كسارق قرية القطان

[الفلاشاوي]

السلام عليكم ورحمة الله وبركاته. افيدونا عن كسارة القرية هل من عمق فيها لاني معزوم فيها وقلت ناخذ عدة الصيد

[accentkool]

اذا هي كسارة اكيد فيها عمق وان شاء الله اللي يخبرون بيحددون لك اكثر
الله يرززززززقك ياغالي وبالتوفيق

[k.fares]

بالتوفييق ياغالي و الله يوفقك

[غواص العوالي]

نعم نعم كسارتها عميقة جدا جدا لكن مافيه صيد

[الفلاشاوي]

كيف مافيه صيد ؟؟؟؟؟؟؟؟؟؟؟؟؟؟؟
انا اشوف الصور العالم مطلعه بهارة وقروش غريبه
اتمنى التوضيح
الصيد قصب ومجارير

[Seas Diver]

اذا كنت غواص:
اذا بتنزل من السقالة فالمنطقة جميلة تحت الماء وهناك تدرج جميل جدا وخصوصا للمتدربين ولاكن عليك الحذر من اسلاك السنارات فهي كثيرة ولاتنسى يكون معك سكين عشان لو علق بك احد الاسلاك وكنت على حذر منها.

اذا كنت صياد بالسنارة فالصيد من نفس القرية يكاد يكون معدوم بسبب كثرة الغوص المستمر من السقالة. ولاكن قال لي احد الاصدقاء ان المنطقة يمين القريةيعني قبل القرية وانت جاي من جدة فيها اسماك والله اعلم.

بالنسبة للكسارة فهي عميقة .

[فهودي الصغير]

يا عمي روح الكسارة وقلبك قدك اهم شي سمي قبل كل شي وربك يرزقك ان شاء الله
احلى شي في القطان التشخييييييط زي الحلاوة والمجارير احلى واحلى حاول تكثر من لعف العايم ولا تنسى المصفر فوق الميه لانه في كنايات وديرك واخرام وعقام وكلهم عمالقة
والله يرزقك

[عبدالله العقل]

مشكورجداعلى الوصف

[الفلاشاوي]

الله يعطيكم العافية جميعا وبنروح ونتوكل على الله

[الصيادالمليح]

قرية القطان لما اروح لها عادة أصيد من أسفل السقالة بالليل ينورون الكشافات و أصيد لفاح بالخداعة اللامعة وتطلع معاي سمك بياض بس أهم شي انتبه من التصخير وتكون خيوطك قوية و عندك عدد كبير من الخداعات عشان التصخير كثير و على العموم البقالة اللي في القرية بتلاقي عندهم عدة صيد متكاملة بس اسعارهم مرتفعة شوي
و اذا كنت من هواة المشكات و صيد ابو مقص و الاخطبوط و الزرمباك فشاطيء القطان مليان منه بس انتبه وانت تمشي من قنفذ البحر و اللقيطة وخذ معاك كشاف قوي

وربنا يرزقك من فضله إن شاء الله