عجوزن عمرها عدّا ورى السبعين............الحل:ارامكو.....حله:الخامسي1

[كاسر الحاجز]

بسم الله الرحمن الرحيم

السلام عليكم ورحمة الله وبركاته

هذا لغز خفيف جدا من اول رمعه تفقعون عينه



الا ياوش عجوزن عمرها عدّا ورى السبعين=لها عدة عيالن بالبحر والبر موجوده
عجوزن كل ماتكبر تحسن بين حين وحين=وسلايل نسلها بين البشر تعرف ومحموده

[ابوماريا]

وعليكم السلام ورحمة الله وبركاته
صح لسانك ياكاسر الحاجز وسلم بنانك
مرور ردالسلام
ولي عودة إن شاء الرحمن

[أفراح]

حل الغز يمكن الهواتف!!!!!!!!!!

[ذيب الفقارة]

مادام إنك تقول سهل بدون تفكير نقول :

السلحفاة

[الخامسي1]

بسم الله الرحمن الرحيم
السلام عليكم ورحمة الله وبركاته
هذا لغز خفيف جدا من اول رمعه تفقعون عينه

الا ياوش عجوزن عمرها عدّا ورى السبعين=لها عدة عيالن بالبحر والبر موجوده
عجوزن كل ماتكبر تحسن بين حين وحين=وسلايل نسلها بين البشر تعرف ومحموده





هلابك عد مايسكن بلاد الهند ومعه الصين
.................. ويا مرحب بمنه ايديه بجميع الطيب ممدوده

عجوزك مع هل البترول وشقيقتها بترومين
................. وبعد ما عربت ( أرامكو ) تصنف مع هل الجودة



وان ما صادته اخبط سابك مكانها عندي إحساس قوي انها وحده حولنهن !!!!!!!!!!!!!!!

[badr2003]

السلام عليكم
رمعة تكنولوجية
وش رايك بذي واخواتها
http://st2.gsmarena.com/vv/bigpic/nokia-n70.gif
n70

[كاسر الحاجز]

وعليكم السلام جميعا
الاخوان:
ابو ماريا
افراح
bader2003
اشكر لكم مروركم وتواجدكم ورمعاتكم

[كاسر الحاجز]

هلابك عد مايسكن بلاد الهند ومعه الصين
.................. ويا مرحب بمنه ايديه بجميع الطيب ممدوده


عجوزك مع هل البترول وشقيقتها بترومين
................. وبعد ما عربت ( أرامكو ) تصنف مع هل الجودة



وان ما صادته اخبط سابك مكانها عندي إحساس قوي انها وحده حولنهن !!!!!!!!!!!!!!!



الايامرحبا ترحيبة الغالين للغالين=عدد ماهل وبل الغيث ياللي جبت مقصوده

انا اشهد رمعتك للغز طيرته بوسط العين=تقول ارامكو وارامكو للنفط معهوده

بيض الله وجهك والحل هو (ارامكو)

[ابوماريا]

سلمت ياكاسر على اللغز
وكفوووووووووو ياأبونايف ثم كفوووووووووو

وبيض الله وجيهكم جميع

[كاسر الحاجز]

سلمت ودمت يابو ماريا
ولا هانوا الاخوان كلهم
واخص اخونا ابو نايف اللي فقع عين اللغز
وانا مريت سريع على شان ارد على الرمعات ولاوضحت
طبعا العيال هي حقول النفط المتواجده في البحر والبر
وسلايل النسل المشتقات البتروليه بأنواعها
وسلامنكم

[الخامسي1]

الايامرحبا ترحيبة الغالين للغالين=عدد ماهل وبل الغيث ياللي جبت مقصوده
انا اشهد رمعتك للغز طيرته بوسط العين=تقول ارامكو وارامكو للنفط معهوده
بيض الله وجهك والحل هو (ارامكو)


كرمت ودمت يا معزب وجزل وجاب لغزً زين
........ وحظي جابها صدفه وذا جودي وما جوده
وابشر بالعوض مني بدال اللغز لك لغزين
......... ورفيق الخامسي دايم يعرفه يوفي لوعوده



اشكرك جزيل الشكر
لغز كفو
شاعر كفو
دمت مبدعً ولا تحرمنا من جديدك
الف شكر أكررها لك على حسن ردك