تكفون يا اهل الفتك ..

[فيصل 2]

السلام عليكم ورحمة الله وبركاتة ....
فتك 2005

اخواني انا مشكلتي في الحرارة توها صايره امس كلما عبيت ماء في الرديتر ووصلت مشوار يختفي الماء..
مدري وين يروح وترتفع الحراره وتسمع صوت غليان..؟

الصراحه انا امس كليت مطب ومن بعدها جت المشكله والحراره ..

اللي عنده خبره في الموضوع لا يبخل علي,, فيه من قال من غطاء الرديتر لانه ينسم ويتبخر الماء وفيه من قال مسح راس المكينه مع انه قبل امس معي تمام التمام ..
ولاكن مدري وش صار ..

وشكراَ

[لاند93]

اخوي شيك تحت الاديتر يمكن في كسر مع المطبه .. تاكد. وشيك على الخراطيش..

[hdm]

المشكلة الحرارة كثيرة شغلاته ممكن يكون تماتيك المروحة او البلف قافل او الرديتر يبيله تسييخ او او وان شاء الله سهله

[رشيد22]

عليك باالورشة هي اللي تعطيك العلم

[فيصل 2]

الله يعطيكم العافيه ياللي رديتوا .

واخر ورشه رحت لها قال لي بفك البلف وامش عليه يومين واذا ما فيه حراره ومضبوط يعني المشكله من البلف اشتر واحد جديد ...

لاكن هل البلف له دخل في غليان الماء وبخار حار ..؟

[عصاقيل الدخله]

اخوي قبل لا تغير البلف شف امسك الخرطوش اذا هو قاسي معناه البلف ما يفتح غير بلف
ولا افحص الاديتر وسيخه

[ابوسند9]

اخوي
نعم ممكن من البلف لاكان اذا بيفك البلف غيرررره على طول بواحد جديد ليه لان الورشه راح تاخذ عليك سعر فك البلف مرتين وموشكله المبلغ وسعر البلف اصلي ب 70 ريال ويما خبطة سيارات بسبب بلف وبلف الفتك لازم تغيره كل ثلاث سنوات لانه يقفل فجئه وله زمن محدد
الشي الاخر برضو تاكد من غطاء الاديتر وغطاء القربه ولو تغيرها افضل
واذا السياره بالزحمه والوقوف تحتمي وبالخط عكس فتاكد من تماتيك المروحه
وبالنسبه لفك الراس لاتستعجل خلي الكي اخر شي

[بدوي جنوبي]

اخوي قبل لا تغير البلف شف امسك الخرطوش اذا هو قاسي معناه البلف ما يفتح غير بلف
ولا افحص الاديتر وسيخه

لا يا غالي هذا أختبار غير صحيح
الخرطوش يكون قاسي على طول
عندما ينفتح بلف الحراره لمرور الماء البارد القادم من الرديتر
يصبح الخرطوش لين ،،، حتى ينقفل البلف مره آخرى بعدها يرجع الخرطوش
يقسى مره ثانيه لان البلف قفل ولا يسمح بمرور الماء

[فيصل 2]

أشكركم اخواني على نصائحكم والله يعطيكم الف عافيه ..

ولاكن ممكن احد يقول لي كيف اعرف ان راس مكينه فيه شعر ولا لا ..
يعني وش يصير في السياره اذا تشعر الراس ..

مع العلم ان الزيت تمام مااختلط مع الماء ولا ينقص ولا شئ ..

[فيصل 2]

مابقى شي ماغيرته وفي الاخير صار مسح راس المكينه ...الله يعين وماقصرتوا يا شباب

[abohmad]

تاكدمن كلش المروحة سبب رئيسى للحرارة

[(((.ابوتميم .))))]

شف الطبات واليات الي تحت والخراطيش وبطن الموتر واذا وقفته طل تحته يمكن يبين لك تهريب ولاشي
لاتستعجل في مسح الراس شيك على الامور ذي همن ابد في الراس

[فيصل 2]

احد الاخوان نصحني اوديها ورشه ابو صالح في الصناعيه القديمه تخصصها باترول ..

لاكن مافيه سبب يخلي السيارة اعبيها ماء واخذ لفه وبعدين ترتفع الحراره ويطلع الماء بقوه من علبة الاحتياط للرديتر وصوت غليان ..

[م م ع 686]

اخوي مشكلك والله اعلم من الراس يبيله مسح

اما اذا كان ارتفعت الحراره اكثر من مره يعني حول H فالراس منشعر

والله يعينك

[وعيد]

صار معي طلع من القربة الي يمين الراكب مكسوره الماصورة البلاستك اللي تدخل فيها انتبه تكفا ترا مكينته مصييييييييييييييييييييييييييييييييييييييبة حول 30 الف لايحتر ومسح الراس لاتسويه انا قالو لي مسح الراس واخرتها بعشرة ريال معجون وراحت المشكلة

[قناص خلاوي]

احد الاخوان نصحني اوديها ورشه ابو صالح في الصناعيه القديمه تخصصها باترول ..

لاكن مافيه سبب يخلي السيارة اعبيها ماء واخذ لفه وبعدين ترتفع الحراره ويطلع الماء بقوه من علبة الاحتياط للرديتر وصوت غليان ..

اخوي لا تستعجل بفك راس المكينة
وليتك تمر على ابو صالح تراه رجال ناصح وفاهم للباترول
والله ييسر لك كل عسير

[صباح القايله]

اخوي اذكر فيه واحدكان يحتمى ويغلي اذ وقف لكن اذا مشى عليه برد والظاهر صار طرمبه الماء متاكله
وارجو اني افدتك

[محسن اليامي]

فيصل لاتستعجل بفك الراس انا صار معي نفس اللي صار معك بالضضضضبط طلع من غطا الرديتر

أخ فيصل ترى طريقة تعبأت الماء ليس من الراديتر مباشرة بل من المطاره اللي على اليسار اذا فتحت الكبوت

حتى يخرج الهوااااااء وتكون السياره بارده

للمره الثانيه لااااتستعجل

وانت حر الراي رجعلك