حرارة في جكسار

[الصارم 444]

السلام عليكم
عندي مشكلة في حرارة الجكسار اليوم الظهر زحمة وحر في طريق خريص ارتفعت الحرارة فوق النص تقريبا اذا دعست شوي على البنزين تنخفض الحرارة المشكلة عند الوقوف لمدة خمس دقايق تبدا ترتفع والمكيف شغال اول مااحرك تنزل او ادعس بنزين لين يوصل الضغط 2

[ابوسند9]

اخوي الصارم
والله الحراره لها اسباب واجد وصعب تحدد المشكله من وين
لكن انت شيك على الاديتر لاتكون المويه ناقصه او الاديتر يبغى تسييخ وان سيخت الديتر غير معه بلف الحراره
والشي الاخر ممكن عندك حساس البنص عطلان يعني اذا وقفت والمكيف شغال المفروض يكون عداد الكمبرشن فوق الواحد
وان شاء الله مشكلتك بسيطه

[ابو فهد...]

اغلب شي يكون من تمتيك المروحة
اذا كنت تمشي تنخفض الحرارة واذا وقفت ارتفعت
فان المشكلة تقريبا من المروحة او التماتيك المروحة

[التمسساح]

شيك على المراوح الكهربائيه ممكن ماتشتغل مع المكيف

[المنيعي1]

تأكد من المروحة الأضافية يمكن خربانة

[tevo]

المراوح شيك عليها واذا هي موب كهرب شف الكلتش حقها.

[الصارم 444]

الله يجزاكم خير

المروحه عادية مو كهرب

اشيك اليوم ان شاء الله على الكلتش حق المروحة

والله يكتب اللي فيه الخير

[الدوادمي506]

فك بلف الحراره بالصيف