الفزعه يأهل الفتكات

[GX-2010]

السلام عليكم ورحمة الله وبركاته
حيا الله الجميع كيف حالكم إن شاء الله طيبين
يالربع فيه واحد من الشباب عنده فتك 2004 طلع فيه مشكله
يقول فجئه تولع لمبة المكينه والسياره ماتتعدى سرعة 80 وإذا وقف
وقام بإطفاء السياره وسحب المفتاح ثم رجعه و
شغل انتهت المشكله بس احيانا
والمشكله هذي ماتصير إلا بين فترة وفترة
ملاحظه: القير توب ترونيك
آسف على الاطاله واللي يعرف لا يبخل علينا الله يجزاكم الجنه

[vortec 6.0]

هذا حساس الهواء يمكن خويك ماينظف فلتر الهواء

[رااعي الفزعات]

المشكله بسيطه بأذن الله ..
رح لكهربائي جيد يفحص الفيوزات والكتاوت واذا ماحصل مشكله يطفيه لك ..
تقبل مروري ..

[عقووول]

هذا وحده من الثنتين اما حساس الهواء

او حساس الابنص حق دعسة البنزين

[GX-2010]

شكرااا للجميع الله يعطيكم ألف عافيه

[ابوسند9]

اخوي اتوقع والله العالم انه من كتاوت الدعسه
وموقعه يوجد علبة فيوز بجانب فلتر الهواء بالرفرف فيها عدد 5 فيوزات كبار فيه لون ازرق وعددها ثلاثه غيرها كلها سعر الواحد 50 ريال واحد للدعسه وواحد للقير والثالث ناسي والله حق ايش
ودائما يكون المشكله منها

[Under_net]

اخوي اتوقع والله العالم انه من كتاوت الدعسه
وموقعه يوجد علبة فيوز بجانب فلتر الهواء بالرفرف فيها عدد 5 فيوزات كبار فيه لون ازرق وعددها ثلاثه غيرها كلها سعر الواحد 50 ريال واحد للدعسه وواحد للقير والثالث ناسي والله حق ايش
ودائما يكون المشكله منها


هذي الخلاصة ولا تتعب نفسك .. مشكلة حصلت لي وانتهت ..

صورتها سابقا وقد تجدها بمشاركاتي ان لم تحذف

[GX-2010]

جزاكم الله خير كلن باسمه والله يبيض وجيهكم

[GX-2010]

الاخوان اللي يقولون كتاوت الدعسه الله لايهينكم ويطول عماركم
غيرنا الكتاوت بس للأسف ماراحت المشكله ياليت اللي عنده حل
عن واقع تجربه يفيدنا ولاهنتوا

[العطاوي a511]

اخوي خذ الراي اللي مابعده راي وريح راسك اذا المشكله حساسات رح افحص كمبيوتر باقرب ورشه عندهم جهاز فحص ورش يفحصون بميه وورش اقل وانت وشطارتك وراح يعطيك الزبده والخرابات كلها

[5200]

اخوي فيه طريقه اذكر سوها يماني بس ما اذكرها زين .....كانت لمبة المكينه الصفراء عندي شغاله لان السير انقطع المهم بعد ما صلحنا السيور بقت المشكله لمبه المكينه والعه..... هوقام وفصل واحد من اصابع البطاريه يالسالب او الموجب وهو مفصول واحد منهن لازم تدق سلف (طبعا السياره ماتشتغل )بعدين وقفت عن دق السلف ورجع شد على الاصبع المفصول وبعدين شغلت الباترول وطفلت لمبة المكينه..... هذا والله اعلم والشباب بيفيدوننا اكثرانا هذا اللي صار لي ولا ادري وش السالفه ........بالتوفيق

[GX-2010]

الله لايهينكم بس اخوي العطاوي هالحاله تصير احيانا وإذاكانت طافيه اللمبه
فحص الكمبيوتر يعطي كل شئ سليم ولاهنتوا

[عاشق البانيلي]

مادام ولعت اللمبة اذا عندك مشكله بالاغلب كتاوت

فقط فحص كمبيوتر ويبان المشكله

اهم شي لايفصل اصبع البطارية لانه بعدها تنعاد برمجة الكمبيوتر

وتختفي المشكلة

[GX-2010]

الله لايهينك ياعاشق البانيلي بس المشكله ماتطول يعني مايمديني أوصل الصناعيه
واللمبه مولعه والله يكتب اللي فيه خير

[العطاوي a511]

اشرط على راعي الكمبيوتر قله اذا طلعت المشكله اعطيك فلوسك ماطلعت مالك شي وهم كذى دايم

اذا طلعو المشكله ياخذون فلوس ماطلعو ماياخذون

[abo_Majed]

دام السيارة ماتتعدى ٨٠ وقت ظهور اللمبه فالمشكلة بحساس الهوى يحتاج تنظيف