لاهنت ادخل يمكن انك تعرف الحل

[ابوعلي العجمي]

السلام عليكم ورحمة الله وبركاته
عندي فتك2004 تمتيك
لاحظت عليه ارتفاع الحرارة وقد تصل لثلث بعض الاحيان مثل لا شغلت الثقيل وانا بالشعيب بالظهر ترتفع ولا فكيته واخذت شوي نزلت فوق الربع بشوي
والمكيف اذا وقفت السيارة تبديه مره ردي
عندي اللي صغير طالع من المكينه رايح لعلبه مربعه هذا اركبه وينفك
القربه به تنسيم يعني ينقص الما تقريبا 2لتر لا قطعت عليه مشاوير 70كيلو
عندي لي الدركسون يهرب قلت للمخرطه الكبسه قالي ترا بعدين يطلع صوت وش الحل وهل هو صحيح يطلع صوت
اتشرف بردودكم المنيرة لي ولغيري دروبهم

[ابوسند9]

وعليكم السلام
بالنسبه للحراره اذا شغلت الدبل وارتفعت على طول هذا بلف حراره مافيها كلام ان شاء الله وركب اصلي ب 70 ريال وتاكد ان كان الاديتر يحتاج تسييخ
با النسبه للنقص نقول ان شاء الله انه تنسيم وتبخير من الاديتر وصعبه تشوفه بعينك لانه قد يكون خرم صغير مره ولا يبان اللى لازم يفك الاديتر ويضغط بالهواء
وبالنسبه للمكيف ربما من استنص البنص عطلان والمفروض اذا كنت واقف والمكيف شغال ما ينزل الكمبرشر عن واحد
او جرب افتح الكبوت وشوف بجانب البطاريه وبصدر البدي فيش لونه رصاصي وبجانبه علبه صغيره سوداء وفيها مسمار مربع بالوسط ركبه على ماصورة المكيف اطرقها بمفك والمكيف شغال
وبالنسبه للي اللي ينفك حاول تحط فيه قفيز
وبالنسبه الدركسون انا اسمع زيك بالنسبه للصوت ولو كان لي مكيف كان مو مشكله تقدر تكبسه لان ما عليه ضغط زي الدركسون وانت الافضل انك تاخذ جديد واتذكر سعره ب 340 ريال

[ماون ماركز]

السلام عليكم ورحمة الله وبركاته
عندي فتك2004 تمتيك
لاحظت عليه ارتفاع الحرارة وقد تصل لثلث بعض الاحيان مثل لا شغلت الثقيل وانا بالشعيب بالظهر ترتفع ولا فكيته واخذت شوي نزلت فوق الربع بشوي


أذا المكينة فيها مشكلة بنظام التبريد أكيد ترتفع الحرارة . لازم تتأكد . ويمكن من التحميل على المكينة بفعل تشغيل الثقيل

لكن عليك التأكد من سلامة نظام التبريد .. شف ردي هنا
http://www.mekshat.com/vb/showthread.php?p=8369994#post8369994



والمكيف اذا وقفت السيارة تبديه مره ردي


برضه نفس رابط الرد أعلاه



عندي اللي صغير طالع من المكينه رايح لعلبه مربعه هذا اركبه وينفك

تأكد أنه سليم .. مو مسكر .. والضغط يطلعه .. أو أربطه بقفيز اذا تقدر ..



القربه به تنسيم يعني ينقص الما تقريبا 2لتر لا قطعت عليه مشاوير 70كيلو


تنسيم من أعلى .. والأ تهريب من تحت ..
اذا تنسيم من أعلى .. السيارة فيها حرارة ..
واذا تهريب من تحت .. لازم تصلحها



عندي لي الدركسون يهرب قلت للمخرطه الكبسه قالي ترا بعدين يطلع صوت وش الحل وهل هو صحيح يطلع صوت

اذا صلحتها قبل يطلع الصوت ,, وفيها زيت حسب المطلوب .. مارايح يطلع صوت
الأن اذا زيتها ينقص .. رايح يطلع صوت مع نقص الزيت
ألحق عليها قبل تخرب عليك ولا يهمك صاحب المخرطة .. فك اللي وأكبسه او غيره أفضل .. وركبه .. وعبها زيت ..

تحياتي

[ابوعلي العجمي]

الله يبيض وجيهكم يا ماون ماركز وابو سند9 ولا خلا ولا عدم