا والله انكم لا تطبونه واحد واحد ووالله يالمال الحرام ان يلعب فالمال والنسل

والاهم من ذلك الاخره ووالله لا تسؤلون وذيك الساعه خل العرف ولا صاحبه ينفعنا

حنا قبل لا نكون عرب حنا مسلمين والقران والسنه هي الدستور الوحيد غيره مافي

استغرب من اللي يصلي ويركع ولا تخالف العرف والدين رجح العرف يمشي على هواه !!

على كيفه اذا جازله قول الدين اخذه واذا ما جاز له اخذ قول العرف !!!


الوعد يوم القيامه .

ملاحظه : بالنسبه لي انا مني خسران شي والحرام ان شاء الله ماهو طاب جيبي لكن للاتعاض .

قال رسول الله صلى عليه وسلم : ( لا طاعه لمخلوق في معصيه الخالق ) اذا جات على الكلام المحسوب .

اشكرك صراحه رد يبرد الخاطر وهاذا الكلام الصحيح

[الامبراطوري]

تبون فتوى

ابشروبها وتراها في رقبتي ليوم القيامه اقابل بها رب العالمين

الطير يرجع لصاحبه ويدفع التكاليف اللي خسرها الشباك اوغيره

واللي يسألني يقول انت شيخ اقوله لا

لكن الحلال بين والحرام بين

عجبى لنا !!! حتى في ابسط الامور نقول نبي فتوى !!!

حنا مسلمين ولا لا ؟ ما درستوا ما تعلمتوا مافي ذره عقل في الراس !!! طيب وش حكم واحد لبس الثوب

واللي مخيطه واحد مشرك ؟؟؟ حكمه لازم نسأل مفتي !!!! هل وصلنا لهذه الدرجه من السذاجه !!!

هذي مهي مسأله فقهيه يتصارعون فيها كبار العلماء .

والله يالقبر يحترينا كل ابونا والله انكم لا تطبونه واحد واحد ووالله يالمال الحرام ان يلعب فالمال والنسل

والاهم من ذلك الاخره ووالله لا تسؤلون وذيك الساعه خل العرف ولا صاحبه ينفعنا

حنا قبل لا نكون عرب حنا مسلمين والقران والسنه هي الدستور الوحيد غيره مافي

استغرب من اللي يصلي ويركع ولا تخالف العرف والدين رجح العرف يمشي على هواه !!

على كيفه اذا جازله قول الدين اخذه واذا ما جاز له اخذ قول العرف !!!


الوعد يوم القيامه .

ملاحظه : بالنسبه لي انا مني خسران شي والحرام ان شاء الله ماهو طاب جيبي لكن للاتعاض .

قال رسول الله صلى عليه وسلم : ( لا طاعه لمخلوق في معصيه الخالق ) اذا جات على الكلام المحسوب .

اخطيت على نفسك يوم حطيتها بذمتك .. حنا مسلمين واسألوا اهل الذكر ان كنتم لاتعلمون ... هل الوحوش تملك مثل الحيوانات الأليفة الأبل والغنم ...؟

[أبو أمين]

اخطيت على نفسك يوم حطيتها بذمتك .. حنا مسلمين واسألوا اهل الذكر ان كنتم لاتعلمون ... هل الوحوش تملك مثل الحيوانات الأليفة الأبل والغنم ...؟

لا ان شاء الله

و صحيح واسألوا اهل الذكر ان كنتم لا تعلمون وحط تحت لا تعلمون خط احمر

وفيه فرق بين اننا ما نعلم او ما نبغى نعلم او نعلم وساكتين كلن لظروفه

الوحوش طال عمرك واللي يقرى طرحت ودجنة ودفع عليها فلوس وانحط عليها وسم اما حجل

او شريحه باسم مالك الطير واصبحت له بحلاله !!! واذا ضاع الطير ومر عليه قرن معروف

صاحبه ، لذلك كيف ما يكون له ؟

اما ان النظام يعمل به كعرف او امر ملكي من الملك فيصل رحمه الله عليه فانا اتوقع ميه بالميه

ان ظروفهم كانت غير وقتنا الحالي بمعنا العالم تطورت وصار فيه حجول وجوازات وغيره

واول ما كانت عندهم هذي الامكانيات والطير ما يندرى منهو له لذلك حطوا هذا العرف كخيار

لابد منه ، ولا يعقل ان القوانين لا تتغير مع تغير الوقت لان امور جديده تظهر ولابد مواكبتها ،

ولن قعدنا على (هذا ما وجدنا عليه ابائنا واجدادنا ) كانت علوم .

[راعي غضبان]

هلابك يابومحمد,,

ومرحبابك يالغالي يالله حيه.... والله يرضى عليك يالنشمي عسا طيوركم ربطوها انت وابوفيحان اخبركم قريب تهدون فيها :),,
ان جات الفتوه من صالح راعي الطير الاول يبيلها وقت الين تصل لجميع الطواريح بالمملكه الساحل الغربي والشرقي والشمالي والجنوبي ومثل ماقال اخوي صقر الحروب..
اغلب الطيور اللي تطرح بالساحل القرانيس البحريه..
واكثرها سبحان الله تكون لأهل قطر وكم قطري وصل الساحل وشرى طيره اللي غدى منه وكم قطري تعذر من الطير كلمت واحد من خويانا رجال عنده علم وسألته عن الموضوع..
وفهمته ان الطير ماتحكمه الابالجوع ولاغدى منك اكثر من يوم يستاحش قال هذا لاغدى صار ملك نفسه لانه وحش وماتحكمه الابالجوع:),,
قلت له ابي فتوه اعممها على الجميع قال اصبر مادام فيها فتوه تفتيها على الجميع..
يبيلها وقت ولاتستعجلون ياخويانا اكتوبر بعيد ههههههه..

تحياتي لكم,, الله يبقيك يابوناصر وابشرك الطيور تمام وربطنا من بديت الشهر هذا وامورهن زينه الله يعطيك العافيه ويرحم والديك والله يجزاك خير ومادامك تبنيت الموضوع بينتهي انشاءالله ويكون مرضي للجميع والف شكر لك
وتقبل تحياتي

[ذراع الذيب]

الله يبقيك يابوناصر وابشرك الطيور تمام وربطنا من بديت الشهر هذا وامورهن زينه الله يعطيك العافيه ويرحم والديك والله يجزاك خير ومادامك تبنيت الموضوع بينتهي انشاءالله ويكون مرضي للجميع والف شكر لك
وتقبل تحياتي [/CENTER]
هلابك يابومحمد,,

ومرحبابك يالغالي يالله حيه..... وماشالله عليكم ماقصرتو ويعود عليكم الصيد والفيد..
الامور هنا بالمنتدى ماعليها خوف الاغلبيه مقتنعين ان الطير يرجع وعني انا واعوذ بالله من كلمة انا..
اقتعنت ان الطير يرجع لأصحابه ولاكن نبي نسعا ونوصلها لجميع الطواريح وبعد صدور الفتوه بأذن الله ..
ولاهنت على متابعتك وعلى اهتمامك يالغالي..