السياره بالأمس تحولت الى كهرباء من البرووووق

[الوافي99]

السلام عليكم ورحمة الله وبركاته

اخواني اعضاء مكشات اتمنى ان اجد طريقة تقينا جميعا من مثل هذه الحالة .

بالأمس قبيل المغرب بنصف ساعه توجهت من محافظتنا الرس الى طريق الجنوب الرس - دخنه كان هناك سحابه:r على الكمب تقريبا المهم رشت علي رش متوسط وسريع لبد الارض وكان البرق فوقي :l بعد ان خف البرق نزلت وركبت اريل الكنود ابستمع لقناة الالغاز غالبا ما يذكرون امطار جلست في مكاني وعجت علي شوي وخف العج قلت انزل اصلي المغرب فتحت الباب ونزلت ويكهربن الباب قلت الثوب اكيد فيه شحنات والمسه مره ثانيه للأغلاق ويكهرب :eek: والمس البدي من كل جهه فيه كهرب قلت اطفي السياره لاتشتب علي :f وبلشت كيف افتح الباب المس اليد بسرعه وبمنديل ويكهرب رغم العزل فتحت الباب ومسكت المفتاح ابطفي السياره ويكهرب واحط بدون مبالغه اربع مناديل وامسك المفتاح ويكهرب طفيت السياره ونزلت مافي اي برق الان عج خفيف وبرق بعيد عني الان ابفك اريل الكنود عجزت المسه جبت الزراديه وقطعت الكيبل وفكيت الاريل بالزراديه لانها معزوله اول مافكيته وطلع من المربط واسمع ززززززززززززز وانا احلته بقوه يا جماعه برق مافييييه لحظته المهم الكهرب منتشر بالسياره ولا راح او تفرغ الا بعد نصف ساعه من فك الاريل وقطع الكيبل الصراحه الاريل ترددت بحمله خايف منه :D لحظات عشته بهبله مابعده هبله .

الخلاصه : كل الناس تركب اريل وانا كذا مره اصير تحت البرق ولا صار هالشي .

الاريل مثبت على السله والسله معزوله كل قاعده للسله تحته ربله ودليل العزل فيه لمبات صفر مايشتغلن الا اذا حطيت سلك من الجنط الى السله .

فيه برج جوال ارفع مني يبعد 250 متر تقريبا .

ايش اسوي لكي لاتتكرر هذه الحاله مستقبلا هل هناك طرق تفريغ اضعها بالسياره .

الكهرب اللي انتشرت بالسياره كل ما ازيد الضغط على البدي يزود واعلى شيء حسيته هو زي كهرب اسلاك التلفون الداخله للعلبة اذا احد حس بها

[الربذي]

هل حولك اسلاك ضغط عالي مره وقفت تحتها ومطر خفيف ولاذعني باب السيارة
اخر يمشى بسحب ومطر وتخيل اريل الايكوم صار يطلع صوت تستسه من حره ولمسه وكواه صاير اشقر وهو لابرق ولا شي بس خطير الكهرباء من السحب وتراها مصيبة وققت الرعود يجذب الصواعق زميلي ضربه برق مشغل الرادوا ومعه في اكس ار وقتها 2004 وموديل السنه فل كامل كلفه التصليح 21الف

[سعد القاسم]

الحمدلله على السلامه ياخوي

ما ادري اذا كانت فعلا المشكله من الاريل على قولتك ياخوي فكره ولا تركبه الا اذا بغيت تراسل وانا على هالطريقه لان المراسل ما احتاجه واجد

وايضا تاكد من موضوع التسليك والراجع مهم جدا

[الوافي99]

هل حولك اسلاك ضغط عالي مره وقفت تحتها ومطر خفيف ولاذعني باب السيارة
اخر يمشى بسحب ومطر وتخيل اريل الايكوم صار يطلع صوت تستسه من حره ولمسه وكواه صاير اشقر وهو لابرق ولا شي بس خطير الكهرباء من السحب وتراها مصيبة وققت الرعود يجذب الصواعق زميلي ضربه برق مشغل الرادوا ومعه في اكس ار وقتها 2004 وموديل السنه فل كامل كلفه التصليح 21الف

هلا اخوي الربذي :)

لا ماحولي اسلاك ضغط عالي والله يستر احيانا امر تحتها وي تمطر .

شكرا لمرورك

[الوافي99]

الحمدلله على السلامه ياخوي

ما ادري اذا كانت فعلا المشكله من الاريل على قولتك ياخوي فكره ولا تركبه الا اذا بغيت تراسل وانا على هالطريقه لان المراسل ما احتاجه واجد

وايضا تاكد من موضوع التسليك والراجع مهم جدا

هلا اخوي سعد القاسم

الله يسلمك من كل شر اكيد 100 % من الاريل.. لاكن انا افكر كيف السياره تكربت مافيها تفريغ؟

والاريل ماركبته الا بعد المطر والبرق لاكن اتوقع الرطوبه بالجو فيها شحنات وجذبها الاريل

[sameer_1798]

ياخوي الجو كان وقتها مشحون بالكهرب وانتقل للسيارة مع الاريل صارت معي قبل فتره وخوفني الوزيز اللي بالسيارة وشلت الاريل بدري قبل تنشحن السيارة .
إذا الاريل عندك ثابت ولا بد من المراسلة في هذه الاوقات ضروري تنزل سلسلة من السيارة وتكون قريبة من الارض عشان تتفرغ الشحنات بالارض شوف اهل تريلات البنزين يسونها عشان يفرغون الشحنات اللي على السيارة من حركتها بالطرق الطويلة ....... وهذه الكهرب يسمونها الكهرب الساكنه شحنتها خفيفة ولكن لو اجتمعت تكون قاتلة وخصوصاً في السيارات سريعة الاشتعال او أثناء العواصف الرعدية .

على فكرة في منتج يغنيك عن السلسلة للتأريض وهو حزام تأريض او تفريغ الشحنات اللي بالسيارة شوفه عند رفيق الدرب وكتب عنه بهذا الموضوع :
http://www.mekshat.com/vb/showthread.php?t=418529

[الوافي99]

ياخوي الجو كان وقتها مشحون بالكهرب وانتقل للسيارة مع الاريل صارت معي قبل فتره وخوفني الوزيز اللي بالسيارة وشلت الاريل بدري قبل تنشحن السيارة .
إذا الاريل عندك ثابت ولا بد من المراسلة في هذه الاوقات ضروري تنزل سلسلة من السيارة وتكون قريبة من الارض عشان تتفرغ الشحنات بالارض شوف اهل تريلات البنزين يسونها عشان يفرغون الشحنات اللي على السيارة من حركتها بالطرق الطويلة ....... وهذه الكهرب يسمونها الكهرب الساكنه شحنتها خفيفة ولكن لو اجتمعت تكون قاتلة وخصوصاً في السيارات سريعة الاشتعال او أثناء العواصف الرعدية .

على فكرة في منتج يغنيك عن السلسلة للتأريض وهو حزام تأريض او تفريغ الشحنات اللي بالسيارة شوفه عند رفيق الدرب وكتب عنه بهذا الموضوع :
http://www.mekshat.com/vb/showthread.php?t=418529

هلا بك اخوي سمير :)

والله المنتج شكله حلو ابمر اشوفه لعله يريحنا من المشاكل

[سعد القاسم]

ذكرت شغله مهمه صارت لي من زمان

اكيد لها علاقه بموضوعك

اول كان عندنا جهاز بالبيت وشابك عليه استيشن وكان مع الاجواء المتقلبه والبروق والحوسه هذي يطلع كهرب
فكنت افك السلك الي هو سلك الاريل الي مشبوك بالجهاز واخليه يفرغ باقرب حديده عندي مثل الي اخليه يحك فيه لاجل التفريغ ودايم كل ماصار جهاز المراسله يكهربني اثناء اللمس سويت هالطريقه ...

وفعلا الان اكاد اجزم ان الدعوه كلها من الاريل

بالنسبه للقواعد الي تقول عنها قواعد السله الربل انها تمنع الاحتكاك مع بدي السياره ..

اعتقد مالها علاقه والله اعلم لان مشكلتك واضحه بجهاز المراسله شف عاد اي تهريب عندي اثناء التشبيك تلقاه يتفرغ منه الكهرب لبدي السياره والله اعلم شيك على تمديدات الجهاز لا اقل ولا اكثر

[الوافي99]

ذكرت شغله مهمه صارت لي من زمان

اكيد لها علاقه بموضوعك

اول كان عندنا جهاز بالبيت وشابك عليه استيشن وكان مع الاجواء المتقلبه والبروق والحوسه هذي يطلع كهرب
فكنت افك السلك الي هو سلك الاريل الي مشبوك بالجهاز واخليه يفرغ باقرب حديده عندي مثل الي اخليه يحك فيه لاجل التفريغ ودايم كل ماصار جهاز المراسله يكهربني اثناء اللمس سويت هالطريقه ...

وفعلا الان اكاد اجزم ان الدعوه كلها من الاريل

بالنسبه للقواعد الي تقول عنها قواعد السله الربل انها تمنع الاحتكاك مع بدي السياره ..

اعتقد مالها علاقه والله اعلم لان مشكلتك واضحه بجهاز المراسله شف عاد اي تهريب عندي اثناء التشبيك تلقاه يتفرغ منه الكهرب لبدي السياره والله اعلم شيك على تمديدات الجهاز لا اقل ولا اكثر

هلا فيك اخوي سعد القاسم :)

اشكر لك اهتمامك ومتابعتك للموضوع .

فعلا كلامك سليم السله معزوله تماما والدليل اللمبات ماتشتغل الا بماص اوصله للسله.

الكهرب انتقل من الاريل الى الكنود ومن ثم اجزاء السياره لان الكنود مثبت بالطبلون ومربوط بالحديد حق السياره وزين اللي مافقع بوجهي والأحسن هو اني ما راسلت ابد .

[mhm-191]

قد صارت معي العام الماضي نفس الطريقه بالضببط


كان مركب على جنب السياره اريل كنود ( للزينة فقط بدون سلك وغير مشبوك عالكهرب ) وكان ساعتها علي بروق ومطر .... يوووم حولت من الموتر المغرب واسمع مثل الصوت اللي قلت

صوت زنننه ,,,,, لكن الموتر مااتكهرب ,, وجلسنا نتسمع للصوت وينه فيه اليييين سمعناه من صوب الاريل , ساعه مسكته ابي افكه , وهو اللي يكهربني ... نزلت شماغي وفكيته بسرععه وحذفته بعييد عن الموتر ,,, بعد وقت مسكتهه ولا حصلت لاكهرب ولا صوت .....

[الوافي99]

قد صارت معي العام الماضي نفس الطريقه بالضببط


كان مركب على جنب السياره اريل كنود ( للزينة فقط بدون سلك وغير مشبوك عالكهرب ) وكان ساعتها علي بروق ومطر .... يوووم حولت من الموتر المغرب واسمع مثل الصوت اللي قلت

صوت زنننه ,,,,, لكن الموتر مااتكهرب ,, وجلسنا نتسمع للصوت وينه فيه اليييين سمعناه من صوب الاريل , ساعه مسكته ابي افكه , وهو اللي يكهربني ... نزلت شماغي وفكيته بسرععه وحذفته بعييد عن الموتر ,,, بعد وقت مسكتهه ولا حصلت لاكهرب ولا صوت .....

هلا بك اخوي mhm-191:)

فعلا الاريل خطر وانا كنت متساهل فيه لاكن لازم اسوي تفريغ وابجرب حقت رفيق الدرب ان شاء الله