تسجيل الدخول

مشاهدة النسخة كاملة : فزعتكم ياهل الخير مشكله عويصه


سمو الصاحب
10/05/2012, 09:00 PM
السلام عليكم ورحمة الله وبركاته
مشكلتي ان سيارتي (جمس) ملبسه ارضيه بالكامل
وانكب جركل ماء كبير بالشنطه
وتعبت ارضية السياره بالكامل ماء
ورحت للمغاسل وهواء وكل الحيل
بدون فائده
المويا تحت المراتب وتحت التلبيسه
ماهو الحل
السياره عفنت واخاف يعدم علي الفرشه الأرضيه
لوشلت المراتب وخليتها بالشمس
المشكله التلبيسه ماسكه الماء
الحقوني لاعدمتكم
ابوبشاير
11/05/2012, 02:43 AM
خذ العلم مالك الا تفك التلبيسة البلاستيك عند واحد مختص علشان يرجعها لك لان البلاستيك رايح يعدم الفرشة وهي مبلوله لابد من فك البلاستيك وشكرا شف ماهوب لازم تفك المراتب خل السيارة قزازة نازل وبها الصيف والله ان تنشف غصب
عبد الله 99
11/05/2012, 07:47 PM
جاني الي جاك و اردا معي جمس و في الشنطه قدر في مرق و كلت مطب و دخلت تحت التلبيسه بين البلاستيك و على الارضيه و خذ خياس بالموتر و صنان و انقز به للتلميع الساطع قال تستلمه بكره و قشع التلبيسه البلاستيك و فك المرتب كلها و نفظها و نظفها و غسل الارضيه و رجع المراتب بدون التلبيسه البلاستيك حسيت ان الموتر وكاله ما شاء الله عقب هالنظافه و عطاني كوبون قال لك خلال خمس سنوات تجيب الموتر و نلمعه ثانيه ببلاش بس صلخني بالسعر اول مره حول الـ 800 بس الموتر رجع ورده
بن جلاجل
11/05/2012, 08:06 PM
اخوي انزل تحت السياره بتلقا سدادات في الغماره عند الشاصي فككهم وبينزل الما وخل الموتر في الشمس
سمو الصاحب
12/05/2012, 08:20 PM
جزاكم الله خيرا
ولاعدمناكم
فكيت التلبيسه بالبيت
وناوي اروح البسها من جديد بس وين البسها (حسيت اني بلشه)
وين احسن مكان للتلبيس
وعسى لاخلى ولا عدم