مشكلة تعليق النور العالي ( هل اقدر اولف نور عالي ؟ بدون تغيير علبة الفيوزات والخ... )

[كاشت بالبر]

السلام عليكم

سيارتي فيها عيب مصنعي ( تعليق النور العالي ) قبل كان ما يجي ابد ,, لكن بعد فتره صار احيانا يجي التعليق ويروح

الحين التعليق مستمر ومافيه امل يطفى .. شلت الفيوز حقت النور العالي عشان يطفى

لأنه لو مهما سويت ما يطفى

يمكن من كتاوت النور , لكن مشكلة سيارتي معقده شوي وصعب شوي تغيير الكتاوت

الوكالة تغيره على الضمان ,, لكن سيارتي ماشيه كثييير = ما يشملها الضمان

وما كنت اعاني من المشكلة الا في الآونه الأخيره

مع العلم بأن شمعات الوكاله 60 واط

لكن اللي انا مركب 100 واط لأنها اقوى .. بدون تركيب كتاوت اضافي او اي شيء .. يمكن احترق كتاوت السياره الأصلي بسببها

مع العلم بأني اكبس بسرررعه وكثير

اطفي النور المنخفض وأكبس العالي عشان يكون التكبيس قوي جدا

لأن بسيارتي اذا كبست العالي ( يشتغل الواطي والعالي جميع ) ما ادري اذا كل السيارات كذا

وش رايكم ؟
اقدر اسوي تسليك من البطاريه واركب فاصل ؟ هل فيها مخاطره ؟ تنفجر البطاريه مثلا :D

لأني بصراحه قهر اغير علبة الفيوزات و الظفيره ... عشان النور العالي

اهم شيء يكون التوليف بدون تقطيع او تجريح لأسلاك الوكاله

[كاشت بالبر]

ملاحظات :

1) اظطريت افصل العالي عن طريق الفيوز .. عشان الناس ما تدعي علي
لأن العالي يعمي

2) حتى مره كان يمشي قدامي مرور .. تفاجأت قعد يدق لي اشارات و فليشرات .. يعني طف نورك لأني اعميته ولا اقدر اطفيه وانا امشي .. لازم اوقف السياره وافصل الفيوز

طبعا هدى سرعته وانا هديت اكثر وابعدت عنه عشان ما يوقفني ويعطيني مخالفه

3) فيه ناس كثير مثل سيارتي .. يعانون من نفس المشكله .. مع انهم يستخدمون شمعات الوكالة 60 واط .. يعني المشكله عيب مصنعي


الاصلاح بالوكاله مكلف جدا .. تقريبا 4500 ريال

علبة الفيوزات مكونة من جزئين :

جزء له غطاء و فيه فيوزات و كتاوت و غيرها
و الجزأ الثاني ماله غطاء و فيه كتاوت ملحمة في العلبة نفسها يعني ما تتغير.

المشكلة في الجزء المقفل علشان كذا الوكاله تغير العلبة. طيب هذي فهمناها، ايش دخل الظفيرة ؟

قامت الشركة المصنعة بتصميم علبة فيوزات لها غطاء وفيها كتاوت (الجزء المغلق مسبقا) و تحتاج ظفيرة جديدة.

الآن انت ما تحتاج تغير علبة الفيوزات كل ما صارت المشكلة لان العلبة الجديدة معدلة و يمكن تغيير الكتاوت فيها لانه لها غطاء و الكاتوت من النوع اللي مو ملحم.

هذا كلام مهندس كهرباء في الوكاله .

[abo aryam]

اذا ممكن نعرف نوع السيارة

[كاشت وحداني]

طيب وش نوع السياره وموديلها علشان من مر بالتجربه يقدر يفيدك


Sent from my iPhone using Tapatalk

[7ابو نواف7]

أنا عندي أكورد وفيها نفس مشكلتك تماما وهذا المشكلة في كل الأكورد من 2003 إلى يومنا والوكالة مطنشة بالدنيا، ولو تبي تشتري القطعة فقط ما تشدها دون 1500 وبتخرب مرة ثانية
ياليت اللي عنده حل يرد لعل صاحب الموضوع يستفيد، وألقى حل لموتري

[ms662]

اخي الكريم
هذه مشكلة في الهوندا اكورد
حلها تضرب علبة الفيوز الي في الكبوت جهة السائق
طبعا دورنا في تشاليح الصناعية لواحد من الربع وغاليه تاصل 600 ريال والضمان يومين الى ثلاثه
لكن زي ماقلت لك الحل تضرب العلبة بيدك بقوة نوعا ما وهذا الي صاير مع رفيقي كل ماعلق ضرب العلبة وماشي حالة

[سامورك]

السلام عليكم اخى الكريم ، كان عندى مشكلة مشابهة بسيارتى كورونا واستبدلت كيبل الاضاءة بتقوية منفصلة مع (3relay) منفصلة وحللت الاشكال مع تقوبة الاضاءة مع عدم التاثير والضغط على البطاربة ، لك خالص التحابا .

[كاشت بالبر]

وعليكم السلام

الله يعطيكم العافيه ما قصرتوا


اعذروني على المبالغه في مشاركتي السابقه

اللي واجهوا المشكله هذي ياليت يذكرون اذا مركبين زينون أو لمبات اقوى من الوكاله أو الخ ...

اللي اعرفهم وواجهوا هذي المشكله :

1) مركبين شمعات عالي اقوى بكثير من الوكالة .. بدون تركيب كتاوت ( وانا منهم )

2) مركبين زينون صيني ( تجاري ) .. خاصة اذا بدون كتاوت

3) يكبسون كثيييير

والزينون الصيني من أسوء الأشياء .. يأثر على كهرباء السياره
ويقلل عمر البطاريه بشكل كبير

الوكالة تغيرها مجانا .. اذا سيارتك ما تعدت 120 ألف كيلو
لأنها مددت الضمان على هذي القطعه

لكن المشكله أن سيارتي ماشيه كثير
وبصراحه قليل جدا جدا اسوي صيانه للسياره .. مهمل
حتى الفحص المجاني حق هوندا ما اروح له

بس اغير زيت القير والمكينه بالبنشر


على العموم يا اخوان ان شاء الله ببحث عن حل للمشكله هذي .. المره هذي بالتجارب

مو بس بالكلام :D

واذا انحلت مشكلتي بسوي موضوع لطريقه حل المشكله بأقل تكلفه ممكنه :good2:

بجرب :

1) افصل البطاريه .
2) اركب شمعات الوكالة 60 واط .. واشيل شمعات الـ 100 واط
3) تركيب الكتاوت الصفراء التايوانيه اللي بمحل الزينه , و اذا ضبط
بركب الكتاوت السوداء الأصليه ,, يركبونها غالباً للزينون
وبحاول اركب جرجور للأسلاك ( لحمايتها من الحراره والماء )
4) بخلي كهرباء ممتاز يغير الكتاوت الأصلي حق الوكاله

وبجرب اضرب العلبه اللي جنب علبة الفيوزات ضربه خفيفه

لأن ما سويت شيء ( ما فحصتها ولا وديتها عن كهربائي ولا ضربت العلبه ) .. بس شلت الفيوز عشان افصل العالي

الأسعار والمعلومات و كل شيء اخذتها من الانترنت :D = يعني غير متأكد منها


ومافيه شيء مستحيل للتصليح الممتاز و الآمن بأقل الأسعار

وشكرا لكم