رائحت بنزين في الجيب

[الوديّ]

السلام عليكم .صبحكم الله بالخير ..عندي الله يسلمكم الجيب طبعا دوامي او مشواري حول 40 كيلو أمسك الخط واشغل المكيف وعند الوصول اشم رائحت بنزين قوية عند اطفاء المحرك . الريحة لم تظهر الا في هالفتره ما ادري هل المكيف له دور او فيه تهريب في البنزين .. طبعا في الشتاء لم اشم رائحة البنزين بهذه القوة أبدا . موديل السيارة 2008 باترول 4800قير عادي . افتوني بارك الله فيكم .

[واثق الخطوه-]

وعليكم السلام اخوي طبيعي مع حرارة الجوووو معي زي موترك بس 2009 في عز الحر تانكي البنزين يغلي من الحراره بس في الشتاء ما الاحظ شيئ

[كشات نجد]

حياك ربي اخوي

انا كانت عندي هالمشكله في فتك 2011 يوم شيكت عليه لقيت البخاخ فيه تهريب بنزين

واخذ 14 يوم في الوكاله

شيك على البخاخات وافحص موترك اذا تبي النصيحه

واسف على الاطاله

[سبع الخلا 911]

يمكن فية تهريب تأكد منة

[العتيبي 88]

الرائحه .. مشكله يبي لك دور الين تدوخ عندي 98 لعبت فيني الرائحه لاكن شيك واكثر ماتخرب ربلة الطرمبه مكانها طال عمركـ ،، فك لباد الفرشه حق الشنطه وراح تلقى صاجه لها مسامير فكها راح تلقى الطرمبه راكبه بالتانكي ويجي عليها ربله صغيره تقول مغاط تبي تلقها متقطعه ولا بها تنسيم هذا اذا كنت فللته ولا اكثر من النصف وله ريحه ،،، لاكن ابدا بالاسهل وافحص الليات ،،

[1 أبو يزن 1]

شيَك على غطاء البنزين

[الوديّ]

بيض الله وجيهكم وما قصرتوا . بشيك عليه عقب الدوام على الورشة على طول

[الهيض]

بالنسبة للرائحة دايمن تبين في الصيف عاااادي ان شاء الله وانا اخوك

انا عندي نفس المشكله في الجيب

[ذيب الفقارة]

أخي الغالي الودي

أنا كانت عندي مثل ها المشكلة في جيب تويوتا

وعرضتها على مهندس قال :

من الصفاية لكن تدري وين كانت الصفاية

كانت خلف المقاعد الخلفية ( يعني في مكان ما أحد يفكر فيه ولا كلن يعرفه

طبعا هي غير بقية الصفايات

[ابوسامي 2011]

يعني في مكان ما أحد يفكر فيه ولا كلن يعرفه

[قمر سدير]

اخووي

اذا شميت ريحة البنزين

وقف وافتح غطا التانكي وتعرف السبب (بيكون داخله ضغط هواء ماهو طبيعي ) ف يسبب راىحة

وفيه شي ثاني اللي هو الفحامة

هي علبة سودا تجي في الكبوت حول الشمعة دائرية تقريبا

شف لياتها تاكد انها ماهي مكسوره ولا شي

ثم حاول تفكها وتنفخها بالهوا

لاككن ترا الامر طبيعي في غالب السيارات لان الحر ما يرحم

والله يكفينا وياكم شر السيارات

[moad3]

اخوي انا معي فتك 2006 ونفس مشكلتك

لكن من بدايت الصيف اذا جيت اعبي بانزين اضع كيس ع الغطاء واسكر عليه

وتخف كثيرررررررررررررر الرائحه جربه ان شاءالله تضبط

[هاوي ترهيم]

تأكد من الفحم

[صحاري 97]

مثل ماقال الاخ ابو يزن
شيك على غطاء البنزين