تاخر تعشيقات قير تاهو 2001

[رامي النيشان]

السلام عليكم ورحمة الله وبركاته
كيفكم جميعا
المشكله يا اخواني بقير سيارتي تاهو 2001 كنت مسافر ووصلت الديره
ولاحضت ان القير مايعشق للغيار الرابع
وقفت وابي ارجع مايتحرك كانه فاضي لاكن قدام يمشي
خليته لثاني حاولت ارجعه مايتحرك فحصت مستوى زيت القير لقيته زايد وفيه ريحة حراق( قبل شهر مغير زيت القير مع الفلتر ولقيت به رايش)
مشيت به مشوار وعند التعشيق للغيار الثاني سمعت صوت طقه قويه وقفت وانا اعشق ريوس
ورجع تمام لاكن المشكله الحين صار تاخير بالتعشيقات مو طبيعي الضغط يوصل 4
وهو ماعشق والغيار الرابع مايعشق ابد
وش توقعون المشكله يا اخوان

[معاذ الخنيني]

السلام عليكم ورحمة الله
مايبيله اخوي القير لحق عليه
ولا تسافر فيه ولاتشد على الموتر ابد
الله يسهل عليك ويسمح امرك


اللهم اعني على ذكرك وشكرك وحسن عبادتك
وعلى الأمر بالمعروف و النهي عن المنكر
أنا وأخي وجميع المسلمين
وأغفر لنا

[هواوي الشمال]

تاخير التعشيقات دايم تكون من فلتر وزيت القير شكلك من مبطي ماغيرته ؟

[رامي النيشان]

جزاكم الله خير
الزيت مغيره قبل شهر مع الفلتر
رحت الصناعيه قبل شوي قالوا مشكلته الكلتشات لازم توضيب يكلف 2500
وانا امشي الغيار الثالث يفلت
ولقيت بالتشليح قير سوبربان مستورد 2005 بـ 3500
وش تنصحوني به اوضب ولا اخذ تشليح

[جمس_454_97]

اخوي الغالي هذي كلتشات القير
اما بالنسبه انك توظف او تغير انا مانصحك بالتغيير اذا فيه ورشه ممتازه
لانك راح تركب كل شي جديد ولا تنسى يمكن تغير القير تطيح بلك قير مرقع من التشاليح وعموده فيه مشكله وتدخل في عوامه قيرك تعرفه ومافيه شي والكلتشات طبيعي انها تخرب
لكن فيه هندي بصماعية الخليج والله انا موظب عنده قير ممتاز شغله وسعره حلوووو
ولا يركب لك قطع الا امريكي اصلي رقم ورشته 217 اذا ماني غلطان
وانتبه تحط زيت تجاري او الفلتر القير تجاري احرص تشتريها من الوكاله
وابحث عن ورشة الهندي بالنت واقراء عنها او اسئل وتلاقي مواضيع كثيره عنه وعن نظافة شغله

[tevo]

هذي اخوي والله اعلم انها الكلتشات راحت عندك هي الي تسبب تاخر في التعشيق وتشوف الضغط يرتفع بعدين تعشق.

[رامي النيشان]

جزاكم الله خير مشكلتي ماني من الرياض ولا فيه ورشه ثقه
لاكن بعد شوي بمر الصناعيه واشوف الورش واقولكم باللي يصير معي