حل مشكلة تأمين الأستبنه لليوكن والتاهو بالصور من 2007 وفوق

[abu danh]

السلام عليكم ورحمة الله وبركاته


طبعاً انا واحد من الي كانو يعانون من مشكلة تأمين الاستبنه وحاولت اكثر من مره ولكن دون جدوى واكثر البناشر ما عرفوها < - - - عطاكم قصة حياته :D



المهم جيت اليوم وبالصدفه نزلت تحت السياره وادخل يدي فوق الاستبنه اجرب وما خليت شي الا وضغطته واكتشفت الحل بعد فك الاستبنه وهنا الصور



طبعا اذا علقت الاستبنه تدخل يدك فوق الاستبنه وتضغط على القفل بيدك من اليمين الى اليسار حتى يدخل التأمين ويطلع من الجهه الثانيه كما هو موضح بالصوره


http://www.m5zn.com/uploads3/2012/5/10/photo/051012090540blhhjgzf56hzq4cg.jpg


اتمنى وضحت المشكله


واتمنى الدعاء لوالدي رحمه الله
والدعاء لي بالتوفيق

[سمو الصاحب]

الله يرحم ابوك ويسكنه فسيح جناته
ويوفقك بالدنيا والآخره

ومشكور يالغالي على التوضيح
يعني المفتاح بس يفتح والقفل يدوي

[abu danh]

جزاك الله خير

التأمين يقفل بسبب الشد الزايد للأستبنه

اذا رفعت الاستبنه مكانها لا تشد الواير مره عشان لا يتأمن

واذا تأمن لابد انه تفتحه يدوياً

[مخ سعودي]

الله يبيض وجهك ويرحم والدينك
وبكل امانه ماعمري فكيت استبنه موتري الله ساتر علي الى الحين مع ان الكفرات تعبانه حقت موتري مشمسه بس
ولاعمري جربت افك الاسبير بس تعلمت منك
لك مني اروع تحيه

[بدوي جنوبي]

أشكرك على التوضيح
اللى عندك مافيه فتح التأمين بالمفتاح ؟


http://www.mekshat.com/vb/images/rating/rating_4.gif

[abu danh]

حياكم الله جميع

اخوي بدوي جنوبي عندي الاسبنه تفتح مفتاح ولكن ما نزلت الاستبنه ألا لما سويت الي بالطريقه

هل فيه طريقه ثانيه !

[عبدالرحمن الحربي]

أول شي سويته بعد طلعت ما شريت السيارة تعلمت وشلون أنزل ونش الإستبنه بالكامل وطلع الكفر

[abu danh]

هلا بك اخوي عبدالرحمن

كثير يعانون من مشكلة تعليق الاستبنه وما تنزل وكان هذا الحل

[* ابو باسل *]

رحم الله والديك وجزاك الله كل خير .

[TAHOE2005]

رحم الله والدك
واسكنه فسيح جناته

[GM_400]

مشكله معروفه ومنتشرة في الجمووس الجديده كثير مرات اشوف ناس مبنشره وضاع وقتها تحت الاستبنه لتنزيلها

ياليت اخوي توضح أكثر لاهنت

جزاك الله خير

[abu danh]

جزاكم الله خير

اخوي Gm

وشو الي ما فهمته بالضبط لأن الشرح واضح

[بدوي جنوبي]

حياكم الله جميع

اخوي بدوي جنوبي عندي الاسبنه تفتح مفتاح ولكن ما نزلت الاستبنه ألا لما سويت الي بالطريقه

هل فيه طريقه ثانيه !

والله ما اعرف طريقه ثانيه
أصلا اول مره أعرف ان الاستبنه تقفل :p
بالرغم انى أستخدمت
98
99
2003

[abu danh]

اجل احمد ربك

انا سافرت من خميس مشيط الى الدمام ورجعت وهي مقفله وما كنت اعرف كيف فتح التأمين

بس ربك ستر


وضروري الواحد يتأكد من الأستبنه والعده قبل يسافر اي مكان

[بدوي جنوبي]

الحمد لله والشكر
أجل اتوقع سبب القفل هو المبالغه في شد الاستبنه
سبق وفكيت الاستبنه وشديتها وما حصلت معى نفس مشكلتكم

عندما ارفع الاستبنه أشد عليها بالواير حتى اشوف انها أستقرت وأحركها بيدي أذا شفتها ما تتحرك أكتفى
وما أشد عليها زيادة ،،،

[abu danh]

التأمين يكون لسببين

1- يكون الاستبنه ركبت خطأ بالمقلوب
2- زيادة شد الاستبنه في هذي الحاله تتأمن

[ابو حمد 2010]

جزاك الله خير على معلومتك القيمة والنافعة بإذن الله..

[abu danh]

حياك الله اخوي ابو احمد

[abu danh]

للفائده يرفع

[abu danh]

مع بداية الصيف وكثر السفر

تم رفع الموضوع للفائده

[ناصح]

فعلا مشكلة

الآن الساعة 12:45 في نهار رمضان واحد من زملائي في العمل تأخر واتصل علي وقال استبنة التاهو ما تنزل معه وهو في مواقف احد الدوائر الحكومية ..

وطلع بسيارة لموزين يدور بنشري ولا حصل

حاولت اشرح له عن طريق هذا الموضوع لكن مع الشمس الرجال ماهو مستوعب

الله يعينيه ..

[الكهربجي]

الله يستر على كل مسلم
والله لو يبنشر علي اليوكن اني لا ابلش مدري كيف تنزل الاستبنه

[alrzeenq8]

بارك الله فيك اخوووي
انا سويتها اول ماشريت اليوكن وعرفت طريقتها شلون... وفعلا احتجت لها في احد الايام وكنت عارف لها وماتأخرت في تبديل الاستبنه او الاسبير...
اهم شي تترك مجال تحت الاستبنه اذا نزلته الارض عشان تحط ايدك من تحته وتفك قفل الامان