وش احسن فرار للباترول ؟؟

[مطر وربيع]

السلام عليكم ورحمه الله وبركاته
ركبت فرار برازيلي من السليماني ب550 مع التركيب
وهذه صورته
http://i.ebayimg.com/00/$(KGrHqYOKpME1qk46tk7BNp4VmGpNg~~_12.JPG

لكن للاسف ماقعد 3 شهور و انفرط وماعاد يشبك والحين السيارة بدون دبل !!
وش النوع الي يتحمل الجلد والكرف والتكسير غير الavm البرازيليات ويركب على الباترول
موديلات 88-97؟؟
وفيه فرار صيني في محلات قطع غيار نيسان ب400 الطقم وشرايكم فيه ؟؟
والي يسئل عن الفرار عبارة عن فاصل يفصل الهوب مع الجنط عن العكس اللي في الدفرنس
الامامي ويصير العكس+الكرونة +عمود الدبل مفصولة وماتدور اذا تحركت السيارة اما اذا
كان مشبوك الكفر مع الهوب يحركون العكس والعكس يحرك الكرونة والكرونة تحرك
عمود الدبل والفايدة من تركيب الفرار توفير بنزين بنسبة قليلة جدا + تخفيف للدركسون
بنسبة بسيطة وزيادة العزم خصوصا في الخط حاجة بسيطة والشي المهم الي خلاني اركبة
انك تفتك من صوت حنة (حرة) عمود الدبل المزعجه .

[يزيد 999]

فيه نوع ياباني يجي على الشاصات يمدحونه سعره 800 ريال بس المشكله ماأدري وين ألقاه ؟؟

[ابوسند9]

اخوي
مشكلتك انك ركبت النيكل واشوف واجد ناس تسبه اما يخرب او يفرط وانت بالنفود
وعندهم نوع اسود اي السليماني وهو الافضل ولاقد سمعت احد اشتكى منه وانا مركبه له اكثر من اربع سنوات وماشي معي تقريبا الى الان 250 الف كيلو

[لاتكب البيالة]

الفرار الاسود ما مثله ولا لوحظ عليه عذاريب

[sgl2002]

الفرار مشكلته مع الكرف والجلد ترتخي مساميره

يعني انتبه شيك على المسامير دايم وركب الاسود

[الخلاوي 15]

انا مركب النيكل برازيلي من السليماني

لي سنين ماذكرها بالضبط لكن فوق 4 سنوات تقريباً

جلد وكرف والحمدلله ماشاء الله ماشفت منه شي ..

مساميره ترتخي وماكربت عليه الا مره وحده

[Messerschmitt]

اخوي وش تبي بالبرازيلي ووجع الراس ؟

ركب لك فرارات وارن ( warn ) الامريكيه

وريّح مخك.

[مطر وربيع]

اخوي وش تبي بالبرازيلي ووجع الراس ؟

ركب لك فرارات وارن ( warn ) الامريكيه

وريّح مخك.

وين تنباع ووش رقم موديل النوع الي يركب على الباترول
؟؟

[Messerschmitt]

تلقاهن عند السليماني يالذيب

وكل فلنجاتهن وورداتهن حديد

موب مثل البرازيلي بلاستيك

[مطر وربيع]

قريت في منتدى استرالي للباترول يقولون افضل فرار هو فرار الوكالة النيسان الاصلي لكن هل الحمراني يبيعه!!!

[abohmad]

السلام عليكم انا مركب برازيليات نفس اللى عندك فى الصورة وصارلهن 4 سنوات على سفارى ما صارلهن شى مع العلم انى راعى بر

[You Like Me]

وعليكم السلام ورحمه الله

والله النيكل الكل يشتكي منها وغثيثه وبثره في فكها وتركيبها
جرب السود قبل المخاسير تلقاها عند السليماني نفس السعر مع التركيب



قريت في منتدى استرالي للباترول يقولون افضل فرار هو فرار الوكالة النيسان الاصلي لكن هل الحمراني يبيعه!!!

موجوده عند الحمراني بـ 950
هذا الكلام قبل سنتين مادري اذا السعر تغير

[أبو طيار]

حسب معلوماتي ان الفرارات البرازيليه اللي عند السليماني كلها نفس بعض مابينهن فرق الا بالشكل فقط على كلام المحل نفسه وبالنسبه للفرارات السود معي على الباترول طلعت من شروره يوم وصلت ابها ولا واحد من الفرارات طاير موب موجود >>الظاهر جازت له البرادات هناك ورغب
العلم سأل واجد عن الفرار الزين طلع احسن شي الامريكي وفيه نوع يجي تماتيك ركبه وانسه اذا عشقت قير الدبل يشتغل مايحتاج تنزل تفره ويملا يدك بالزيت >> هذا قووووي جازلي بس يقولون موجود بدبي والله اعلم

[geerman]

انصحك تركب فرار نيسان قوي جدا"
يكفي انه من نفس الشركه وهم اعلم بسياراتهم
وهدي صورته
للمعلوميه الفرار الوحيد الدي تستطيع تركيب غطاء الجنط على الفرار

http://www.mekshat.com/pix/upload05/images249/mk249553_4fc3ee3af09a7.jpg

[yusr]

اليوم باروح للوكاله اسئلهم عن الفرار لي فتره وانا اوي اركب
بس السؤال للمجربين وخصوصآ على البيترول هل هو مفيد ام مجرد فروقات بسيطه مع العلم اني راعي بر وخطوط طويله يعني الخطوط السعوديه غاسلين يدهم اني اركب معهم
ولكم مني دعوه ان الله يوفقكم ويرزقك الجنه