الفزعه يا هل الخبرة....

[شلهوووووب]

السلام عليكم ورحمة الله وبركاته وبعد...؛

أفيدوني ياهل الخبرة لاهنتو


عندي طير حر مربوط من خمسة شهور ((5 شهور)) ولم يحذف اي ريشة والطير خالي من جميع الامراض والطيور التي ربطت بعده في نفس المربط بقي منها ثلاث ريش :(
وش الحل:confused:
ولكم جزيل الشكر...

[غريم]

يمكن مدهنة الطير ناشفه دقها ببره صغيره لين يطلع الدم وبعدين اطلها بزيت زيتون وملح مخلوط مع بعض وانشالله يحذف بعدها

[(هزاع)]

خذ الطير وفحصه بالمستشفى مازال لديك وقت

[عواد الشمري2]

عادي فيه طيرين عندي واحد حذف قبل امس واحد اليوم حذف بس عليك بعلف الجرابيع والبيض

[سيف الهواء]

كان عندي حر حذف ووقف عن الحذف طول واتصلت على مستشفى الطيور
بالرياض وقالي الطير يعلف على رمل ناعم وقلت نعم قال هذا التهاب ووصف
لي فيتامين وعطيته الطير والحمدلله حذف الطير واموره زانت

[عابر الموج]

يمكن مدهنة الطير ناشفه دقها ببره صغيره لين يطلع الدم وبعدين اطلها بزيت زيتون وملح مخلوط مع بعض وانشالله يحذف بعدها


نعم كلام اخوي غريم في محلة ولكن العويدي رجل خبير لمثل تلك الامور تقبل تحياتي

[شلهوووووب]

شكرا على مروركم

[ذراع الذيب]

السلام عليكم ورحمة الله وبركاته وبعد...؛


أفيدوني ياهل الخبرة لاهنتو


عندي طير حر مربوط من خمسة شهور ((5 شهور)) ولم يحذف اي ريشة والطير خالي من جميع الامراض والطيور التي ربطت بعده في نفس المربط بقي منها ثلاث ريش :(
وش الحل:confused:

ولكم جزيل الشكر...

وعليكم السلام ورحمة الله وبركاته..
مسيت بالخير ياشلهوووب..

وشلون هي صنعته ؟؟ واغلب الطيور اللي تتأخر بالحذف تكون فيها مشكله بالمدهنه..
والعام متى صكت مواسيه؟؟ وتحياتي لك,,

[شلهوووووب]

وعليكم السلام ورحمة الله وبركاته..
مسيت بالخير ياشلهوووب..

وشلون هي صنعته ؟؟ واغلب الطيور اللي تتأخر بالحذف تكون فيها مشكله بالمدهنه..
والعام متى صكت مواسيه؟؟ وتحياتي لك,,
مساء الخير يا أخ ذراع الذيب..
الطير فرخ وصنيع وانربط بعد ما انكف المقناص وتحياتي لك،،

[انور العنزي]

كان عندي حر حذف ووقف عن الحذف طول واتصلت على مستشفى الطيور
بالرياض وقالي الطير يعلف على رمل ناعم وقلت نعم قال هذا التهاب ووصف
لي فيتامين وعطيته الطير والحمدلله حذف الطير واموره زانت

وش اسم الفيتامين للفائده والحل الثاني شكل له بالعلف عطه جرابيع او حمام غير بالعلف وحاول تشوف واحد خبره اذ ماتقدر تاصل المستشفى وخله يشوف مدهنة الطير اذا فيها مشكله واضح لاتحط في بالك ويمكن مافيه شي بس يتاخر شوي واللي يذب الحين اعتبره طبيعي تنقل بعد عشره هجري :good2:

[ذراع الذيب]

مساء الخير يا أخ ذراع الذيب..
الطير فرخ وصنيع وانربط بعد ما انكف المقناص وتحياتي لك،،
اجل مثل ماقالو الاخوان تأكد من المدهنه..
واعطي الطير فيتامينات يحتاجها لحذف الريش والله يجعل طيرك يصفي اول الطيور..
وتحياتي لك,,

[شلهوووووب]

اجل مثل ماقالو الاخوان تأكد من المدهنه..
واعطي الطير فيتامينات يحتاجها لحذف الريش والله يجعل طيرك يصفي اول الطيور..
وتحياتي لك,,
مشكووووور وماقصرت واشكرك جزيل الشكر على اهتمامك والله يجعلك ذخر لي ولغيري:good2:

[أبو فااارس]

هلا شلهوب .. الطير نزر ولاهو بمرتاح بالمربط والفروخ بطبيعتها لاصار مادهلت زين وربطت ونفسيتها تعبانه تأخر بالحذف وتو الوقت معاه لنص شهر 7 وانشاء الله تزين اموره ويذب

[سيف الهواء]

اسم الفيتامين والله ماعرفه لكن احاول اجيبه
وارسل لك اسمه او صورته

[شلهوووووب]

شكرا على اهتمامكم،،،،،،،

[طير الهقاوي]

السلام عليكم ورحمة الله وبركاته
عند حلول شته اولها بذكرها لك وان شاء الله ماعليه خلاف دامك مانقدة عليه بشي
الاول امسك الطير ووزنه وشف وزنه اذا الطير صنعته زينه تمام الحاجه الثانيه تأكد من المدهنه
الحاجه الثالثه وهي الاخيره اذا الطير سليم من جميع النواحي تاكد انه بحذف فيه طيور الى الان ماحذفت والحر مبروك يجي على قروه
انا قبل امس حذف فرخ عندي اول ريشه له الي هي السابعه
وبعدها الحقها اليوم السادسه
يعني ياقلب لاتحزن وفيه طيور نطلت سوا السابعه والسادسه جميع
طيرك مافيه شي ولا تستشك فيه
واعتقد السبب المدهنه تاكدلي بس من المدهنه
وسلامي لك اخر كلامي

[البروالطير]

السلام عليكم

ان شاء الله راح يحذف الطير خلال هالايام
اخواني عندهم افروخ لغاية 5 مايو ما حذفت شي
ما اعلم السبب لكن تأخرت.

[جلاد الحباري]

والله اني اشك في المدهنه لازم يدقها واحد فاهم المدهنه دقها ماهو بالسهل

[عاذي]

اقصر للطير بالعلف لين ينزل وزنه ثم ارفع له بفروخ الحمام ولا تعطية الا فروخ وخمسة عشر يوم تشوف ان شاء الله تعالى حذف الريش .