مشكله زي التفتفه بالباترول 2009

[فتك 32]

سلام عليكم
عندي مشكله معي باترول 2009 مكينه 4800 غيرت راس المكينه
المشكله ان السيارة مهي صافيه فيها زي التفتفه ونت واقف واذا مشيت راحت ونت تمشي السيارة تحس انها ماسكه وإذا دعست زيادة مشت زين وش المشكله مع العلم اني سويت برمجه كمبيوتر
افيدوني افادكم الله واذا تعرفولي ورشه زينه بالرياض

[خيال الكودا]

فيه واحد بالقصيم يقاله العثيم فاهم بالباترول

[ابو شريفة]

السلام عليكم ورحمه الله وبركاته
شف اخوي عندك عدة اشياء اذا بسطآعتك تغيرهن
بواجي اصليات من الوكالة
صفاي بنزين من الوكالة
واذا ماراحت التفتف غير الاسلاك
لانك تقول فاك راس المكينة واحتمال البواجي جايهن شي
دمت سآلم

[فتك 32]

تسلم يابو شريفة البواجي غيرتها من الوكاله

[صالح الفريح]

شف هوز الشوته
تراه يسبب هذا المشكله
ولو فيه شق بسيط
لك تحياتي

[فتك 32]

وين مكانه هوز الشوتة بالضبط

[صباح القايله]

شيك على خرطوش الهواء وفلتر الهواء
ووزنيت الديلكو

[واثق الخطوه-]

وين مكانه هوز الشوتة بالضبط

يقصد خرطوش فلتر الهواء وشف حساس في الخرطوش فكه ونظفه وراس الماكينه ليش فاكه ؟؟؟

[فتك 32]

هلا اخوي واثق الخطوة غيرت الراس من الحرارة انكسر الراس بنسبه لصفايت البنزين غيرته منفع اليوم ابي اغير فلتر الهواء واوزن اليلكو وانشاء الله بضبط

[ابو شريفة]

السلام عليكم ورحمه الله
الله يعينا وياك اخوي ، لكن مثل ماقال بعض الاخوان بحكم انك غيرت البواجي والصفاي
احتمال يكون من حساس الهوا ، بالنسبة لي بنيت في ردي الاولى على انك فاك المكينة واكيد مرجع بواجيه الاوله ويمكن واحد منهن منكسر وركبه لك الي زين لك راس المكينة
دمت سآلم

[ذيب اللابه]

عندنا بترول عبينا تانكيه الكبير اخضر والتانكي الصغير من اول في احمر ويوم جا الربع ونخلطه الاثنين
وصار الجيب يتفتف تفتفه من قوتها اذا فكيت الكبوت يطيح من حاله والبيبان ما تسمع الا قربعتها
وكل ما نروح يقولون تنظيف بخاخات ونروح عند واحد مهندس قال امرها بسيييط بس جيب بخاخ تنظيف من
ايسد يلكو ونظف حساس البخاخ وكنها خفت واليوم اللي بعده انظف حساس البخاخ ومسكنا فيه خط ويالله لك الحمد ذحين الموتر سالك وومتاز

لكن انتبه من حساس البخاخ تراه غالي وان بغيت تنظفه خلك حذر

[mushari-saud]

اخوي انا قد صارت معي زي سالفتك على باترول فتك 2007 ولا خليت ورشه مارحت لها طبعا الموتر كان ماشي 18000 الف فقط يعني تحت الضمان وديتها الوكاله ودخلوها عندهم وطلعت المشكله في الأخير حساس القزوز طلع مايع شوي من حرارة القزوز غيروه لي وضبط الموتر بعدها
مع العلم أني فحصتها كمبيوتر عشان أشيك على الحساسات ماطلع في الفحص أن الحساس خربان

معلومه غالباً في الباترول مشاكل التفتفه من الحساسات .....بالذات حساس الهواء

عسى الله يسهل امرك

حبيت أفيدك

[فتك 32]

رحت لورشه قالول من الكويلات تتزقعون منه بنسيه للي قالو اوزن الديلكو السيارة مابه ديلكو

[abo_Majed]

سلام عليكم
عندي مشكله معي باترول 2009 مكينه 4800 غيرت راس المكينه
المشكله ان السيارة مهي صافيه فيها زي التفتفه ونت واقف واذا مشيت راحت ونت تمشي السيارة تحس انها ماسكه وإذا دعست زيادة مشت زين وش المشكله مع العلم اني سويت برمجه كمبيوتر
افيدوني افادكم الله واذا تعرفولي ورشه زينه بالرياض

التفتفه وانت واقف لازم تكشف عليه بالكمبيوتر وتتأكد من مستوى دبة البيئة
والدعسة اللي تحس انها ماسكة السيارة وانت ماشي هذا حساس سلك الدعسة بس سو له تنظيف عند اي كهربائي مع برمجة الدعسة

ارجوا اني افدتك

[فتك 32]

ابشركم ياخوان لقيت الحل وابشركم موتري ضبط ورجع زي اول سويت تصفية مكينه وغيرت الدعسة طلع المشكلة من الدعسة

[5200]

السلام عليكم وين ورشتك اللي صلحت سلك الدعسه وصفها لاهنت لان عندي نفس مشكلتك وكم كلفتك ليتك تكون بالرياض

[وليد46]

بكم سعر الدعسة وهل انت غيرت الدعسة كاملة ولا بس حساس