الى الاخوه الاعضاء والمشرفين ارجو المساعده عاجلا

[ابو ساره 999]

عندي سياره سوبر سفاري ٢٠٠٦ فيه كتمه بالقير ومايغير الى القير العادي فقط على الاوتو لانه توب ترونيك وديته لورشة التركي وقالي يحتاج خارطة قير وانا ماعرف وشي ويقول تكلف ٣٠٠٠ مع شغل اليد تكفون يالربع اللي عنده حل يسعفنا فيه الله لايحرمكم الاجر

[بدوي جنوبي]

عليكم السلام

يقصد هذه


قد تكون المشكله فقط في حساس او انسداد داخل مجارى الزيت (بدى بلف) او
ما يسمى بمخ القير ،،

صوره:
http://www.mekshat.com/vb/../pix/upload03/images121/mk32037_subaru_vb.jpg

صوره:
http://www.mekshat.com/vb/../pix/upload03/images121/mk32037_1342206-valve_body_disassembled.jpg


لكن لا تستعجل في الاصلاح
افحص عند أكثر من ورشة

والله يعينك

[ابو ساره 999]

الله لايهينك يامشرفنا الغالي لا خلى ولا عدم يارب الله يخليك لعين ترجيك

اذا فيه امكانيه تعطيني افضل الورش اذا لك فيها عرف اكون شاكر لانه المشكله عندنا الزين داخل بالشين

[ابوسند9]

اخوي ابو ساره
ممكن توضح ايش نوع الكتمه؟وكم ماشيه الساره؟وهل غيرت الزيت؟ واذا كنت تمشي وحولته على العادي يحول واللى لا؟
وما عليك من كلام الورش حتى لو كانت الورشه مشهوره وانت لاتستعجل بفك القير ونا صاري زيك قبل 3 سنوات وفصلت الاصبع ورجع تمام والحمد لله الى يومك
الشي الاخر جرب فك اصبع البطاريه شوي ورجعه وجرب عشان يبرمج القير من جديد
اذا ما ضبط شف فيه علبة كتاوتات كبيره بجانب فلتر الهواء وعددها خمسه ثلاثه لون ازرق وواحد بني وواحد اسود واحد منها للقير وواحد للدعسه والاخر ماني متذكر انت غير الثلاثه ذات اللون الازرق اذا كنت ماقد غيرتها لان موديل سيارتك 2006 وعشان ماتسبب لك مشاكل الدعسه بعدين علما بان سعر الكتاوت 50 ريال
واذا ما ضبط معك عطني خبر وان شاء الله المشكله بسيطه

[ابو ساره 999]

الله لايهينك ياخوي ابو سند الموتر تجيه كتمه احيانا وانت ماشي واحيانا اذا واقف ولمبه بالطبلون حقت القير تاشر واذا فصلت الاصبع حق البطاريه تروح شوي وترجع واذا فصلت البطاريه يغير القير طبيعي واذا جلست شوي صار مايغير واشغلني والله

[ابو عاذر]

اخوي يلزم اعادة برمجة القير وانصحك بورشة العثيم للكهرباء بالقصيم بريدة

مع تحيات اخوك ابو عاذر

[أصيل حجآ زي]

جرّب تغيير زيت القير والصفآية { الفلتر } بزيت أصلي وصفآية أصلية .
هذا أن شاء الله يغسل لك مُخ القير اللي أعطآك صورُه المُهندس / بدوي جنوبي .
أن ما نفع .
جرّب أن تفك مُخ القير عند ورشة شــُطآر وثقة وتغسلهُ زين وينشفهُ زين .
ويرجعه بعد أن يتفحص الحسآسآت { سنسر Sensor} والمُشغلات { صلنويد Solenoid } .

وأخر العلاج الكي { التوضيب } .
ردي لمن سأل عن أهم أسبآب تأخير تعشيق نمر القير التمآتك خلل نظآم التحكـُم {المُنظم}؟ (http://www.mekshat.com/vb/showthread.php?t=327539)



كـيـفـيـة تـغــيـر زيـت قـيرك الـتـمآتك والعـآدي مـُـرفق بأشـرطة للتوضيح ؟؟؟ (http://www.mekshat.com/vb/showthread.php?t=285489)



كـيـف تـفـحـص قـيـرك و ز يـتــُه / حــتـى لا تــُـفــاجـئ بـخـرآب قـيـر سـيـآرتك (http://www.mekshat.com/vb/showthread.php?t=222916)



بالأشـرطة / كـيـف تـغـيـر زيـت مـُحـرك سـيـآرتك وقيرها ووقودها والصـفـآيـآت { فلتر} ؟؟ (http://www.mekshat.com/vb/showthread.php?t=254862)



مشـــــآكل القير التـمـآتك وحـلولوه وكيف تصيد الخلل و المشآكل والحل حتى لا تنخدع ! (http://www.mekshat.com/vb/showthread.php?t=352780)


أنا وأنت السـبـب الأول في خـرآب قيرك التمآتيك أو قلة الصيآنة أو القطع وأجزاء السيآرة (http://www.mekshat.com/vb/showthread.php?t=371992)



الزيت الزآئد يسبب مشآكل للقير .
والزيت النآقص أكثر مشآكل وخطير ويسبب حرآرة تدمر القير .

[ابو ساره 999]

اخوي ابو عاذر والغالي مشرفنا الدكتور اصيل حجازي شاكر ومقدر مروركم واهتمامكم الكبير الله لايحرمنا منكم سيتم فحص جميع ماذكرتم ان شاء الله