استفسار عن ماكينة ال تي ون

[طيار ارضي]

السلام عليكم

اخواني انا عندي باترول 92 وحبيت اغير ماكينته مع انها نظيفه وعزمها حلو

لكن لقيت واحد يركب لي ماكينه ال تي ون ب 6000 ريال كامله وجاهزه وحتى التكيييف يقول يضبطه

وش رايكم اركب ولا اخلي الماكينه شد البلد وهل هي اقوى من ماكينة شد البلد ..؟

[آخر العنقود]

هلا اخوي هالمكينه تعتبر قديمه شوي و على حسب استخدامك اذا انت راعي نفود وتحتاج نشاط للموتر فالمكينه بتطربك ومهوب راده شي وصرفية البنزين تكون اقل بس اهم شي ونصيحه لوجه الله لا يركبها الا واحد متخصص عشان يضبط الضفيره والكمبيوتر والعده كامله يعني ورشه وحده اللي تشتغل بموترك عشان ما يبهذلك بطفية الكهرب كل شوي واحرص على ان المكينه تكون نظييييييفه..

[أصيل حجآ زي]

وعليكـــُم السلام


كلام الأخ / أخر العنقود سليم ومنطقي .


بس أنا أنصحك تخلي مــُــحرّك سيآرتك الأصلي هو أفضل من شيء مجهول .


ولا يغـــُرك كلام الورش .
ما يمدح العروس الا أُمها .
بيعطيك الشمس بيمينك والقمر باليسآر .
وبعد قبض الدرآهم أنسى أنــُه يصلح لك شيء .
أغلب الموجود تجآري أو تقليد أو مُلفق في التشآليح .
التشآليح يخلطون عبآس بدبآس والحآبل بالنآبل ـ
يركبون من غير موآصفآت دقيقة ولا كـــُتــُب مرجعية .
ولا أجهزة أختبآر أو قيآس دقيقة .
مــــُر على ورش التشآليح وتصدق أو تكذب قولي .
أحذّر يخدعوك وأسأل مــُجرّب .

[abo naser 1]

السلام عليكم

LT1 ثقيله وراعية حرارة و مشاكل كهرباء طبعاً افضل من عزم البلد لاكن ما انصحك فيها