استفسار يالنشامى

[أبومحمد عنيزة]

السلام عليكم

حبيت استفسر يالربع انا معي هدد (جي) 2007 وحاب اركب استبنة (سبير) كفر ورا بالشنطه مثل الجي اكس ار وغيره هل تنصحوني وهل فيه ضرر على الموتر ووين أحصله وجزاكم الله خير ,طبعا البيبان اللي ورا ليست شنطه مثل جيب اللكزس وانما بابين يفتحن على الجنب

[ساهر اليل2010]

السلام عليكم ورحمة الله وبركاته
والله مافهمت من كلامك شي
لكن الضاهر انك تبي تركب سبير علاق بالشنطة(طبعا البيبان)
ويصير سبير علاق بيبان صح ولاغلطان
والله ماشوف فيه ضرر نهائيا لامن قريب ولابعيد
لانه من الإكسسوارت وماله علاقة بشي
بالتوفيق

[أبوفهد19]

السلام عليكم ورحمة الله وبركاته،،،
أخوي ابومحمد راعي عنيزه والله والف نعم،،
شف انا ياوحداً معي الاندكروزر اسبير علاق،
وعانيت من صرصره وازعااااج ماله اول ولا تالي..
لين رزقاً الله بواحد يفهم وقال لي حط قطع لصتك عشان تروح الصرصرهوالقربعه حقة الاستبنه،،
وقلت خلنا نجرب والله الحمد لله ضبطة معي لا صرصره ولا ازعاج ولا غيره ،،
فانا انصحك به لاكن ركب لك قطع لصتك عن الصرصره والازعااااج،،

[ابوريان القحطاني]

اخوي انا كان عندي في اكس ار 2009 وكانت ناوي اركب اسبير علاق وطرحت اكثر من موضوع

ووالنتيجه انك ماتتعبث احسن لك خل الموتر شد بلد شيك على المواضيع هناء بالمنتدى

وواحد من الزملاء راكب اسبير علاق الصراحه لعبو في موتره لعب تلحيم ورش بويه وطاح عليه

واذا عزمت مر على ابن مرضاح او مرضاخ في الصناعيه القديمه في الرياض والله ييسر امرك