تقرير بسيط بس انا مبسوط

[سداح الاول]

بسم الله الرحمن الرحيم

انا هذا الاسبوع سعيد<< اسمي شريف بس اقصد اني مبسوط مستانس تدرون لماااذاا؟

:D:D:D:D:D خلاص درينا انك مبسووط علمنا لماذا واخلص علينا>>>طيب لا تدفون

اناااا تقريبا كنت اطلع رحلات حداق من بحر الجبيل اكثر من ثلاث سنوات ويمكن اهل الغربيه وباقي المدن الي خارج المنطقه الشرقيه ما يعرفون بحر الجبيل ومكانته عند صيادين الشرقيه

ونظراً لظروف العمل سحبت طرادي وتوجهت لمدينة الدمام,,,, وانا الحين صار لي اكثر من سنه وانا اصيد في بحر الدمام وكانت بداية رحلاتي في بحر الدمام مو ذيك النجاح رغم اني كنت عارف ان الصيد في بحر الدمام لا يقارن مع الصيد في بحر الجبيل ومع كثرة دخولي لبحر الدمام واصراري على اكتشاف كل بقعه في هذا البحر الذي كان يعتقد الكثيرون ان هذا البحر ناشف ولا فيه صيد ,,,, اكتسبت خبره واكتشفت اماكن كثيره نقدر نقارنها ببحر الجبيل لما فيها من تنوع في الصيد وكميات تجاريه تفوق احيانا افضل الاماكن في منطقة الجبيل

ففي هذا الشهر اثبت لنفسي واثبت لكثير من اصداقي الذين لا يؤمنون بالصيد في بحر الدمام انهم على خطاء وذالك بشاهدة الكثير من الصيادين الذين تعودو على الصيد في بحر الجبيل ,,, وكان اكثر شي يسعدني ويفرحني عندما اسمع بعض الذين يخرجون معي في رحلات الصيد عندما يقولون فيما بينهم ( والله ما توقعنا بحر الدمام فيه صيد بهذي الكميات وبهذي الاحجام مثل بحر الجبيل )...

عارف اني طولت عليكم بالكلام هههه بس كيفي مبسووط:D:D:D

اخليكم مع الصور وهي عباره عن رحلة في بحر الدمام

من يقدر يقول لي كل انواع السمك الي في هذي الصوره؟
http://im19.gulfup.com/2012-05-13/1336893948941.jpg

http://im19.gulfup.com/2012-05-13/1336893948602.jpg

http://im19.gulfup.com/2012-05-13/1336893948693.jpg

http://im19.gulfup.com/2012-05-13/1336893948425.jpg

وفي النهاية ارجو ان يحوز التقرير البسيط على رضاكم

[محب الخبر]

اخوي الحبيب سداح الاول
ماشاء الله صيدكم طيب وبالهناء والعافية عليكم
ومثل ما تفضلت بحر الدمام فيه خير بس وين الي يدل المحادق وأوقات الحداق فيها

[White_Shark]

ماشاء الله .. تبارك الله

تشكيلة طيبة .. وصيد حلو .. وتستاهلون كل خير .. ربي يرزقكم من فضله .

بس على فكرة أسماك الجبيل ورأس تنورة أكبر .. :good2: .



من يقدر يقول لي كل انواع السمك الي في هذي الصوره؟


شعري , كأنها خباط , لزاق , وحره , فسكر , قرقفانه , ميده , نيسره هذا اللي عرفته :D .

تسلم يالحبيب .. ويجعلك دوم مبسوط .

تقبل تحياتي .

[ذوالجناح7]

مــا شــاء الله تبارك الله


آنا عن نفسي أشوف بحر الدمــام تعبان في الصيد


لاكن أسمع من بعض الشباب لليطلعون أجار مرات شي يفك الراس


وأقول في نفسي يبالغون طيب ياشباب في صور ....؟؟؟


تقول محطوط على الصامت ......


يجيك فلان من الناس يطلع بطراده أجار يقول الصيد والصيد


طيب في شي يطلع معاك غير الشعري والفسكر .....؟؟؟


ياخي مليت شعري فسكر نبي سبيطي أو هاااامور أو كنعد وبعدها نقول صيد


معليش يالغالي خليني أفضفض من القهر ولاتفهمني غلط بوفيصل :s


بس صيدكم حلوووو وعليكم بالعافية :p

[سداح الاول]

ماشاء الله .. تبارك الله

تشكيلة طيبة .. وصيد حلو .. وتستاهلون كل خير .. ربي يرزقكم من فضله .

بس على فكرة أسماك الجبيل ورأس تنورة أكبر .. :good2: .
احلى شي اذا احد يتحداني
اوكي انا بحاول اقنعك حبه حبه

بس اكيد انا الي راح افوز عليك لاني تقريبا كل اسبوع اطلع حداق وانت يمكن كل سنه ههههه بس خلنا نتحدى :D

هل مره من المرارير صدت اكثر من خمسين كيلو فسكر في ثلاث ساعات؟
http://im25.gulfup.com/2012-05-13/1336911183291.jpg


هل مره من المرارير صدة اكثر من 250 كيلو شعري؟ في ست ساعات؟؟؟ واذا تبي صور احاول ادور هههه

طيب انت دور بعض الصور الي عندك وانا اعطيك احجام اكبر من الارشيف عندي





شعري , كأنها خباط , لزاق , وحره , فسكر , قرقفانه , ميده , نيسره هذا اللي عرفته :D .

تسلم يالحبيب .. ويجعلك دوم مبسوط .

تقبل تحياتي .

صح عليك:good2: ههههههههههه انا حطيت السؤال لاني ابي اعرف نوع السمكه ( لزاق) بس ما اتوقع ان اسمها العلمي كذا


وتسلم على مرورك

[سداح الاول]

اخوي الحبيب سداح الاول
ماشاء الله صيدكم طيب وبالهناء والعافية عليكم
ومثل ما تفضلت بحر الدمام فيه خير بس وين الي يدل المحادق وأوقات الحداق فيها

تسلم حبيبي على مرورك العسل

[سداح الاول]

مــا شــاء الله تبارك الله



آنا عن نفسي أشوف بحر الدمــام تعبان في الصيد


لاكن أسمع من بعض الشباب لليطلعون أجار مرات شي يفك الراس


وأقول في نفسي يبالغون طيب ياشباب في صور ....؟؟؟


تقول محطوط على الصامت ......


يجيك فلان من الناس يطلع بطراده أجار يقول الصيد والصيد


طيب في شي يطلع معاك غير الشعري والفسكر .....؟؟؟


ياخي مليت شعري فسكر نبي سبيطي أو هاااامور أو كنعد وبعدها نقول صيد


معليش يالغالي خليني أفضفض من القهر ولاتفهمني غلط بوفيصل :s



بس صيدكم حلوووو وعليكم بالعافية :p


امممممم والله كلامك صحيح بس بقولك على شي ختير

انت تدري ان محادق الشعري والفسكر تختلف عن محادق الهامور وتختلف عن السبيطي والكنعد يحتاج الى لفاح واكيد له اماكن خاصه

يعني كل نوع يبيله تخصص

مثل يوم الجمعه في الليل كان الحداق شعري وفسكر فقالي احد الصيادين ملينا من الشعري والفسكر نبي نصيد كنعد او هامور قلت له اصبر لين الفجر ونروح نلفح,, وفعلا ما اخذنا خمس دقايق وطلعنا كنعد:D

[الصيد صبر]

حياك اخوي

الزاق هذا الي يجي تحت القرش والاسماك الكبيره

لو تلاحظ راسه في خطوط ورا بعض يلزق في اي شي

وهذا يخليه ينتقل مع السمك الضخمه بكل اريحيه
بس اسمها العلمي مدري والله

[عاشق البحرE]

ما شاء الله تبارك الله .. اذا حبيبي الكنعد معهم خلاص بسحب طرادي من الجبيل و بجيبها الدمام و أنا من سكان الدمام.. بس ها ابيك تنزل معاي و تدلني المحادق الزينه .. ههه

عليك بألف عافيه اخوي سداح الأول .. و الله صيد طيب و خصوصا الكنعد العوود يرد الروح و يسر الخاطر .. و صيد جدا جدا طيب ..
اخوي سداح . صحيح مشاور الجبيل ساعه من الدمام بس عندي بحر الجبيل افضل مو من ناحيه الصيد بس .. حرس الحدود متعاونين اكثر من اللي في الدمام .. المناطق اللي نصيد فيها قريبه من جزر مو في البحر المفتوح لو لا سمح الله صار شيئ عطل او غيره .. و الشيئ الثالث و الاهم أمان لطرادي في الفرضه .. حمد الله ما فيه سرقات و أهل الجبيل الطيبين يفزعون فزعه رجال كثر الله خيرهم ..

[ماسيوم]

ماشاالله تبارك الله .
صيد طيب عليكم بالف عافيه تقبلو تحيااااااااااااااااااااتي...

[k.fares]

ماشاء الله تبارك الله
الصلاة على النبي
بالعاافيه على قلووبكم

[@ بحار مجيرمة @]

ماشاء الله تبارك الله

صيد وفير ومتنوع

عليكم بالعافية

الله يجعلك دائم مبسوط

تحياتي لك

[@السيف@]

ماشاء الله تبارك الله
صيد موفق وتقرير طيب
اخي الكريم الارزاق بيد الله والخبره لها دور

[accentkool]

ماشاء الله تباتااارك الله ابدعت ياغالي وصيد جدا طيب
واثبت للشباب انو بحر الدمام في خير وينتج انواع واشكال
بس ياشيخ ذا الوحر الغثيث وراكم حتى بالاعماق هههههههههههه
يعطيك الف عافية على التقرير الطيب وبارك الله فيك

[صياد مبتداء]

ماشاء الله تبارك الله

صيد موفق وتقرير طيب
اخي الكريم الارزاق بيد الله والخبره لها دور



وأنا أشد بيد اخوي ابو سيف .. والله يرزق الجميع .. مو كل مرة تصيد فوق البانتين ..

دشة تطلع منها بانه .. والي بعدها نص .. والي بعدها بانه ألا ربع ..

الصيد مو على مستوى واحد .. يختلف .. بأختلاف الوقت و أختلاف الهواء .. والتسميرة ..

ومايخفاك هذا الشي ..

تقبل مروري اخوك : ابو محمد ..

[الدوسري 222]

ماشاء الله عليكم بالف عافيه
صيد حلو وجعلك دوووووووووووووووووم مبسوط

[اهوى الصيد]

ماشاء الله تبارك الله صيد وفير ومتنوع

عليكم بالعافية

الله يجعلك دائم مبسوط
بس لو سمحتو خ

[الوايلي2012]

ماشاء اللة تبارك اللة يعطيك العافية على التقرير المميز تقبل مرورى

[أبوحافظ]

ما شاء الله صيد رائع

افضل شي اكتشاف اماكن جديده وهذا المفروض

[قناص الهوامير]

ماشاء الله تبارك الله

[ahmad539]

سداح ممكن تعطينا بعض احداثيات الجبيل
وصيد طيب ^_^

[goldenrife]

ممتز ما شاء الله

تقريرك كان متاخر شويه

الله يجعلك دوم مبسوط

[baracuda]

صيد موفق ومو انت اللي لوحدك مبسوط والله اني مبسوط اك كمان
بالنسبة للانواع اللي عرفته منها ( كنايا + الفسكر + الشعور + الكشر ) والله المستعان

[hunter78]

الله يطرح البركة والخير بكل مكان
تقرير ممتع واسلوبك فكاهي ممتع سلمت يداك
ولمزيد من التقارير والخير من الشرقية

[ربان الخليج]

مشاء الله 0صيد طيب وبالعافيه عليكم0وبالنسبه لانواعها اللي واضح /وحره/خباط/دويلمي/فسكر/شعري/لزاق بلديه/ونيسر/وحبه اما بياح اوسلماني صغير/عيفه/جنب الفسكره ماهي واضحه0/تحياتي

[Abo Asem]

يارجال صيدك هذا اخوياي يرموه البحر أو يخلوه طعم .. إذا السمكة ما تتعدى كيلوين ما ياخذوها .. ولي 3 أشهر ما صدت الا ابو نقطه .. ومسخروني قمة المسخرة .. مع اني شاري سنارة مكلفتني 6000 ريال .
ليتك في جدة واطلع معاك على الأقل ترفع من معنوياتي

[برزان1]

هل تسمي هذا حداق

احجام صغيره جدا وماتجي 7 كيلو

والرحله سعرها 1000 ريال

[سداح الاول]

يعطيكم العافيه على ردودكم الحلوه والي ترفع من معنوياتي

اما بالنسبه لبرزان هههههه راح اخذ كلامك بحسن نيه وراح اعتبره تشجيع وانشاء الله المره الجايه نصيد 10 كيلو:D

[عاشق البحرE]

هل تسمي هذا حداق

احجام صغيره جدا وماتجي 7 كيلو

والرحله سعرها 1000 ريال



صبحكم الله بالخير ,,,

و بعد أذن الاداره و اذن اخوي سداح الاول على التدخل في التقرير ..
اخوي برزان ردك في أي تقرير يعكس شخصيتك.
كل هذا التقرير الجميل و تقول: ( تسمي هذا حداق) ؟؟؟
من ردك توقعت ان عندك مواضيع جامده مثل اخوننا الرحموني او هنووز او ابو حافظ و استكوزه البحر وغيرهم من عمالقه الخيمه البحريه .. مع ان اللي ذكرت اسمائهم عمرهم ما ردوا بهذي الطريقه الغريبه .. بالعكس يشجعون اي مبتدأ او اي هاوي صيد،، و دورت لك أي تقرير فيه صيد بحري و ما لقيت اي تقرير لك ...

ما شاء الله تبارك الله تقرير الاخ سداح جدا جدا ممتاز للي يعرفون في صيد الدمام .
و بالنسبه لمبلغ التأجير للرحله .. بدل ما تدفع مبلغ 1000 ريال لصاحب الطراد .. روح لأقرب سوق سمك و بهذا المبلغ تشتري فيه أحسن السمك و أكبرها و أختاري اي نوع راح تلقاه ..