الفزعة يا اهل الشوار

[ابو غانم GH]

بسم الله الرحمن الرحيم
السلام عليكم ورحمة الله وبركاته
اخواني المكشاتيه انا صياد ومني صياد :D
مبتداا يعني... طلعت كم طلعة الشهر الماضي للبحر مع رجال خبرة فالبحر
والرجال نشروا شواراتهم فانا من باب اللقافه الايجابية رحت اشوف كيف ينشرونها وكيف يتعاملون معها
بس كنت اصغر واحد فيهم وللاسف ما قدرت آخذ منهم بعض المعلومات وبعض الاجابات الي جات في باي وانا اشوف الشوار
فبحثت في النت ولقيت في منتدانا الطيب هذا الرد اللي احتاجه
لكن ما عرفت للحين كيف اطلع الشوار من البحر وقبل كذا كيف افك السمك من الشوار
وطريقة لف الشوار كيف تكون ؟؟
هذي الاسألة واتمنى انكم تفيدوني بأسرع وقت
لاني مشتري شوار على حسب معلومات اخذتها من المنتدى ومتحمس على آخري يعني


وشكرا

[الحوات الصغير]

أخوي و عزيزي العضو

أنا حاولت زيك افهم بالكلام لكن صدقني كلم أصحابك و أطلع معاهم ثاني

لأني مهما شرحتلك بالكلام ما راح تفهم لازم التطبيق

مع خالص تحياتي لك

[@السيف@]

وعليكم السلام ورحمة الله وبركاته
حياك الله اخوي
تطلع الشوار حسب طريقة صيدك لكن من سؤالك ان طريقة صيدك انك تبي تنصبه نصب اولا انشر مع منتصف المد واتركه الي ان يرجع الي منتصف الجزر ولا تنشر الصباح الا تقفيل او خباطه لكن هذا صعب عليك كمبتدا
طريقة تطليع السمك اذا الشوار طبقه وحده سهل جدا اما اذا كان ثلاث طبقات لازم تعرف من وين اتجاه السمكه
لابد ان تشاهد فتحه صغيره تكون عند ذيل السمكه تقوم بتوسيع الفتحه حتي تستطيع ادخال يدك وتقوم بقلب اتجاه السمكه اي تسحب السمكه مع راسها ثم تقوم باخراجها اما سحبها من الذيل صعبه جدا
واذا كانت السمكه صغيره يعني قد الكف او اصغر ما عليك سوي ان تمسك راسها وتجره للخارج مع توسيع فتحة الشوار عن الزعانف الظهريه والبطنيه
وفي النهايه انصب الشوار في البيت واحد متر وضع اي شي يشبه السمكه حتي تنشب مثلها ثم قم باخراجها
باتباع الطريقه حتي تكون لديك تصور ولو بنسبه قليله
وفالك السمك اللي تجلس من بعد العشاء الي الفجر وانت تفك فيه تطبلك بقطعه محترمه تخليك تكره شي اسمه شوار ياما حصلتلنا اشيل الشوار مليان حوت لحالي واجلس فك ولا تفك يارجل ظهري خلاص نشف
اما كيف تلمه طريقتين
انك تلم عوامه علي عوامه اقصد الفلين او الطفاحه بيدك ثم تربط الحبل الاخير تحت كومة العوامات
الطريقه الثانيه
انك تلم عوامه وتترك وحده اي وحده ووحده وهكذا ثم اربط كومه العوامات بحبل الطرف من تحت
وحاول تكون معك فلينه طويله اذا كانت اشورتك كثيره تساعدك في حملها عليها
واي خدمه ارسلي خاص وانا اشرح اكثر

[accentkool]

اذا هو شوار واحد مدة بالعرض باتجاة الموجة وسكر نهاياتة قفلها وانتهى موضوعك