عـاجـل : البـــاثفندر ( تكفووون ساعدوني او بشب النار فيه )

[محمد الرميثي]

السلام عليكم ورحمة الله وبركاتة


طبعا هذا موضوعي قبل اسبوعين








السلام عليكم ورحمة الله وبركاتة









يا اخوان عندي باثفندر 2005 ترتفع الحرارة اذا مسكت خطوط طويله مثل خط الرياض القصيم
يعني اطلع من الرياض الى القصيم طبيعي الى اذا وصلت للقصيم الاقي الحرارة مرتفعه على النص تقريبا والماء يفور من عند القربه
شريت رديتر رصتين صيني وغيرت الغطاء ونفس المشكله مع السفر اذا تعديت 250 كيلوا تبدا بالارتفاع
والغريب ان الحرارة ما هي ثابته داخل الديرة على الربع او على الثلث يعني ترتفع وتنزل ليل نهار
ومع السفر على الثلث واذا وصلت للمشوار اللي انا ابيه بعد مسافه فوق 200 كيلوا تبدا بالارتفاع وانا شاك بالبلف اتوقع انه ما يفتح بسرعه
مع العلم اني فحصته ويقولون سليم والمشكله احصل الماء ينقص



والحرارة متعود عليها على الربع دائما لكن مدري وش قصت اختلافها ياليت احد يفيدني ولكم جزيل الشكر







وبعدها اكتشفت المشكلة على كلام الميكانيكي










اليوم رحت لمحل رديترات وقال فيه تنسيم تحت ببطن المكينه من يمين حول القير فيه مويه حمراء تهرب من الخراطيش اللي تحت لأني انا مركب مويا حمرا حقت تويوتا واشوف اثرها على المكينه يعني هي اللي تسبب الحرارة لأنها تخزن هواء وترفع حرارة الموتر









وما حصلت احد يحل لي المشكله كل ماجيت ميكانيكي قال ما اشتغل باثفندر


رحت للجربوع وقال مشغول الى السبت وانا يوم الجمعه مسافر للرياض



ياليت احد يدلني لشخص فاهم بها الاشياء قبل السفر ببريدة ومشكوررررررررررين










والخلاصه بالموضوع اني سويت كل شي بس المشكلة لازالت موجودة والماء ينقص لأن امس طلعت من القصيم الين وصلت لرياض بس ما شغلت المكيف والحرارة طبيعيه ووقفت بالمجمعه واشوف القربه مليانه ماء ومشيت الين وصلت لرياض واشوف الحرارة على الثلث ويوم جيت الصباح بشوف المـــاء لقيته ناقص لتـــر


ياليت تســاعدوني ( وابشركم جاني ضغط من السيارة ) والميكانيكيييين لعب في لعـــب



ساعــــــــدوني

[يزيد 999]

والله اني انقهرت :mad:

ليتي اعرف للباث كان افدتك
لكن جربت تدخل رابطة ملاك الباث اتوقع تلقى احد يفيدك ان شاء الله

[محمد الرميثي]

والغطاء غيرته مرتين واحد نيسان وواحد تويوتا نفس بعض

[محمد الرميثي]

http://www.mekshat.com/vb/showthread.php?t=503051&page=2


نفس الموضوع

[محمد الرميثي]

لقيت لي ييطلع منه شي احمر الظاهر يتبخر

تتوقعون يوم يفور الماء من هاللي

[طال الانتظار]

السلام عليكم
اخوي مادام ان الماء يفور أكيد فيه مشكله وهي كتالي
1- احتمال انك معبي القربة فل وهذا خطاء
2- احتمال طرمبه الموية ضعيفة
3- احتمال المراوح فيه مشكلة
4- بما انك غيرت الاديتر وغطاه خل السيارة تصير حارة يعني تجي من مشوار وخذ صابون وحط شوي على الغطاء شفه يطلع فقعات
5- تأكد من الخراطيش لا يكون خربانة يعني تتصفط
ارجو اني افتك والله يحل مشكلتك وتقبل مروري وتحياتي

[الوافي512]

السلام عليكم

اولا اخوي اذا الموتر قير تماتيك

معناها له ليات تبريد داخل الاديتر وهذي مشكلة حرارة الباثفندر

واشوف الناس تقص المواصير اللي داخله الاديتر لتبريد القير وترهم اديتر مكيف صغيير

ويكون خاص لتبريد القير والطريقة هذي معروفة

الحاجة الثانية / تاكد من الخراطيش الصغيرة اللي بجووانب المكينة وفيه ليات تبريد صغيرة زي

مبرد البخاخ احيانا يصير فيها تنسيم بسيط ويتبخر مع حرارة الموتر وصعب تلاقيه الا باثره او لونه

وهذي حصلت معي شخصياً

الاحظ الماء ينقص ومافيه تهريب وبالاخير صار خرطوش صغير مرره بظهر المكينة ماينشاف


ارجو اني افدتك

[ابن مكرز511]

اللـــــــــــه يكون في عونك

[عدووس]

شيك على الدفاية يمكن فيها تهريب لان صارت معي مشكله نفس كذا كل يوم احصل الموية ناقصه

اتنمى اني اكون افدتك

[mekshaat]

شيك على الراس هو سبب الحراره والتفوير اللي مالهاسبب واضح

تلقى الواحد يخسر ويصلح ويغيروممكن القطع حقته القديمه اصليه افضل من

اللي ركبها بمبلغ وقدره ويتصدد عن الراس مع ان كل اللي غيره سليم ولافيه شي.

[بدوي جنوبي]

أتوقع والله اعلم ان عندك مشكلتين من الاساس
مشكلة نقص الماء من أحدى الليات

والمشكله الثانيه فوران الماء
عادة فوران الماء بسبب راس المحرك قد يكون فيه شعُر بسبب أرتفاع حرارة المحرك
المفاجئه ،،

أقتراحى عليك حاليا
قم بأصلاح أى تهريب يوجد بالليات ،، والراس أجعله آخر ما تفكر في أصلاحه


عندى سيارتى نفس مشكلتك تقريبا فيه نقص بماء الرديتر
ووجدت ان الماء يدخل داخل المحرك
خلط الماء مع الزيت وبعد البحث عن الخلل طلع من الطبات
غيرت عدد 4 طبات في صدر المحرك
جلست فتره شهرين رجع الماء نقص وكل فتره أشيك على زيت المحرك
وبأحدى الايام صار الماء يدخل المحرك (خلط) وبعد البحث عن الخلل
طلع من مبرد زيت المحرك (مبرد صغير ) يجي أسفل الصدام ويركب فيه السيفون
وحليت المشكله بألغاء المبرد نهائيا .

والان يوجد نقص بماء الرديتر وأتضح ان المشكه من وجه راس المحرك تالف يحتاج تغيير
لانه يهرب الماء للخارج ويتضح ذلك من خلال وجود الماء على جانب المحرك (خط أخضر ) لان الماء أخضر

والى الان ما صلحت الوجة لانى ما أقدر أستغنى عن السياره بسبب ظروف العمل والمدارس للأطفال

يعنى لا تضيق صدرك بعض الاحيان تتجمع الاعطال عليك فجأة وخاصة في فصل الصيف

وفقك الله والقارئين

[Al-3nzi]

اضم صوتي لصوت الاخوان بخصوص (( راس المكينة ))
والله يعينگ

[ابو حمد 2010]

تفائلوا بالخير تجدوه

ان شاء الله خير اخي استعن بالله وان شاء الله ماخاب من استعان وتوكل على الحي القيوم..

شيك على مواسير او اللي حقات المكيف الحار انا صارت معي مرة كذا وتفاجئت بالحرارة ترتفع بسبب نقص الماء والتفوير وقلت اكيد راحت المكينة لكن يسر الله الامور وطلع لي المكيف الحار شريت واحد وعبيت الرديتر وانحلت المشكله يارب لك الحمد..

[محمد الرميثي]

يا اخوان الموتر بالليل درجه حرارته على الربع واذا شغلت المكيف تكون على الربع عاديه بس اذا اخذت ساعتين وانا طالع ع الموتر اتفاجا بان الحرارة تجي للثلث واذا طفيت المكيف تنزل على طول


بعكس الظهر على طول او ما اطلع من الدوام اشغل المكيف قبل اوصل للبيت اشوف الحرارة على طول على الثلث والقربه مليانه ماء وتشوفه تطلع الماء برى .. علما ان المسافه تقريبا نصف ساعه واذا ما شغلت المكيف على الربع تقريبا الين اوصل للبيت


وانا اتوقع ان بلف الحرارة وقت لظهر يتاخر ما يفتح والجو حار وبكذا اذا قفل راح يرجع الماء للقربه وينقص الماء اللي بالرديتر يعني الماء يطلع من القربه برى


اما بالليل الجو يكون بارد واشوف الموتر مرتاح حرارته طبيعيه والقربه ما اشوف فيها تفوير



يعني تتوقون ان الطرمبه دفعها خفيف او البلف يفتح على درجه ثابته او من قربه الماء علشانها صغيرة ما تتحمل


وما ادري وش الغطاء المناسب للرديتر الصيني ابو رصتين


وما قصرتوا يا اخوان لعلنا نستفيد من بعض

[ولد طويرق]

شف وانا خوك اذا كان الماء يغلي في القربه قدامك فمعناته ان الغطا فيه مشكله وفيه معلومه تغيب عن الكثيرين ان اغطية الرديترات لها أرقام وضغوط معينه لازم تعرف ايش الرقم الصحيح حق الغطا مو أي رقم والسلام
ثانيا خل موية القربه نص لا تعبيها عشان لا تكت برا مع العلم ان المويه لو كانت زايده بتطلع الين تصير تمام من نفسها
الشي الأخير اذا انت حصلت تهريب معناته انت عرفت مشكلة نقص المويه روح لورشة الثنيان تخصصه باثفندر الاخوان اللي في الرياض يمدحونه وراعيها سعودي راعي ذمه على ما سمعت والرجال انا كلمته اكثر من مره في مشاكل تخص سيارتي باث 2003 وكان ماشاءالله عليه يشخص المشكله بالتلفون وشوف والله لو موترك بانوراما وترتفع حرارته ليجيب لك قلق في حياتك لانك تخاف يروح عليك الماطور اتمنى اني افدتك ولو كنت في الغربيه كنت دليتك على الورش ومحلات اللديترات المضمونه
موفق خير وعسى الله يسهل امورك