.. ردحة في الفتك 2011 الشكل القديم ؟!

[المدّاوي]

بسم الله

الموتر قير عادي وبه صوت ردحة عند المطب بعد ما ينزلن الكفرات اللي ورا تقول الدفرنس أو العمود أو القير يرتفع وينزل ولا تطلع إلا إذا كان الموتر بنمرة ودايسا على البنص خفيف .

تشبه الردحة اللي تكون في القير التماتيك بعد التوقف .

ولاحظت أنه في النفود إذا ضرب مطب يبتل يبطنج .

أبي استفسر هل هو طبيعي أو لا وهل أحد منكم حصلت له نفس المشكلة ؟

[sgl2002]

شكلك ياخوي اول مره تستعمل باترول

هذا هو معي ونفسك ردحة اذا كان بنمره وظربت تقول فيه حاجة ماهي مشدودة ورا

طبيعية لاتوسوس

[العتيبي 88]

ريح بالك هذا شي عادي ... حتى اذا عشقت الدبل .. وانت لاف ورقيت صخره ولا شي نفس الطريقه تحس الدفرنس والقير يتحركـ،،

[ابو شريفة]

السـلام عليكم
الردحـة ذي من التوازن الخلفي ، لان احتمال يكون واحد من المسأعدات الخلفي منفقع لان الصوت غالباً تقول اذا ضربت مطاب ويطلع الصوت من ورى لكن شيك عليه ورد لنآ..
دمت سآلم

[عبدالرحمن السالم]

شف هذا الموضوع لعل وعسى يفيدك

http://www.mekshat.com/vb/showthread.php?t=379608

[المدّاوي]

الله يجزاكم خير ما قصرتوا اما المساعدات سليمة والردحة ليست من المساعدات. ابي راعين البواترول يردون

[اليموني]

السلام عليكم

شحم العمدان والصليبات وتختفي الردحه

[المدّاوي]

طيب أبي أسأل هل الفضاوة البسيطة في البانيون اللي بين العمود والكرونة طبيعي ؟ وهل يمكن يحدث ردحة ؟

[ابو شريفة]

انا صارت معي مثل ماقلت وغيرت المساعدات وغسلت الموتر بستم وخليته يرش على ربلات ذراع التوازن الخلفي ديزل عشان يلينن شوي واختفت كلياً الحمد لله علماً اني يوم اغير المساعدات كان واحد منهن منفقع..
وشف راي احد الاخوان حين قال شحم فكرة حلوة وكنت مسويها بموتري الاول لكن الشحم عادة يمسك الرمل والغبار وافضل شي اشوفه ترشه ديزل
دمت سالم

[Messerschmitt]

اخوي ابو شريفه

انتبه لا ترش ديزل على الربل

ترا يخربهن

[أبوعزام660]

لبس الياي وراح تروح تماماً

[قناص خلاوي]

انا صارت معي مثل ماقلت وغيرت المساعدات وغسلت الموتر بستم وخليته يرش على ربلات ذراع التوازن الخلفي ديزل عشان يلينن شوي واختفت كلياً الحمد لله علماً اني يوم اغير المساعدات كان واحد منهن منفقع..
وشف راي احد الاخوان حين قال شحم فكرة حلوة وكنت مسويها بموتري الاول لكن الشحم عادة يمسك الرمل والغبار وافضل شي اشوفه ترشه ديزل
دمت سالم


الديزل ينشف الربلات ويطلع انواع الاصوات بالسيارة
انتبه منه

[ابو شريفة]

والله مسويها ولا شفت شي بالعكس الحين رش على الزفلت ديزل وبنزين وشف الي ييبس وينشف والي يبقى له اثر؟؟
بالعكي يلين الربﻷت الي ينشف البنزبن
دمتم سالمين